Mühazirə MÖvzu 1 Fəlakət təbabəti və Mülki Müdafiə tibb xidmətinin tə şkili, quruluşu, fə nni, vəzifələri MÖvzu 2

Kimyəvi maddələr və bakterioloji vasitələrlə təmizlənmə zamanı: 
1. fərdi kimyəvi paketi (İPP-8) açmalı, əski (tampon) hazırlamalı; 
2. dərinin açıq yerlərini, əleyhqazın üz hissəsini, paltarların yaxalarını və əl dəyən yerləri silməli 
(bunu bir neçə dəfə təkrar etmək lazımdır). 
İnsanların dərisi və paltarında maye halında olan zəhərləyici maddə damlalarını aşkar etdikdə 
bint salfetkası deqazasiya məhlulu ilə isladılır və onunla dərinin açıq hissələri, paltarlar və əleyhqazın 
üz hissəsi silinir. 

---

Fənn: Hərbi tibbi hazırlıq və fəlakətlər təbabəti 
 
64
Fərdi kimya əleyhinə paket olmadıqda zəhərləyici maddə damcıları pambıq, bint, hər hansı 
materiya parçası ilə ehtiyatla yuxarıdan aşağıya istiqamətində silinir, hər dəfə onu yenisi ilə əvəz 
edirlər. İmkan olan kimi isə nahiyyələri dərhal su ilə sabunla yuyurlar və təmiz dəsmalla qurulayırlar. 
Kimyəvi zədələnmə ocağından çıxan kimi xüsusi ayrılmış yerdə mühafizə vasitələri çıxarılır. 
Sonra əleyhqazı çıxarmadan dərinin açıq hissələri paltar və ayaqqabılar yenidən gözdən keçirilir, əgər 
zəhərləyici maddə damcıları aşkar olunarsa, onları yenə də deqazasiya məhlulu ilə təmizləyirlər. 
Ayaqqabılar əski, kağız və otla təmizlənir. Təmizləmə işlərini qurtardıqdan sonra əllər və bədənin açıq 
hissələri kimya əleyhinə paketin məhlulu ilə silinir. Qismən sanitariya təmizləmədən keçmiş adamlar 
adətən fərdi dozimetrik nəzarətdən keçirilir. Əgər məlum olsa ki, paltarın və bədənin radioaktiv 
zəhərlənməsi yol verilən səviyyədən artıqdır, onda tam sanitariya təmizlənməsi aparmaq lazımdır.
Tam sanitariya təmizlənməsi – bütün bədənin isti su, sabun və kisə ilə yuyulmasından, habelə 
gözlərin, burun və ağız boşluğunun selikli qişalarının 2%-li soda məhlulu ilə təmizlənməsindən 
ibarətdir. Zədələnmə ocağından çıxandan sonra, sanitar yuma məntəqəsində aparılır.Bu vaxt adamların 
bədəni isti su ilə, sabunla və hamam lifi vasitəsilə yuyulur.