Dr.Musa’s Library Facebook/Psixologiya Kitabları 105
resipientin hər hansı bir hərəkətini müxtəlif formalarda (təhriketmə, qadağanetmə və
s.) stimullaşdırmağı nəzərdə tuturlar. Təsbitedici informasiya - isə məlumat
formasında meydana çıxır.
Ünsiyyət prosesində məna necə açıqlanır? İlk növbədə, nitq vasitəsilə
informasiya sahəsinin ikinci, həm də az önəmli olmayan bir qatı da var. Bu qatı ümumi
şəkildə “gizli informasiya” qatı adlandırırlar, bu ünsiyyətin “ikinci” nüvəsinin psixoloji
konteksini təşkil edir. İnformasiya mübadiləsinin psixoloji kodları da bu sahədədir.
Həmin psixoloji kodların açılmasında bilavasitə qeyri-verbal ünsiyyət vasitələri xüsusi
rol oynayır və verbal ünsiyyət vasitələrini psixoloji möcüzələrlə ətə-qana doldurur,
onlara qövsi-quzeyin allı-güllü boyaları kimi özünəməxsus emosional naxışlar bəxş
edir. Bu vаsitələrin düzgün müəyyənləşdirilməsi kütləvi infоrmаsiyа prоsеsinin əsаs
şərtlərindən biridir. Bununlа əlаqədаr оlаrаq аşаğıdаkı məsələlərin аydınlаşdırılmаsı
zəruridir: hаnsı kаnаllаr vаsitəsilə vеrilən məlumаtlаrı kimlər dаhа аsаn, düzgün
qаvrаyа bilər, nə tipli məlumаtlаr hаnsı kаnаllаr vаsitəsilə vеrilsə, dаhа təsirli оlаr və
s.
