Moliyaviy hisob va hisobat

4.6-rasm. Materiallarni korxona balansiga kiritish yo‘llari

Misol. Mas’uliyati cheklangan jamiyatning ta’sis shartnomasida nazarda tutilishicha, ta’sischilar ustav kapitaliga ulush sifatida tovar-moddiy boyliklarni kiritadilar. Bunda ta’sischi 36000 ming so‘m, shu jumladan QQS 6000 ming so‘m summadagi kurilish materiallarini, boshqa ta’sischi esa 12000 ming so‘m qiymatdagi tovarlarni kiritadi.

4.4-jadval
Ustav kapitalini tovar-moddiy boyliklar bilan shakllantirish buxgalteriya yozuvlari

№	Xo‘jalik operatsiyalarining mazmuni	Summa, ming so‘m	Debet	Kredit
1	Ta’sis shartnomasiga muvofiq ustav kapitalining miqdori aks ettirildi	48000	4610	8330
2	A ta’sischi ulushining kelib tushishi	30000 6000	1050 4410	4610 4610
3	B ta’sischi ulushining kelib tushishi	12 000	2910	4610

Misol. Korxona qarz shartnomasi bo‘yicha (foiz to‘lovlarisiz) 12000ming so‘m qiymatidagi (shu jumladan QQS 2000 ming so‘m) materiallarni oldi. Qarz muddati tugagach (olti oydan so‘ng) 12000 ming so‘m qiymatidagi (QQS hisobga olingan holda) xuddi shunday materiallar qarz beruvchiga qaytarildi.