Nizomiy nomidagi tdpu boshlang`ich ta’lim fakulteti

Amaliy, seminar mashg‘ulotlariga maxsus tayyorgarlik ko‘rish Amaliy, seminar mashg‘ulotlariga maxsus tayyorgarlik ko‘rib kelish ham mustaqil ta’limning alohida ko‘rinishi bo‘lib, bunda talabaning ma’ruzada o‘rganganlari amaliy jihatdan mustahkamlanadi. Ma’lum mavzu bo‘yicha referat tayyorlash
Talabaga qiyinchilik darajasi uning shaxsiy imkoniyatlari, qobiliyati va bilim darajasiga muvofiq bo‘lgan biror mavzu bo‘yicha referat tayyorlash topshiriladi. Bunda talaba asosiy adabiyotlardan tashqari qo‘shimcha adabiyotlardan foydalanib materiallar yig‘adi, tahlil qiladi, tizimga soladi va mavzu bo‘yicha imkon darajasida to‘liq, keng ma’lumot berishga harakat qiladi. Referat – asosiy matn yoki bir necha manbalarni talqin qilish shakllaridan biri. Shuning uchun referat, konspektdan farqli ravishda, yangi, muallifning matni hisoblanadi. Bunday holdagi yangilik yangicha bayonni, materialning bir tizimga solinishi, har xil nuqtayi nazarlarni qiyoslashda muallifning alohida pozitsiyasini nazarda tutadi. Referatlash qandaydir masalaning bir yoki bir necha manbalarning tasniflanishi, umumlashtirilishi, tahlili va sintezi asosida bayon qilinishini nazarda tutadi. Referatning o‘ziga xosligi shundaki, u keng miqyosli dalillar, qiyoslashlar, mushohadalar, baholarga ega bo‘lmaydi, ammo matnda qanday yangi, muhim jihat bor, degan savolga javob beradi. Referatning tuzilishi, asosan, 3 qismdan iborat bo‘ladi. 
Bular–
1) referat rejasi (kirish, asosiy qism, xulosa va foydalanilgan adabiyotlar (referatning shart bo‘lmagan qismi – ilovalar) yoritiladi);
2) referat matni (mavzu; mavzu muammosi; referat qilinadigan ishning predmeti; maqsad va vazifalari; mazmuni; aniq natijalar; umumiy xulosalar; ish natijalari qo‘llaniladigan soha);
3) bibliografik bayon (yoki foydalanilgan adabiyotlar ro‘yxati)da (asar/maqola/tezis va h. muallifining familiyasi (to‘liq), ismi, otasining ismi (bosh harflari); asar nomi; nashr qilingan joyi; nashriyot nomi; -nashr yili va sahifalar soni. (Agar maqola jurnalda (gazetada) bosilgan bo‘lsa, unda jurnal (gazeta) nomi, chiqqan yili, jurnal (gazeta) sahifasi raqami.)Referatning rejasi tanlangan mavzuda ko‘rilishi lozim bo‘lgan masalalar doirasi va referatning asosiy mazmunini belgilaydi. U referatning mavzu
materialida umumiy yo‘nalish olishga imkon beradi, uning to‘g‘ri tanlanishi va bayon qilish mantig‘ini ta’minlaydi. Har bir bandi qat’iy tanlangan material bilan ta’minlangan, puxta o‘ylangan reja referatning muvaffaqiyatli yozilishining g‘oyat muhim sharti hisoblanadi.
Xozirgi zamon talabiga kо‘ra ta’lim jarayoni bu talabalarga faqat bilim berish, ularda fikrlash qobiliyatini rivojlantirish, olingan bilimlardan foydala­nish bо‘yicha о‘quv kо‘nikmalarini shakllantirishdan iborat bо‘lmay. Balki, ularga mustaqil bilimlarni qidirib topish, о‘zlashtirish shakllari, usullari, vositalarini о‘rgatishdan iborat.
Kadrlar tayyorlash milliy dasturida chuqur nazariy amaliy bilimlar bilan bir qatorda tanlangan sohasi bо‘yicha mustaqil faoliyat kо‘rsata oladigan, о‘z bilimi va malakasini mustaqil ravishda oshirib borilgan, masalaga oladigan ijodiy yondoshgan holda muammoli vaziyatlarni tо‘g‘ri aniqlab, tahlil qilib, sharoitga tez moslasha oladigan mutaxassislarni tayyorlash asosiy vazifalardan biri sifatida belgilangan.
Talabalarda mustaqil bilimlarni tо‘ldirib borish, ma’lumotlar oqimi ichidan kerakligini ajratib olish va ma’lumotlarni qayta ishlash, tahlil qilish qobiliyatlarini shakllantirish, sifatli kadrlar tayyorlash jarayonining asosiy yо‘nalishlaridan biri xisoblanadi.
Ushbu yо‘riqnoma О‘zbekiston Resiublikasining «Ta’lim tо‘g‘risida»gi, «Kadrlar tayyorlash Milliy dasturi tо‘g‘risida»gi Qonunlari, DTS talablari va О‘zbekiston Respublikasi Oliy va о‘rta maxsus ta’lim vazirligining 2005 yil 30 sentabrdagi № 217-sonli bо‘y- rug‘i bilan tasdiqlangan «Oliy ta’lim muassasalarida talabalar : bilimini baholashning reyting tizimi tо‘g‘risida muvaqqat Nizom» xamda Oliy va о‘rta maxsus ta’lim vazirligining 21.02.2005 yildagi № 34 sonli talabalar mustaqil ishlarini tashkil qilish tо‘g‘risidagi buyrug‘i asosida ishlab chiqildi. Talabaning mustaqil ishi о‘quv rejada muayyan fanni о‘zlashtirish uchun belgilangan о‘quv soatining ajralmas qismi bо‘lib, u uslubiy axborot resurslari bilan ta’minlanadi.
Talabaning mustaqil ishi reyting tizimi talablari asosida nazorat qilinadi.
Talabalarning xaftalik mustaqil ishlarining umumiy hajmi bakalavriat yо‘nalishida 26 soatni, magistratura mutaxasisliklarida 18 - soatni tashkil etadi.