1971-ei il martın 10-da ölkədə daxili siyasi böhranın kəskinləşməsi ilə əlaqədar Ali Hərbi Şura fövqəladə iclas çağırdı. Ali hərbi Komandanlığın prezident C.Sunaya ünvanladığı 12 mart tarixli memorandumda deyilirdi ki, parlament və hökumətin mövqeyi və fəaliyyəti ölkəni anarxiyaya, qardaş qırğınına, sosial-iqtisadi həyəcanlara sürükləyir. Ona görə də hərbçilər dərhal islahat keçirilməsini tələb edirlər. Onlar bilavasitə hakimiyyəti əllərinə almaq fikrində olmayıb, mülkü hökumətin əli ilə antidemokratik tədbirlər həyata keçirmək istəyirdilər.S.Dəmirəl hökuməti istefa verdi. Prezident XCP-dan olan deputat Nihat Erimə partiyadan çıxmaq şərtilə hökumət yaratmağı həvalə etdi. Yeni hökumət əvvəlcə ölkədə qayda-qanun yaratdı. Sonra aqrar, milli təhsil, vergi sistemi və s. sahələrdə islahat Keçirilməsinə başlanıldı. Aprelin 26-da hökumət ölkənin 11 vilayətində fövqəladə vəziyyət elan etdi. Buna səbəb fəhlə hərəkatı, kürd problemi və Kipr (Kıbrıs) məsələsinin kəskinləşməsi olmuşdu.
Ölkədəki siyasi böhranlar bir neçə hökümət Kabinetinin istefası ilə nəticələndi.
