Birinci porsiya-A porsiyası 12 b/bağırsaq möhtəviyyatıdır, açıq sarı rəngdə olur, qələvi
reaksiyalıdır. Sonra öd kisəsindən ödün gəlməsi üçün hər hansı qıcıqlandırıcı vurulur. 40 ml 33%-li
MgSO
4
60
0
C qızdırılır, yeridilir. Kömək etmirsə, 40%-li qlükoza və ya sorbit, ksilit yeritmək olar.
Bundan başqa, zeytun yağı və ya 10%-li penton məhlulu yeritmək olar. 5-7 dəqiqədən sonra şəffaf, tünd
öd gəlir. Bu B porsiyası olub, öd kisəsinin möhtəviyyatıdır. Öd kisəsi tamam boşaldıqdan sonra açıq rəngli
öd-S porsiyası görünür, bu öd axacaqlarından gəlir, açıq sarı rəngdə və şəffafdır, qarışığı olmur. Bu
porsiyalar steril sınaq şüşələrinə yığılır.
Sistoskopiya- sidik kisəsinə xüsusi sistoskop adlanan cihazla baxmaqdır. Bunun işıq və optik
sistemi var. Sidik kisəsinə yeridilməklə şəffaf mayedən optik sistemlə baxıb kisənin içərisini və selikli
qişasını nəzərdən keçirmək olur. Optik sistemi çıxardıb yerinə yuma sistemi də qoymaq olar.
Proseduradan əvvəl xəstəyə təmizləyici imalə olunur. Sistoskopiya diaqnostik və müalicə məqsədilə
(məsələn, sidiklikdə olan xoş xassəli şişləri çıxarmaq, orada olan daşları parçalamaq-litotripsiya) aparılır.
Göstərişlər:sidik kisəsinin şişləri və daşına şübhə, makrohematuriya və s. Əks-göstərişlər:prostat vəzinin
adenoması, sidik kanalı və sidikliyin kəskin iltihabı və s.
Exoqrafiya - böyrəklərin ultrasəslə müayinəsi xəstələrin xüsusi hazırlığını tələb etmir. Lakin
kişilərdə prostat vəzinin, qadınlarda isə daxili cinsiyyət üzvlərinin müayinəsi üçün sidik kisəsinin dolu
olması mütləq vacibdir. Bu məqsədlə xəstə müayinədən 1-3 saat əvvəl 400-500 ml su, yaxud çay qəbul
etməlidir.
Rektoromanoskopiya - düz bağırsağın selikli qişası, S-vari bağırsağın başlanğıc hissəsinə baxmaq
üçün istifadə olunur. Rektoskop-düz bağırsağa salınan müxtəlif uzunluqda borular dəsti, optik sistem, düz
bağırsağa hava vuran balondan ibarətdir. Rekteromanoskopiyanın köməyilə bağırsaqda olan şişlərə,
xoralara, iltihabi proseslərə, çatlara, daxili babasilə və s. diaqnoz qoymaq, lazım gələrsə, sitoloji və
