Tərəflərinmüqayisəyəgələbilməsi.Müqayisənin müvəffə- qiyyətlə aparılmasını təmin edən xüsusiyyətlərdən biri də öyrənilən tərəflərin müqayisəyə gələ bilməsidir. Müqayisəyə gələ bilməyən tərəflərin tutuşdurulması pedaqoji prosesdə istənilən nəticəni vermir. Bəzən, məsələn, Skandinaviya yarımadası tülkü ilə, yaxud Apennin yarımadası əsgər çəkməsi ilə müqayisə edilir. Bu cür müqayisələr isə təlimdə səmərə vermir. Çünki, müqayisə edilən tərəflər müqayisəyə gələn deyil: birinci halda coğrafi yer və heyvan, ikinci halda isə coğrafi yer və çəkmə qarşılaşdırılır. Halbuki, ayrılıqda coğrafi yerlər və ya ayrılıqda heyvanlar, yaxud çəkmələr müqayisəyə gələn obyektlər ola bilər.
