Mühazirə 10 Əsas alqoritmlər

Qabarcıq üsulu ilə çeşidləmə
Çeşidləmənin sadə və geniş yayılmış üsullarından biri də qabarcıq üsuludur. Mahiyyətcə seçmə üsuluna oxşayan qabarcıq üsulunun fərqi ondadır ki, minimal elementin tapılması və yazıların yerlərinin dəyişdirilməsi əvəzinə, qonşu elementlərin açarları müqayisə olunur və nizamlığın pozulması aşkar edilərsə, onların yerləri dəyişdirilir.

Bu üsulda xarici dövrlərin maksimal sayı (n-1)-ə bərabərdir. Xarici dövrün 1-ci icrasında k₁ və k₂ açarları müqayisə olunur. Əgər R₁>R₂ olarsa, onların yerləri dəyişdirilir. Sonra R₂ və R₃ müqayisə olunur. Xarici dövrün 1-ci icrasından sonra ən böyük açar n-ci mövqeyə gətirilir. Xarici dövrün sonrakı icralarında növbəti böyük açarlar ardıcıllıqla n-1, n-2,...,2 mövqelərində gətirilir. Nəticədə cədvəl nizamlanmış formaya gətirilir.

Hər dəfə xarici dövrün icrasından sonra yerdəyişmələrin olub-olmamasını yoxlamaqla çeşidlənmənin sonunu təyin etmək olar.