Süni intellekt – yeni informasiya texnologiyalarının əsasıdır İntellektual informasiya texnologiyaları bizim həyatımızın bütün sahələrinə nüfuz edirlər. Buna görə də süni intellekt oblastında aktiv və çoxsaylı tədqiqatların aparıldığı istiqamətlərin ciddi təsnifatının aparılması çox cətindir. Onların bəzilərinə qısa şəkildə baxaq.
İntellektual informasiya sistemlərinin və ya biliklərə əsaslanan sistemlərin işlənilməsi.Bu Sİ-nin əsas istiqamətlərindən biridir. Bu cür sistemlərin yaradılmasının əsas məqsədi praktikada rast gəlinən mürəkkəb məsələlərin həlli üçün yüksək peşəkarlıq səviyyəsinə malik ekspertərin biliklərinin aşkarlanması, tədqiqi və tətbiqidir. Biliklərə əsaslanan sistemlərin xüsusi halı ekspert sistemləridir (ES).
