6. CRM. PRİNSİPLƏR VƏ ƏSAS TƏLƏBLƏR
Dünyamiqyaslı aviasiya qəzalarının statistikası hər dörd aviasiya hadisəsindən üçünün insan orqanizminin funksional etibarlılığından asılı olduğunu qeyd edir. Aviasiyada təhlükəsizlik səviyyəsinin yüksək olmasına baxmayaraq, müasir aviasiya nəqliyyat sisteminin bütünlüklə avtomatlaşdırılması insanın səhv davranışını daha da labüdləşdirir. Elə buna görə də uçuşların təhlükəsizliyi ilə bağlı mübarizədə əsas istiqamət insanın üzərinə yönəlmişdir.
Uçuş Heyəti Resurslarının İdarə olunması (CRM) konsepsiyası insan, texnika, məlumatlarla bağlı resursların düzgün tətbiq edilməsi, həmçinin heyətdaxili və heyətin digər insanlarla münasibətlərinin yüksəldilməsinə yönələn uçuşların effektivliyi və təhlükəsizliyinin artırılması üçün hazırlanmış tədbirlər sistemidir.
CRM – insan amilinin prinsiplərinin təcrübi yolla tətbiqi alətidir. İnsan amilindən fərqli olaraq, CRM daha sadə və aydın qaydalar sistemi olub, XX əsrin əvvəllərində sənaye sahəsində meydana gəlmişdir. CRM-in tətbiqi ilə bağlı ilk təcrübələr XX əsrin 40-cı illərinə (US Airforce) təsadüf edir. Mülki aviasiyada CRM-in tətqiqi bir neçə mərhələdən ibarət olub, müasir dövrümüzdə də onun inkişafı və təkmilləşdirilməsi davam edir.
Dostları ilə paylaş: |
