Microsoft Word Sosial Psixologiya docx

6.1. Sosial persepsiya. İnsanların bir-birlərini qavramaları 
Ünsiyyət  -  insanların  bir-birini  qavramasından  başlayır.  Qavrayışın  bu  növü 
psixologiyada  sosial  persepsiya  (latınca  sosialis-ictimai,  perseptio-qavrayış 
deməkdir) adlanır. 
Sosial  persepsiya  termini  psixologiyada  40-cı  illərin  ortalarından  etibarən 
işlənməyə başlanılmışdır. 
XX  yüzilliyin  50-ci  illərində,  elmi-texniki  tərəqqinin  geniş  vüsət  aldığı  şəraitdə 
insan  amilinin  əhəmiyyəti  daha  da  artırdı. 
İnsanın  insan  tərəfindən  qavranılması
 

---

Dr.Musa’s Library
Facebook/Psixologiya Kitabları
115
məsələləri  diqqəti  daha  çox  cəlb  edirdi.  Fiziki  cisimlərdən  fərqli  olaraq  insanın 
qavranılması nəinki elmi, həm də praktik əhəmiyyətə malik olan məsələ kimi meydana 
çıxırdı. Əvvəlcə insanın qavranılmasını sosial obyektin qavranılması adlandırırdılar, 
lakin sonralar qavrayışın bu növünü C.Brunerin meyarları ilə sosial persepsiya kimi 
ifadə  etməyə  başladılar.  70-ci  illərdə  terminin  əhatə  etdiyi  məsələlər  daha  da 
genişləndi.  Hal-hazırda  sosial  persepsiya  termini  ilə  3  nisbətən  müstəqil  prosesi 
nəzərdə tuturlur: 
1.  Şəxsiyyətlərarası qavrayış  
2.  İnsanın özünüqavraması  
3.  Qruplararası qavrayışı  
Müasir psixologiyada sosial persepsiya prosesi aşağıdakı istiqamətlərdə tədqiq 
olunur: 
1.  qrup üzvlərinin bir-birini qavraması; 
2.  qrup üzvlərinin başqa qrup üzvlərini qavraması; 
3.  insanın özünü qavraması; 
4.  insanın öz qrupunu qavraması; 
5.  insanın “başqa” qrupu qavraması; 
6.  qrupun öz üzvünü qavraması; 
7.  qrupun başqa qrupun üzvünü qavraması;  
8.  qrupun başqa qrupu (və ya qrupları) qavraması. 
 Göründüyü kimi, sosial persepsiya prosesləri çoxcəhətlidir, lakin bununla belə 
qeyd etmək lazımdır ki, onun əsas məsələlərindən biri, bəlkə də ən başlıcası insanın