Microsoft Word mulki huquq doc

qaviləsi» adlanır.  

Bir-birinə münasibətdə malik olduqları əhəmiyyətə və müstəqil olub-olmamasına görə müqavilələr iki 

cür olur: əsas müqavilələr; aksessor (əlavə) müqavilələr. Hər hansı bir müqavilədən asılı olmadan müstəqil su-

rətdə mövcud olan müqavilələrə əsas müqavilələr deyilir.  

Alqı-satqı, daşıma, podrat, sığorta və digər müqavilələr əsas müqavilələr hesab edilir. Aksessor (əlavə) mü-

qavilələr  odur  ki,  bu  cür  müqavilələr  əsas  müqavilələrdən  törəyir  və  onun  taleyi  həmin  müqavilələrdən  asılı 

olur.  Bu  müqaviləyə  girov,  zaminlik  haqqında  və  beh  barədə  sazişi  misal  göstərmək  olar.  Məsələn,  vətəndaş 

bankdan kredit alır və onunla kredit müqaviləsi bağlayır. Bu, əsas müqavilədir. Kreditin qaytarılmasını təmin 

etmək məqsədilə o, yaşayış evinə olan hüququnu girov qoyur və bu barədə bankla girov müqaviləsi bağlayır. Gi-

rov müqaviləsi aksessor, yəni törəmə müqavilədir. Başqa bir misalda vətəndaş öz qonşusu ilə televizor satılması 

barədə alqı-satqı müqaviləsi bağlayır. Bu, əsas müqavilədir. Vətəndaş müqavilənin icrasını təmin etmək məqsədi-

lə qonşudan beh alır və bu barədə müqavilə bağlayır. Bu, əlavə (aksessor) müqavilədir. Digər bir misalda vətən-

daş kənd sakininə borc verir və onunla borc müqaviləsi bağlayır. Bu, əsas müqavilədir. Borcun qaytarılmasını tə-

min etmək məqsədilə qonşu zamin durur və bunun üçün zaminlik müqaviləsi bağlanır. Bu isə aksessor müqavilə-

dir. Aksessor müqavilə hüquqi cəhətdən əsas müqaviləyə bağlıdır. Belə ki, onun mövcud olması əsas müqavilə-

dən asılıdır.