34. Bugungi dunyoning turli mintaqalarida notinchliklar fonida O‘zbekiston tinchlik, osoyishtalik diyori bo‘lib turibdi. Xo‘sh, nima uchun? Chunki istiqlolning ilk yillaridan boshlab Respublikamizning tashqi siyosatiga tinchlik, barqarorlik va hamkorlik yo‘li asos qilib olindi.
Chunki O‘zbekiston Respublikasi tashqi siyosatining bosh tamoyili – mamlakat suverenitetini himoya qilish va ta’minlashdan iboratdir.
Chunki mamlakatimiz tashqi siyosatining tamoyillari O‘zbekiston Respublikasi Konstitutsiyasining 17-moddasi hamda “O‘zbekiston Respublikasi tashqi siyosiy faoliyatining asosiy tamoyillari to‘g‘risida”gi Qonunda mustahkamlab qo‘yilgan.
Chunki hozirgi zamon xalqaro munosabatlar tizimida yuz berayotgan o‘zgarishlarni O‘zbekiston manfaatlari nuqtai nazaridan baholash ustuvordir.
35. Vatan ravnaqi g‘oyasini amalga oshirish quyida keltirilgan qanday omillarga bog‘liq? Hozirgi ijtimoiy bar-qarorlik, millatlararo totuvlik, diniy bag‘rikenglik, jamiyatni boshqarishda ommaviy tashkilotlarning (xususan, mahallaning) mavqeini oshirish, aholini ijtimoiy himoya qilish tamoyillari nihoyatda muhim.
Hayotda demokratik tamoyillarning ustuvorligi, muqobil partiyalar, jamiyatning barcha jabhalarini erkinlashtirish, davlatning islohotchilik funksiyasi, aholi siyosiy ongi va madaniyatini oshirish katta ahamiyatga ega.
Bozor munosabatlariga xos muqobil mulkchilikning shakllanishi, iqtisodiyotning tarkibiy tizimidagi o‘zgarishlar, kichik va o‘rta biznes, ishbilarmonlik va tadbirkorlikni rivojlantirish, iqtisodiyotni erkinlashtirish, tashqi iqtisodiy aloqalarni kuchaytirish bunda muhim omil bo‘lib xizmat qiladi.
Tarixiy merosimizning tiklanishi, aholi intellektual salohiyatini oshirish, fan va ilmiy muassasalar, san’at va adabiyotni rivojlantirish, komil insonni tarbiyalash bo‘yicha milliy ta’lim dasturining qabul qilinishi va izchil amalga oshirilishi, xalqaro madaniy aloqalarni kuchaytirish ham Vatan ravnaqiga xizmat qiladi.