Mühazirə mətnləri Bakı ­- 2015

E

Ekstensiv inkişaf tipi – Əvvəlki texniki-texnoloji baza əsasında, əlavə xammal və iş qüvvəsi cəlb etməklə istehsalın həcminin artması.

Elmi-texniki potensial - Elm və texnikanın inkişafının xarakterizə edən bütün göstəricilər kompleksi.

Elastiklik - Tələb və təklifın həcminin onları müəyyən edən amillərdən (ilk növbədə qiymətlərdən) asılı olaraq dəyişməsi, həssaslığı.

Elastik təklif - Elastiklik əmsalı vahidləri çox olan təklif (E > 1).

Elastik tələb - Elastiklik əmsalı vahiddən çox olan tələb (E > 1).

Elastiklik əmsalı - İqtisadi göstəricinin onun asılı olduğu amillərə həssaslığını səciyyələndirən göstərici

Elektron satışları - Xüsusi kompüter sistemləri (şəbəkəsi) əsasında geniş ərazini və alıcıları əhatə edən satışlar.

Embargo - Ölkəyə əmtəə-xidmətlər idxalı və ixracının qadağan edilməsi.

Emissiya - Qiymətli kağızların, bank biletləri və kağız pulların hazırlanıb dövriyyəyə buraxılması.