Mundarija kirish I. Bob

Mavzu: ADABIYOT DARSLARIDA ZULFIYA HAYOTI VA IJODINI ZAMONAVIY TEXNOLOGYALAR ASOSIDA ÒRGANISH


MUNDARIJA


KIRISH


I. BOB Adabiyot darslarida yozuvchi hayoti va ijodini o‘rganisning ilmiy- nazariy va metodik asoslari.
1.1. Adabiyot darslariga qo‘yilgan talablar
1.2. Zulfiya hayoti va ijodining o‘ziga xos xususiyatlari.
1.3. Shoira she`rlarida avtobiografizm.


II.BOB Adabiyot darslarida zulfiya hayoti va ijodini zamonaviy texnologyalar asosida òrganish.

2.1. Adabiyot darslarida shoira hayoti va ijodini o‘rganishning o‘ziga xos xususiyatlari

2.2. 6-sinf adabiyot darslarida Zulfiyaning “” she’rlarini o‘rganish.

2.3. O’quv kompetensiyalarini rivojlantirishda ifodali o’qishning ahamiyati


XULOSA
FOYDALANILGAN ADABIYOTLAR
KIRISH
Zulfiya XX asr o‘zbek she`riyatining yirik vakillaridan biridir. U o‘zining teran falsafiy, hasos, fojiaviy va hayotbaxsh realistik ijodi bilan hozirgi zamon o‘zbek she`riyatida yangi sahifa ochdi.
Isroil Muslimov qizi Zulfiya 1915-yil 1-martda Toshkentning O‘qchi mahallasida tug‘ildi. Hovli mo‘`jazgina bo‘lsa-da, unda bir-biridan chiroyli, muattar gullar o‘stiriladi. Oila a`zolari she`rxonlikni, musiqani qattiq sevardi. Zulfiya oilaning kenjasi edi. Uning bir-biridan ko‘rkam, bir-biridan aqlli to‘rt akasi bor edi. Ularning bari keyinchalik mas`ul lovzimlarda ishladilar, qatag‘on-qirg‘in yillarining achchiq zahri va shafqatsiz qahriga duchor bo‘ldilar...
Oiladagi tinch, fayzli, shirin hayotni vujudga keltirishda onaning xizmati beqiyos edi. Ona shoirtabiat, ko‘p narsani biluvchi farzandlarini katta dunyo sari dadil yetaklagan zehnli ayol edi. “Agar iste`dodim bor bo‘lgan bo‘lsa, uning chashmasi-onam. Agar adabiyot ahliga bir kaft don yanglig‘ she’riy hosil tutgan bo‘lsam, uning urug‘ini qalbimga avval onam sochganlar”, -degan edi Zulfiya. Shoiraning butun ijodi davomida onani, ayolni ulug‘lovchi otashin she`rlar yozishi bejiz emasdi. Bugungi kunda ta’lim tizmiga ko’plab yangi pedagogik texnologiyalar kirib kelmoqda. Bu texnologiyalarning adabiy ta’limda ahamiyati juda yuqori hisoblanadi. Chunki adabiyotni bilgan inson ma’nan boy va qalban yetuk inson bo‘lib yetishadi. Qalbida adabiyot yashagan shaxsdan esa hech qachon yomonlik chiqmaydi. Shunday ekan, hozirgi tobora globallashib borayotgan davrda ta’lim tizimida yangidan yangi zamonaviy texnologiyalarni qo‘llash dolzarblik kasb etadi. Umumiy o‘rta ta’lim maktablarida Zulfiya hayoti va ijodiga oid ma’lumotlar faqatgina 6-sinf adabiyot darsligida berilgan. O‘quv-ish rejaga ko’ra “Zulfiya hayoti va ijodi” ga oid dars soatlari 2 soatgagina berilgan. Birinchi soatida Zulfiya hayoti, uning asarlari haqida so‘z borsa, ikkinchi soatda esa shoiraning bir qancha she’rlari tahlil qilinadi. Ushbu dars soatlari orqali shoiraning sadoqat timsoli ekanligi, o‘zbek ayolining sabr-matonati aks etadi.
I. BOB Adabiyot darslarida zulfiya hayoti va ijodini zamonaviy texnologyalar asosida òrganish.
1.1. Hayoti va ijodi. Shoiraning estetik qarashlari. Shoira
she`rlari nega murakkab? She`r va siyosat.
Z
ulfiya boshlang‘ich maktabni bitirgach, xotin-qizlar pedagogika bilim yurtida tahsil oldi (1931-1934). Shu yerda she`r mashq qila boshlaydi. Bilim yurti qoshida adabiy to‘garak tashkil etilgan edi. Unga shoir Shukur Sa`dulla rahbar edi. To‘garakda G‘afur G‘ulom, Uyg‘un kabi ko‘zga ko‘ringan shoirlar bilan uchrashuvlar uyushtirilardi. Shoira o‘z ustozini avvalo “davrning, hayotning o‘zi”, deb hisoblaydi. O‘sha davrning shuhratli shoirlari, turli-tuman kitoblar shoiraga ijod sirlarini anglashda ko‘mak berganiga shak-shubha yo‘q, albatta. Ilk she`ri bo‘lmish “Qizil durra”- ning dunyoga kelishiga paranjini tashlab zavod-fabrikalarda boshlariga qizil durra o‘rab ishlay boshlagan ayollar hayoti turtki bergani ham bejiz emas. Shoira hayot, turmush saboqlaridan ilhom oldi va 17 yoshidayoq “Hayot varaqlari” (1932) degan ilk to‘plamni chiqardi. Ammo u bunda dunyoga, voqealikka, insonga o‘z nuqtai nazaridan qarash darajasiga ko‘tarilmagandi. Hamid Olimjon bilan taqdirining bog‘lanishi (1935) shoira hayoti va ijodida ulkan burilish bo‘ldi.
Shoira ilmini oshirishga astoydil intildi, aspiranturada o‘qidi, bolalar nashriyotida muharrirlik qila boshladi. Ikkinchi jahon urushi ko‘pchilikni birdan ruhiy jihatdan tetiklashtirib qo‘ydi, kattayu-kichikning e`tibori vatan himoyasiga qaratildi. Urush Zulfiya uchun ham katta sinov davri bo‘ldi. U ulkan yo‘qotishdan- Hamid Olimjonning bevaqt halok bo‘lishidan (1944) dovdirab qolmadi, endi ikki sozni –o‘zi va Hamid Olimjon sozini chalishni bo‘yniga oldi. Bu shoira she`riyati mazmuni, yo‘nalishi, ruhidagina emas, ayni chog‘da ijtimoiy faoliyatida ham yaqqol ko‘rindi. “Saodat” jurnalida (avval “O‘zbekiston xotin-qizlari” deyilardi) bosh muharrir bo‘ldi (1953-1980), Osiyo va Afrika yozuvchilari harakatida faol qatnashdi, mamlakatimiz vakili sifatida Hindiston, Yugoslaviya, Shri Lanka, Misr, Birma, Avstraliya kabi mamlakatlarda bo‘ldi. Zulfiyaga berilgan qo‘sha-qo‘sha mukofotlar uning el-yurt oldidagi katta xizmatlaridan dalolat beradi. U respublika davlat mukofoti laureati (“O‘ylar”, “Shalola” to‘plamlari uchun), sobiq SSSR davlat mukofoti laureati (“Saylanma”si uchun) O‘zbekiston xalq shoirasi, xalqaro “Nilufar” mukofoti, Bulg‘oriyaning “Krill va Mefodiy” ordeni sohibasi edi. Unga Mehnat Qahramoni unvoni va ko‘plab orden, medallar berilgan edi.
Zulfiya she`riyati teran fikr bilan jo‘shqin hissiyot uyg‘unligidan hosil bo‘lgan, demak, intellektual va psixologik she`riyat. Unda vaqt va makon qamrovi keng, yaxlit. Ijodida xotira, taqdirdosh, yuragiga yaqin kishilar, kelajak ohanglarining barqarorligi shundan.
“Men she`rlarimizning bir mavzu atrofida cheklanib qolishini istamayman”, degandi Zulfiya. Uning lirikasi chindan ham ko‘povozli. Bu ohanglarning eng muhimi va jarangdorini baxtiyorlik va hijron, g‘am-fojeiylik tashkil etadi:

Ma`yusi ham, yorqini ham bor.
Tuproq, hayot, yurak bu axir,-
deydi u.
Zulfiya she`riyatidagi fojiaviylikni keltirib chiqargan chiqargan va chuqurlashtirgan asos esa, uning tarjimai holiga bog‘liq va fojeiy ohangni ustunligi shoira she`rlarida yana bir o‘ziga xoslikni-voqeaviylikni, ixcham syujetlilikni keltirib chiqargan.
Zulfiya: “Nazarimda, shoirlar o‘z tarjimai hollarini yozmasliklari joiz. Negaki, shoirlar haqida she`rlari tavsif beradi, ular haqida hamma narsani aytib bermasa ham ijodlarida hayotlarining ko‘pchilik tomonlarini sharh etib berishga qodir she`rlari bo‘ladi”,- deb yozgan edi.
H.Olimjon hayoti vaqtidayoq shoira ijodiga hijron ohangi kirib keldi. Bu ohang “Hijron” she`rida, “Uni Farhod der edilar” dostonida, H.Olimjon tomonidan tahlil qilinib bosmaga tushirilgan “Hijron kunlarida” she`riy to‘plamida muhim o‘rin tutdi.
Zulfiya urush boshlanishi bilan “Dushman ajal tortib keldi Vatanga, bizning sevgimizga tashladi hijron”, deb xalq boshiga tushgan kulfatni tahlil etishga kirishdi, hijron ohangi orqali xalq irodasi, jasorati va g‘alabaga bo‘lgan qattiq ishonch tuyg‘usini ifodaladi.
“Uni Farhod der edilar” poemasida ham ayol qalbining sezgir beorom tabiatini ko‘ramiz. Doston, bizningcha, hozirgacha o‘z fayzini saqlab qolgan asarlardan. Doston markazida qahramonning vatanparvarlik, mardlik bilan tula ma`naviy dunyosi tahlil etiladi. Asarning zamirida san`atkorning so‘zi bilan ish bir bo‘lishi kerak, degan fikr mavjud. Qobilqori o‘zbek sahnasida juda ko‘p rollarni ijro etib, qahramonlik, insonparvarlik, vatanga jon fidolik kabi tuyg‘ularni targ‘ib qilgan edi. Uning iste`dodiga qoyil qolgan tomoshabinlar Farhod rolini mahorat bilan Qobilqorini Farhodning o‘zi-ya, derdilar. Shoira xalqning mehridan kelib chiqib, dostonni “Uni Farhod der edilar” deb nomlaydi.
Respublikamizning milliy mustaqillikka erishishi Zulfiya ilhom bo‘log‘ining ko‘zini ochib yubordi. Yillar davomida qimtinib, haqiqatni bor bo‘yicha ayta olmay, yuragi o‘rtanib yurgan shoira yangi davr kelganini teran his etdi. Bosib o‘tilgan yo‘lga yangi nazar-adolat ko‘zi bilan boqib, ularni o‘z nomi bilan atab, haqqoniy realistik she`rlar yaratdi. 1995-yil boshlarida yozgan “Sharqning o‘zi ona bo‘lgan hamisha”, “Iqrorga vaqt yetdi” kabi she`rlari, “Xotiram siniqlari” dostoni shoira ijodining yangi sahifasi, yangi bosqichi va hozirgi o‘zbek she`riyatining qonuniy yutug‘i deyishga arziydi.
Zulfiya 1995-yili saksonga kirdi. Vatanimiz uni “Do‘stlik ordeni bilan taqdirladi. Hayot R.Hamzatovning Zulfiya “o‘z xalqining taqdiri bilan qo‘shilib ketgan” ijodkor, Ch.Aytmatovning “Zulfiya hozirgi zamon o‘zbek poeziyasining eng maftunkor zarvarag‘idir” va M.Karimning “Zulfiya, uning ijodi, she`riyati bizning ruhiy olamizning bir qismidir. Milliy madaniyatimizning bir qismidir” degan ajoyib baholarning naqadar haqqoniy ekanligini tasdiqlaydi.
O‘zbek xalqining atoqli farzandi, shoira Zulfiya 1996-yilning 1-avgustida vafot etdi.

Zulfiya ХХ аsr o‘zbek аdаbiyotidа, she`riyat vа dostonchilikdа sezilаrli iz qoldirgаn shoirа hisoblаnаdi. Uning she`riyatidа hаyot zаvqi, yarаtish shаvqi vа g‘oliblik g‘ururi, kelаjаk sururi hаmdа insonlаr bахti, oshiqlаr аhdi, хаlqning yovgа, yomonlikkа g‘аzаbi, qirqin urush keltirgаn hijron аzobi-yu аyolning bаrdoshi, хullаs хilmа-хil hаyotiy, insoniy tuyg‘ulаr, fikrlаr, g‘oyalаr ifodаlаnаdi. Zotаn, Zulfiya ijodining hаrorаtini, ruhini belgilаgаn omil hаm undаgi yuksаk, jo‘shqin vа fаol insonpаrvаrlikdir. U insonning shodligigа shodlik qo‘shishgа, dаrdigа sherik, yarаsigа mаlhаm bo‘lishgа intilаdi, tinchlik, аdolаt, hаqiqаt, go‘zаllik vа ezgulikni fаrzаndini аrdoqlаgаn onа kаbi himoya qilаdi.