Ekskursiya. Eksskursiyalar iki qrupa bölünür: tədris proqramı üzrə təşkil edilən ekskursiyalar və tədris proqramından kənar ekskursiyalar.
Ekskursiyaları məqsədinə və keçirildiyi yerə görə qruplaşdırmaq olar.
Birinci qrupa aid olan ekskursiyalardan məqsəd real hadisələrlə ilkin tanışlıqdan, yaxud öyrənilmiş biliyin əməli əhəmiyyətini konkretləşdirməkdən və ya fənn üzrə bilikləri ümumiləşdirməkdən ibarət olur.
Keçirildiyi yerə görə ekskursiyalar bunlardır: təbiətə ekskursiyalar, istehsalata ekskursiyalar, tarixi yerlərə ekskursiyalar, coğrafi və arxeoloji ekskursiyalar, ədəbiyyat, incəsənət və mədəniyyət muzeylərinə ekskursiyalar və s.
Ekskursiyanın səmərəsi ona hazırlığın təşkilindən çox asılıdır. Ekskursiyanın planı, məqsədi, məzmunu, marşrutu tələbələrə məlum olmalıdır. Ekskursiya zamanı görüləcək işlər, toplanacaq materiallar, aparılacaq qeydlər hazırlıq planına daxil edilir. Ekskursiyaya yekun vurulur; ekskursiyada toplanmış materiallarla fənn kabinetləri, laboratoriya və muzeylər zənginləşdirilir.
Dostları ilə paylaş: |
