Mündəricat Table of Contents Рedaqoji elm və pedaqoji proses; onların qarşılıqlı əlaqəsi 4

Muqayisənin xüsusiyyətləri və qaydaları

İdrak əməliyyatı olan müqayisə aparmağın bir sıra xüsusiyyətləri var: müqayisə obyektlərinin qoşalığı, muqayisə obyektlərinin müqayisəyə gələ bilməsi, müqayisənin müəyyən əsas üzrə aparılması, müqayisədə istinad obyektinin olması, muqayisədə ardıcıllıq, müqayisədən nəticə çıxarılması.

Müqayisə obyektlərinin qoşalığı. Müqayisədə, adətən, iki obyekt, iki hadisə, iki qrup obyekt iştirak edir. Müqayisə zamanı bir cisim digəri ilə, bir hadisə başqası ilə, bir qrup çisimlər digər qrup cisimlərlə tutuşdurulur və ya qarşılaşdırılır.

Müqayisə edilən tərəflərdən birində bir, digərində bir neçə obyekt olduqda oxşar və ya fərq əlamətlərinin üzə çıxarılması xeyli çətinləşir. Tutuşdurulan tərəflər qoşa olduqda müqayisə işi asanlaşır.

Deməli, müqayisənin uğurlu olması üçün tərəflərin qoşalığı təmin edilməlidir.