Mühazirələr i.ü. f d., İsmayılova H. Q. Bakı – 2022

Ekoloji təhsil dedikdə - ətraf mühitin mühafizəsi, təbii ehtiyatlardan istifadə üzrə normaların, xüsusi biliklərin, təcrübənin tədrisi və öyrədilməsi prosesi başa düşülür. Bu vaxt ətraf mühitə, ekologiyaya, insan və təbiət arasında qarşılıqlı əlaqələrə dair məlumatlar, ekoloji mədəniyyətin formalaşmasına yönəldilmiş biliklərin yayılması, ekoloji təhlükəsizliyə dair bilik və təcrübənin öyrədilməsi nəzərdə tutulur.

Mövcud qanunvericiliyə görə təhsil və tərbiyə sahəsində aĢağıdakılar nəzərdə tutulur:

- cəmiyyətdə ekoloji birliklərin və mütəxəssis kadrların peĢə hazırlığını yüksəltmək məqsədi ilə məktəbəqədər, məktəb, orta ixtisas və ali təhsilin bütün mərhələlərində mütəxəssislərin hazırlanması və ixtisaslarının artırılmasını əhatə edən ekoloji tərbiyənin və təhsilin ardıcıllığı və fasiləsizliyi təmin edilməlidir;

- əhali arasında ekoloji biliklərin yayılması məqsədi ilə dövlət orqanları və ictimai birliklər tərəfindən kütləvi informasiya vasitələri ilə qanunvericiliyə zidd olmayan təbliğat işləri aparılmalıdır;

- tədris müəssisələrində, onların profilindən və mülkiyyət formasından asılı olmayaraq ekologiyanın əsaslarının tədrisi nəzərdə tutulmalıdır. Bu məqsədlə qa-nunun tələblərinə uyğun tədris proqramları tərtib edilir və dərsliklər hazırlanır;

- ətraf mühitə zərərli təsir göstərən fəaliyyətlə bağlı olan vəzifəli şəxslər məcburi qaydada lazımi ekoloji hazırlığa və ətraf mühitin mühafizəsi sahəsində qa-nunvericiliyin əsaslarına dair biliklərə malik olmalıdır.

Ekoloji təhsil və maarifləndirmə idarəetməni həyata keçirən dövlət hakimiyyəti və yerli özünüidarəetmə orqanlarına, təhsil müəssisələrinə əhalinin maarifləndirilməsi ilə məşğul olan, həmçinin digər aidiyyəti hüquqi və fiziki şəxslərə şamil edilir.