Mavzu: Kompyuterning tuzilishi deganda
nima tushuniladi? U kompyuterni
tavsiflashda qanday darajadagi
bo‘laklashlarni berishi mumkin?
Fan nomi: Kompyuter tarmoqlari
Guruh: NWK004-1 (212-21)
Bajardi: Yandashev Yahyo
Tekshirdi: Yusupov Rustam
Toshkent 2023
1-Amaliy ish. Kompyuter tizimining umumiy tarkibini tashkillashtirish
Mavzu: Kompyuterning tuzilishi deganda nima tushuniladi? U kompyuterni tavsiflashda qanday darajadagi bo‘laklashlarni berishi mumkin?
1.Kompyuter haqida umumiy ma’lumot. Kompyuter - inglizcha so'z bo'lib, u hisoblovchi demakdir. Garchand u hozirda faqat hisoblovchi bo'lmasdan, matnlar, tovush, video va boshqa ma’lumotlar ustida ham amallar bajaradi. Shunga qaramasdan hozirda uning eski nomi - kompyuter saqlangan. Uning asosiy vazifasi turli ma’lumotlarni qayta ishlashdan iborat. Hozirda kompyuter termini ko'p uchrasada, shu bilan birga EHM (elektron hisoblash mashinalari), HM (hisoblash mashinalari) terminlari ham hayotda ko'p ishlatib turiladi. Ammo biz soddalik uchun faqat kompyuter terminidan foydalanamiz. Kompyuterlarning amalda turli xillari mavjud: raqamli, analogli (uzluksiz), raqamli-analogli, maxsuslashtirilgan. Ammo, raqamli kompyuterlar foydalanilishi, bajaradigan amallarning universalligi, hisoblash amallarining aniqligi va boshqa ko'rsatkichlari yuqori bo'lgani uchun, ular ko'proq qo'llanilmoqda.
2.Shaxsiy kompyuterlarning tuzilishi Shaxsiy kompyuterlar (inglizcha Personal Computers, qisqacha- PC) quyidagi qurilmalardan tashkil topgan:
tizim bloki;
monitor;
klaviatura;
sichqoncha;
tashqi qurilmalar.
IBM firmasiga taalluqli shaxsiy kompyuterlar, inglizcha IBM PC kompyuterlari atamasida yuritiladi va ular hozirgi kunda Respublikamizda keng tarqalgandir.
