Microsoft Word T?bi?td?n istifad?nin huquqi ?saslar?doc

Kiçik Qafqaz təbii-kənd təsərrüfatı vilayəti 
Kiçik Qafqaz təbii-kənd təsərrüfatı vilayətinə Gəncə-Qazax, Arazboyu, 
Ceyrançöl, Daşkəsən-Gədəbəy, Laçın-Qubadlı, Dağlıq Qarabağ, Dəlidağ-Şahdağ 

---

kadastr rayonları daxil edilmiş-dir. Ümumi sahəsi 2,24 mln. ha olan Kiçik Qafqazın 
payına respublikanın dağlıq ərazilərinin 52-57%-i düşür. Bununla yanaşı Kiçik 
Qafqaz Azərbaycanın iqtisadiyyatında böyük rol oynayır. 
Gəncə-Qazax kadastr rayonu 
Gəncə-Qazax kadastr rayonuna Qazax, Şəmkir, Tovuz, Ağstafa, Samux 
rayonlarının düzən və dağətəyi əraziləri daxildir. Rayonun 546,7 min ha-a bərabər 
olan ümumi sahəsi ölkə ərazisinin 6,3%-ni təşkil edir. Bu sahənin 72,3 min ha 
ə
kin-lərdən, 23,4 min ha çoxillik əkmələrdən, 12,4 min ha dincə qoyulmuş 
torpaqlardan, 7,4 min ha örüşlərdən, 174,8 min ha isə biçənəklərdən ibarətdir. 
Gəncə-Qazax kadastr rayonu Kıçik 
Qafqaz təbii vilayətinin şimal hissəsini əhatə edir. Ərazinin hündürlüyü 200-400 
m arasında dəyişir. Bu rayonun ərazisində qurubozqır landşaftlan, orta parçalanmış 
düzənliklər yayılmışdır. Nəmliyə görə rayon yarımrütubətli və quraq zonaya aiddir 
(Md = 0,10 - 0,20). Yağıntıların illik miqdarı 250-410 mm arasında dəyişir. Qızmar 
iqlim sahəsinə daxil olan rayon ərazisin-də fəal temperaturlar cəmi 3800-4400°-yə 
çatır. Vegetasiya dövrünün uzunluğu 213-210 gündür. Tünd boz-qəhvəyi, 
boz-qəhvəyi, açıq boz-qəhvəyi, çəmən boz-qəhvəyi, bozqırlaşmış-çəmən və 
bataqlı-çəmən torpaqları daha çox yayılmışdır. Ərazidə torpaqların şorakətliyi və 
ş
orluğu yayılmışdır. Ərazinin təbii şəraiti kənd təsərrüfatı bitkilərinin becərilməsinə 
imkan verir. Əsas ixtisaslaşma sahələri üzümçülük, heyvandarlıq, taxılçılıqdır. 
Yardımçı sahələrə qoyunçuluq, kartofçuluq, bağçılıq və tərəvəzçilik aiddir.