Fənn: Hərbi tibbi hazırlıq və fəlakətlər təbabəti Şöbə: “Müalicə işi” 2 nömrəli Bakı Baza Tibb Kolleci 14
MÖVZU 6 Fövqəladə halların xəbərdarlığı və görülən tədbirlər üzrə dövlət təşkilatlarının yaradılması və vəzifələri Mülki Müdafiə (MM)- dinc dövrdə və ya müharibə dövründə əhalini (AR vətəndaşlarının, AR
ərazisində olan əcnəbilərin və vətəndaşlığı olmayan şəxslərin) və ərazinin (AR ərazisinin hüdudları
daxilində torpaq, su və hava məkanının, istehsalat və sosial təyinatlı obyektlərin, habelə ətraf mühitin)
təhlükəsizliyinin təmin edilməsi məqsədilə dövlət hakimiyyəti orqanları, hüquqi və fiziki şəxslər
tərəfindən həyata keçirilən tədbirlər sistemidir.
MM həyatı, gələcək nəsillərin, ətraf mühitin, maddi və qeyri-maddi dəyərlərin təhlükəsizliyini
təmin edir. Bu məqsədlə 1966-ci il oktabyrın 17-də BMT katibliyində Beynəlxalq Mülki Müdafiə
Təşkilatının (BMMT) nizamnəməsi qeydə alınmışdır. Bu nüfuzlu beynəlxalq təşkilat ən mürəkkəb
fövqəladə hallarda cəmiyyətə yardım göstərir BMMT-MM kadrları hazırlamaq üçün kurslar təşkil edir
və bilavasitə MM xidmətlərinə texniki yardım göstərir.
Azərbaycan Respublikası MM sistemi qarşısında bir sıra vəzifələr durur. Bunları həyata
keçirmək üçün, Nazirliklərdə, Baş idarələrdə, təsərrüfat obyektlərində, tədris müəssisələrində və s.
MM qərargahları yaradılır. Bizim kollecdə MM sədrinin. Bütün tədbirlərin vaxtında və dəqiq həyata
keçirilməsində MM qərargahlarının rolu böyükdür. Qərargahlar həmçinin nəqliyyat təyinatı, yol-
körpü, yanğından mühafizə, hidrometeoroloji, texniki və maddi təminatı, habelə inzibati təsərrüfat və
komendant xidmətini, gizli idarəetmə işlərini və s. təşkil edir. Kənd rayonlarının MM qərargahları
əlavə olaraq kənd təsərrüfatı heyvanlarının, bitkilərinin bitkiçilik və heyvandarlıq məhsullarının, ərzaq
xammalının və yemlərin radioaktiv, kimyəvi və bakterioloji zəhərlənmələrdən müdafiəsi üzrə
tədbirləri müəyyənləşdirir, planlaşdırır və həyata keçməsinə nəzarət edir.
