Moslanishlar ham odatda uch xil bo‘ladi: yurish-turish harakati
orqali, morfologik va fiziologik moslanish.
Yurish-turish orqali moslanishda hayvonlar, albatta, suvni izlab
topish, yashaydigan joyni tanlash, in qazib, unda yashash orqali
moslashadilar.
Morfologik moslanish tanasining ustida chig‘anoqlar, sovutlar,
qalqon va tangachalar hamda kutikulalar hosil qilish orqali amalga
oshiriladi. Masalan, shiliqqurt, toshbaqa, kaltakesak, qo‘ng‘izlar ana
shunday moslashadi.
Fiziologik moslanish esa metabolitik suv hosil qilish orqali
amalga oshadi. Masalan, odamlar tanasidan vazniga nisbatan 10%
gacha suv yo‘qotishi mumkin. Undan ortiq suv yo‘qotilsa, organizm
halok bo‘ladi. Bu ko‘rsatkichlar turli hayvonlarda turlicha, masalan,
tuyalar - 27%, qo‘ylarda - 23%, itlarda - 17%, agar bundan oshsa
halokat yuz beradi.
Ayrim suvda yashovchi (gidrobiont) hayvonlar suvni yutishi yoki
filtratsiya qilish orqali yashashga moslashgan. Natij ada suv havzalarida
biologik tozalanish sodir bo‘ladi. Masalan, lixet, mishanka, astsidiy,
plankton, qisqichbaqasimonlar, midiyalar bir sutkada 150-280
m3 suvni tindiradi va tozalaydi. Qurg‘oqchil sharoitda yashovchi
suvo‘tlari, lishayniklar va moxlar poykilokserofitlar deb atalib,
ular qurg‘oqchil davrlarda qurib qolib, anabioz holatga o ‘tadilar
va yog‘ingarchilik bo‘lgan vaqtda yana hayotini tiklab davom
ettiraveradilar.
Dostları ilə paylaş: