KIRISH Dissertatsiya mavzusining asoslanishi va uning dolzarbligi. Jahonda
autentifikatsiyaning an’anaviy usullarida zaifliklarni ortib borishi natijasida
tashkilotlarda qat’iy yoki kо‘p faktorli autentifikatsiya usullaridan foydalanish
kо‘lamini kengaytirishga alohida e’tibor qaratilmoqda. Axborot – kommunikatsiya
tizimlari rivojining hozirgi zamon bosqichida foydalanuvchilarni haqiqiyligini
tekshirishda kо‘p faktorli autentifikatsiya usullaridan foydalanish muhim
hisoblanadi.
Respublikamizda davlat va xо‘jalik boshqaruv organlarida elektron hujjat
almashinuv tizimlarini tatbiq etishda va elektron huqumat tizimini shakllantirishda
ma’lumotlar xavfsizligini ta’minlashga qaratilgan keng qamrovli chora-tadbirlar
amalga oshirilmoqda. «2022 - 2026 yillarga mo‘ljallangan yangi O‘zbekistonning
taraqqiyot strategiyasi to‘g‘risida»gi Farmonida, jumladan «..kiberjinoyatchilikning
7oldini olish tizimini yaratish» vazifalari belgilangan [27]. Bundan tashqari 2018-
yil 14-martdagi PF-5379-son «О‘zbekiston Respublikasining davlat xavfsizligi
tizimini takomillashtirish chora-tadbirlari tо‘g‘risida»gi [28] va 2018-yil 19-
fevraldagi PF-5349-son «Axborot texnologiyalari va kommunikatsiyalari sohasini
yanada takomillashtirish chora-tadbirlari tо‘g‘risida»gi [29] Farmonlari, 2007-yil 3- apreldagi PQ-614-son «О‘zbekiston Respublikasida axborotni kriptografik
muhofaza qilishni tashkil etish chora-tadbirlari tо‘g‘risida»gi Qarorini [30] misol
keltirish mumkin.
Ilmiy tadqiqot ishining obyekti va predmetining belgilanishi.Tadqiqot
obyekti sifatida foydalanuvchilar haqiqiyligini tekshirish jarayoni olingan.
Tadqiqot predmetini esa bir martali parollarni generatsiyalash usullari va
algoritmlari tashkil etadi.
