Mühazirə 1 İnteryerin tipologiyası və təsnifatı

Funksional təyinatına görə binalar aşağıdakılara ayrılır:

-mülki (yaşayış və ictimai)-insanların məişət tələblərini və ictimai fəaliyyətləri təmin etmək üçün;

-sənaye-müxtəlif istehsal fəaliyyətlərini həyata keçirmək üçün;

-kənd təsərrrüfatı-kənd təsərrüfatı istehsalının müxtəlif sahələri üçün.

Cəmiyyətin sosial tələbləri ilk öncə tikilən binaların funksional təyinatını müəyyən edir. Funksional təyinat onun formasını müəyyən edir. Funksional təyinatdan asılı olaraq binalar tipləşdirilir. Məsələn, yaşayış binaları aşağıdakı tiplərə ayrılır:

-birotaqlı (birmərtəbəli, ikimərtəbəli, mansardalı);

-bloklaşdırılmış (ikimənzilli bir mərtəbəli, ikimərtəbəli; dördmənzilli ikimərtəbəli; çoxmənzilli birmərtəbəli, ikimərtəbəli);

-seksiyalı (təkseksiyalı üçmərtəbəli və daha yüksək, çoxseksiyalı ikimərtəbəli və çox yüksək);

-koridor tipli;

-koridor-seksiyalı;

-qalereya tipli;

-qalereya-seksiya tipli.