Nqhq tikintisi və istismarı

Lövbərlər və ankerlər. Lövbər dedikdə lövbər sisteminin standart elementi olub gəmi qayırma zavodunda xüsusi formada hazırlanmış və üzən obyektin yerdəyiməsinin (su tutumu əvvəlcədən bəlli olan) saxlama qurğusudur. Lövbər sisteminin sonuncu qurğusudur. Anker dedikdə lövbər xəttinin sonunda yerləşmiş və standart lövbər formasından fərqlənən elementə deyilir. Bunlar svaylar, beton yüklər, ağırlıq qüvvəsi nəticəsində dəniz dibinə batırılmış yüklər və s.-dir.

Ş.31.2.
Şəkildə lövbərlər standart və kanonik şəkildə icra olunur. a) yelkənli donanma dövründə ən geniş yayılmış lövbər tipi (Admiralteysk); b) xoll-tipli; c) Boldt-tipli; d) Qryuzov-Xeyn; e) Bayers; f) Matrosov; g) Denford və s. a) şəkilindən göründüyü kimi lövbər (3) 2 pəncədən və 2 buynuzdan (4), (2) çubuğundan və (1) ştokundan ibarətdir. Digər göstərilmiş lövbərlər isə fırlanan pəncələr və (2) çubuqlarından ibarətdir. Quruluşunda ştok yoxdur. Göstərilən lövbərlərin hamısının saxlama qüvvəsi onların ölçüsündən deyil bilavasitə çəkisindən asılıdır. Belə ki, təcrübələr əsasında müəyyən olunmuşdur ki, Admiralteysk lövbərinin üzən vasitəni saxlama qüvvəsi onun çəkisindən altı dəfə çoxdur. Məs., Matrosov lövbəri 1.5 t ağırlığında hazırlanır, amma onun üzmə vasitəsini saxlama qüvvəsi onun çəkisinin 12 mislini təşkil edir. Göstərilən bütün lövbərlər xüsusi polad növündən hazırlanır ki, bu da onların maya dəyərinin yüksək olmasına səbəb olur. Amma onların dəniz dibinə batırılması, qaldırılıb endirilməsi və yerdəyişməsi əməliyyatlarının asan olması onların bu çatışmazlığını aradan qaldıra bilir. Lövbərin üzən vasitələri saxlama qüvvələri lövbər xəttlərini təşkil edən zəncir və ya trosların lövbərə birləşdirilmə bucağından bir-başa asılıdır. Belə ki, lövbərə bərkidilmiş zəncir dəniz dibinin səthi ilə hərəkət edərsə, lövbərin saxlama qabiliyyəti azalır.

Ş.31.2
Bu öz növbəsində kanatın yaxud zəncirin gərilmə qüvvəsinin şaquli tərtib edicisi Q-nun lövbərin dəniz dibinə dayanma qüvvəsinin müvafiq olaraq T qüvvəsinin azaldılmasına səbəb olur. Əgər II halda göründüyü kimi şaquli tərtib edici Q yoxdur. Bu zaman lövbərin tam çəkisi T qüvvəsinin formalaşmasına yönəldilir. Ankerlər bildiyimiz kimi müxtəlif formalı olur. Bu da onların lövbər kimi istifadəsinə imkan yaradır. Qeyd etmək lazımdır ki, həm lövbər həm də ankerlər üzmə vasitələrinin su səthində sabit saxlanması üçün istifadə edilir.