Microsoft Word qishloq xo'jaligi mashinalari

199-rasm.
Rotorli pichano‘rgich-maydalagich ishining
sxemasi:
1 - to ‘siq; 2-yordamchi pichoq; 3-pichoq; 4-qaytargich; 5-quvur;
6-rotor (baraban).
Pichano‘rgich-maydalagich rotorli (barabanli) o‘rish apparati- 
ga egadir (199-rasm). Mashina tirkalma bo‘lib, ikkita g‘ildirakka 
tayanib yuradi. Uning ishi quyidagicha bajariladi: harakatlanayot- 
gan mashinaning to‘sig‘i 
(1)
poyalarni oldinga engashtiradi, nati- 
jada ularning sirti taranglashib, pichoqlarning kesishi osonlashadi. 
Pichoqlar o‘tmas tig‘li bo‘lib, bolg‘achalarga o‘xshaydi, ularning 
chiziqli tezligi juda katta bo‘lganligi (« 65 m/s) sababli, poyalarni 
kesmasdan, zarb berish hisobiga uzib oladi. Pichoq tig‘i qalin 
bo‘lganligi sababli, kesaklarga tegsa ham shikastlanmaydi, faqat 
osilgan sharniri atrofida vaqtincha burilib qoladi.
Poyalar qo‘zg‘almas pichoq 
(2)
ga nisbatan kichik tirqishdan 
olib o‘tilayotganda qo‘shimcha maydalanadi va katta tezlik bilan 
quvur (5) ning ichiga irg‘itiladi va o‘rigichga tirkab qo‘yilgan 
transport vositasiga yuklanadi.
Bunday pichoq yo‘g‘on va dag‘al poyalarni, hatto 
g‘o‘zapoyani o‘rishda ham ishlatilishi mumkin.
361

---

4-§. Pichan presslagichlar
O‘rilgan pichanni dalada 25-26% namlikkacha quritib, qatorga 
uyumlab, presslab yig‘ishtirish texnologiyasi keng tarqalgan. 
Chunki bu usulda pichanni eng foydali qismi bo‘lgan guli va bargi 
kam to‘kilib, isrof bo‘lmaydi hamda presslangan pichanni 
transportlash va saqlash arzonga tushadi. Buning uchun porshenli 
hamda rulonlab presslagichlar ishlatiladi.
Presslash darajasi oz (100 kg/m3 gacha), o‘rta (100-200 kg/m3) 
va katta 
(200-300
kg/m3) bo‘ladi. Kam zichlikdagi presslashni 
pichan namligi 40% bo‘lganda boshlash mumkin. Shu sababli, bu 
usul shimoliy hududlarda va botqoqsimon yerlardan o‘rilgan 
pichan uchun ishlatiladi. Presslab quritish pichanni sifatini 
kamaytirmaydi, balki oshiradi. Pichanning namligi 25% bo‘lganida 
o‘rta zichlikda, 20% bo‘lganda yuqori zichlikda presslash tavsiya 
etiladi.
Porshenli presslagichning prinsipial sxemasi 200- rasmda 
keltirilgan. O‘rilgan o‘tlarni ilgarilanma-qaytarma harakat qiluvchi 
porshen