Yol və aerodrom örtükləri üçün portlandsement. Yol ör-
tüklərində işlədilən beton daimi olaraq mexaniki, fiziki və kimyəvi tə-
sirlərə (temperatur dəyişmələrinə, yağış və qrunt sularının təsirinə və
s.) məruz qalır. Buna görə belə betonların uzunömürlülüyünü artırmaq
üçün onları xüsusi sementlərdən hazırlayırlar.
Bu sement adi, plastikləşdirilmiş və hidrofob portlandse-
mentlərin bir növü olub, onun klinkerində üçkalsiumlu alüminat
mineralının miqdarı 8 %-dən çox olmamalıdır. Klinkeri üyüdən zaman
ona sementin kütləsinin 15 %-i qədər tez soyudulmuş domna posası
əlavə etmək olar. Yol və aerodrom örtükləri üçün olan
portlandsementin tutmasının başlanğıcı 2 saatdan tez olmamalıdır. Bu
müddət betonun nəql edilməsi və qəlibə qoyulması prosesinə lazım
gələn vaxta görə müəyyən edilir.
