6. Aerohidrodinamik amili - Bu amil daşqın, tufan, boran, qasırğa, sel, sürüşmə, fırtına və
s. kimi təbii fəlakətlər zamanı əmələ gəlir. Onun əsasında insan tərəfindən idarə oluna bilməyən təbii
qüvvələr durur.Aerohidrodinamik amil ikincili zədələyici amilləri törədərək kombinəolunmuş təsir
göstərməklə xarakterizə olunur. Məsələn, daşqınlar zamanı böyük əraziləri su basır, kənd təsərrüfatı
sahələri yararsız hala gəlir, bina, körpü və qurğuları su yuyub aparır və müəssisələrdə qəzalar meydana
gəlir. Tufan və boran həm dağıntılara, həm də ərazinin güclü təsirli zəhərli maddələrlə, bakterial
vasitələrlə, neft məhsulları ilə müxtəlif tullantılarla çirklənməsinə səbəb olur.
Psixoemosional təsir - FH-da zədələyici amillərdən biri də psixoemosional təsirdir. Bu
özünü ekstremal vəziyyətdə olan insanların əmək qabiliyyətinin aşağı düşməsində, psixi fəaliyyətinin
pozulmasında, bəzi hallarda isə çox ciddi psixi dəyişikliklərin meydana gəlməsində göstərir.
Psixoemosional təsir həm real təhlükə olduqda, həm də FH-da gözlənilən dövrdə insanların
davranışında dəyişikliklərin əmələ gəlməsinə səbəb olur.
FH-ın zədələyici amillərinin təsirini qiymətləndirərkən insanın fəaliyyətində yaranan həmin
dəyişiklikləri 2 qrupa ayıra bilərik:
1. qeyri patoloji emosional reaksiyalar;
2. patoloji (reaktiv) vəziyyətlər
Qeyri-patoloji psixoemosional reaksiyalar bilavasitə FH-dan asılı və qısamüddətli olurlar. Bu
qrupa daxil olan şəxslər əmək qabiliyyətini itirir, ətraf mühiti adekvat qavrayır və öz davranışına
tənqidi yanaşırlar. Onlarda bu hal narahatlıq, ruh düşgünlüyü, həyəcan, qorxu və təlaş hissləri və
təhlükənin obyektiv miqyasını öyrənməyə səy göstərməsi ilə müşayiət olunur.
Reaktiv vəziyyətdə olan şəxslər isə adekvat davranış, ətrafdakı insanlarla normal ünsiyyət
saxlamaq və əmək qabiliyyətini itirdiyinə görə psixopatoloji pozğunluqlara məruz qalırlar.
