|
Texnikanın mənimsənilməsi – idmançılar texnika hərəkətlərini müxtəlif dərəcədə mənimsəyə bilərlər. Məsələn, idmançı texnikada mühüm səhvlər etməklə bu və ya başqa hərəkəti yaxşı mənimsəyə bilər, və ya əksinə, elə birinci təşəbbüsdə hərəkəti düzgün icra edə bilər, hərəkəti kifayət qədər mənimsəməmiş olar. Lakin bu düzgün icra etməni tez yaddan çıxara bilər və sonrakı məşğələlərdə onu təkrar edə bilməz.
Məhz hərəkətləri müxtəlif dərəcədə mənimsəmədən asılı olaraq hərəkət bacarığı və hərəkət vərdişi haqqında anlayışlar irəli sürülmüşdür. Hərəkət bacarığı – hərəkəti icra etmək istedadını əldə etməkdir. Hərəkət vərdişi isə hərəkətin kifayət qədər yaxşı mənimsənilməsidir.
Hərəkətin yaxşı mənimsənilməsi üçün aşağıdakılar əsasdır:
Standart şəraitlərdə icra edilən hərəkətlərin bir sıra xüsusiyyətlərinin və idman nəticəsinin stabilliyi.
Dəyişilən, xüsusən çətinləşmiş şəraitdə icra edilən hərəkətlərin möhkəmliyi.
Məşqlər arasındakı fasilədə hərəkət etmək bacarığını saxlamaq.
Hərəkətlərin icra olunmasının avtomatizmi.
Dostları ilə paylaş: |
