Microsoft Word saylanma abdulla oripov ziyouz com doc

SHOIR CHORIJON MARSIYASI 
Har kim ham dunyodan o‘tadi. 
U yo shoh, yo gado bo‘lmasin. 

---

Saylanma. Abdulla Oripov 
 
 
www.ziyouz.com kutubxonasi 
86
Qazoying qalbimni o‘rtadi, 
Hech kimning shogirdi o‘lmasin!.. 
Axir u eng avval insondir. 
Qavmiga qadrli bir jondir. 
Ustozi orzumand osmondir, 
Hech kimning shogirdi o‘lmasin. 
Sen o‘ychan yurarding, Chorijon, 
O’ylardim - ilhomga yori jon, 
Aytmovding, yengibdi dard pinhon, 
Hech kimning shogirdi o‘lmasin. 
G‘uzorning dashtida olamdek, 
Armoning sochdi oq tolamdek, 
Beg‘ubor eding bir bolamdek, 
Hech kimning shogirdi o‘lmasin... 
She’riyat, hamrohsan biz ila, 
Uyingda yuz berdi zilzila, 
Bu ne hol, bahorda zilzila, 
Hech kimning shogirdi o‘lmasin. 
Shoir xoh yoshdir, xoh qaridir, 
Ijodi ajaldan naridir. 
Alamdir, bari bir alamdir, 
Hech kimning shogirdi o‘lmasin! 
1992