Pedaqojimövzudamüsahibə.Gənc nəslin diqqətini formalaşdırmaq istədiyimiz biliyə və ya mənəvi keyfiyyətə yönəltmək lazım gəldikdə, pedaqoji mövzuda tərbiyəvi söhbətlərə müraciət etmək mümkündür. Belə söhbətlər, adətən, sual-cavab formasında aparılır. Müəyyən əxlaqi, estetik, fiziki və s. keyfiyyətə, yaxud konkret biliyə dair uşaqların anlaq dərəcəsini üzə çıxarmağa yönələn söhbətlər olur. Belə söhbətlər diqqəti eyni zamanda həmin mənəvi keyfiyyət və ya bilik üzərində cəmləşdirə və fikir mübadiləsinə çevrilə bilir. Bu vacib cəhət də nəzərə alınarsa pedaqoji mövzuda söhbətlər əvvəlcədən düşünülür və planlaşdırılır.
Pedaqoji mövzuda söhbət planlaşdırılarkən bir sıra şərtlərə əməl olunur:
Söhbətin mövzusu kimi seçilmiş keyfiyyətin, biliyin ön plana keçməsinin zəruriliyi müəllim (tərbiyəçi) üçün məlum olur: nə üçün başqa keyfiyyətlər deyil, indiki məqamda tərbiyə olunanların diqqəti məhz həmin keyfiyyətə (və ya biliyə) yönəldilir?
Suallar gənc nəslin anlaq dərəcinə uyğun qoyulur.
Suallar həyat faktları ilə bağlı olur.
Söhbətdə tərbiyə olunanların maksimum fəallığı təmin edilir.
Gələcək pedaqoji tədbirlər üçün söhbətdən müvafiq nəti- cələr çıxarılır.
