Navoiy davlat konchilik instituti ashurova n. B. Atamuradov sh

 
Bankrotlik 
- kasodga uchrash, korxonaning o’z majburiyatlari bo’yicha to’lovlarni 
mablag’lar yo’qligi tufayli amalga oshirmasligini anglatuvchi tushuncha.
Bashorat qilish 
- kelajakda ro’y berishi mumkin bo’lgan turli hodisa va jarayonlarni 
statistik, ijtimoiy, iqtisodiy va b. turdagi tadqiqotlar yordamida ilmiy asoslangan 
holda avvaldan aytib berish, prognozlash.
 
Biznes
– faoliyat turi, ish, tijorat amaliyoti yoki korxonaning siyosati, savdo, tijorat. 
Biznes-reja 
– korxonaning biznes faoliyati dasturi, kutilayotgan xarajat va 
daromadlar hisobini o’z ichiga oluvchi, korxona faoliyatining muayyan 
maqsadlariga erishish uchun marketing tadqiqotlari asosida ishlab chiqiladigan 
muayyan chora-tadbirlar rejasi.
 
Boshqarish uslubi
– boshqaruv jarayonida kelib chiqadgan muammolarni hal qilish 
usullarini qo’llash tartibi. 

---

296 
Boshqaruv tuzilmasi 
– bir biri bilan bog’liq holda boshqaruv maqsadlarini amalga 
oshiruvchi va uning funktsiyalarini bajaruvchi turli boshqaruv organlari va 
bo’g’inlarining majmui. 
Boshqaruv funktsiyasi
– zamonaviy menejment funksiyalari: rejalashtirish, tashkil 
qilish, muvofiqlashtirish, nazorat qilish, motivlash, marketing va b. 
Boshqaruvning zamonaviy menejment maktabi
(XX asrning 60-80 yy.) - Garb 
boshqaruv taraqqiyotining zamonaviy bosqichi deb qaraladi va u boshqaruvga 4 
yondashuvni ajratib ko’rsatai: tizimli, vaziyatli, jarayonli (vazifaviy) va sonli. 
Maktab namoyondalari – V. Leonthev, D.Kornegi va b. 
Boshqaruvning ilmiy maktabi 
(1885-1920 yy.) – bu maktab asoschilari (F. Teylor, 
G.Emerson, L.Gilbret va G.Gant) qo’l mehnatining samarali bajarilishiga erishish 
uchun ko’pgina jarayonlarni takomillashtirish, mukammallashtirish mumkin, deb 
hisoblaganlar. Amerikalik muhandis F. Teylor “ilmiy boshqaruv” iborasini asoslab 
bergan va 3 asosiy jihati bo’lgan “teylor tizimini”ni tavsiya etgan: mehnatni oqilona 
tashkil etish; tashkilotni rasmiy tuzumini tashkil etish; boshqaruvchi va ishchini 
hamkorligi borasidagi chora-tadbirlarni belgilash.