Sosial Psixologiya - Mühazirələr (az) 100521161548 051021211057-1
5. Təhsil müəssisələrində psixoloji xidmətin təşkili məsələləri Təhsil müəssisələrində psixoloji xidmət şəbəkəsi 90-cı illərin əvvəllərində formalaşmağa
başlamışdır. Bu gün respublikamızda çoxcəhətli təhsil islahatlarının həyata keçirildiyi bir
şəraitdə məktəbdə psixoloji xidmətin təşkili xüsusi aktuallıq kəsb edir. Məktəbdə psixoloji
xidmətin təşkili məktəbin əsas strateji məqsədinin: şəxsiyyətin hərtərəfli inkişafı məqsədinin
bütün praktik problemlərinin müvəffəqiy-yətlə həll edilməsində mühüm vasitə sayılır.
Şagirdlərlə fərdi yanaşma, onların təlim çətinliklərinin aradan qaldırılması, uşaq
şəxsiyyətinin inkişafındakı çatışmazlıqların, məktəblilərin təlimdə geri qalmaları hallarının
psixoloji diaqnostikası və onlaırn aradan qaldırılması üçün tədbirlərin müəyyən edilməsi,
şagirdlərin tərbiyə və təlimi prosesində meydana çıxan çətinliklərin psixoloji profilaktikası
üzrə iş-bunların hamısı məktəbdə psixoloji xidmətin vəzifələrinə daxildir. Məktəb psixoloqları
6 yaşlı uşaqların təlimi, şagirdlərin qabiliyyət və istedadının vaxtında düzgün
müəyyənləşdirilməsinə, məktəb və ailə tərbiyəsində çətin və ziddiyyətli hallar meydana
