Nur təFSİRİ SƏKKİZİNCİ Cİld müƏLLİF: MÖHSÜn qəRAƏTİ TƏRCÜMƏ edəN: haci arzu

Nöqtələr

●Zina hökmləri fərdlərin şəraitinə görə fərqlənir. Bu ayədə yalnız subay kişi və qadının zinası nəzərdə tutulmuş və onlara yüz qamçı vurulması göstəriş verilmişdir. Həyat yoldaşı olduğu halda zinaya yol verən insan isə daş-qalaq edilir. Amma insan həyat yoldaşından uzaq düşdükdə (məsələn həyat yoldaşı həbs olunduqda) o, zinaya yol verərsə, daşqalaq hökmü qamçı və şallaq cəzası ilə əvəz olunur.

●Quran zinanı çirkin iş sayır və onu qadağan edir.¹ Zinadan uzaqlıq layiqli bəndələrin səciyyəsi sayılır.² Belə bir günahdan uzaqlıq peyğəmbərlə beyət üçün şərt sayılmışdır.³

●Rəvayətlərdə zinanın fəsadları haqqında:

İmam Rzanın (ə) bir buyruğunda zinanın fəsadları bəyan olunur:

1. Uşağın salınması (abortu) ilə qətl;

2. Ailə quruluşunun dağılması;

3. Övladların tərbiyədən məhrumluğu;

4. İrs ölçülərinin aradan götürülməsi.⁴

–Həzrət Əli (ə) zinadan uzaqlığı ailə möhkəmliyi, livatdan (həmcinsbazlıq) uzaqlığı nəslin qorunması üçün səbəb sayır.⁵

–Həzrət Peyğəmbər (s) buyurur: “Zinanın dünya və axirət zərərləri var: Dünyada insanın nuru və gözəlliyi aradan götürülər, o, qəfil ölümə düçar olar və ruzisi kəsilər; axirətdə Qiyamət hesabı zamanı çarəsizlik, ilahi qəzəb və həmişəlik cəhənnəm.⁶

–Həzrət Peyğəmbər (s) buyurur: “Zina artdığı vaxt qəfil ölümlər çoxalar.”⁷

–Rəvayətdə belə nəql olunur: “Zina etməyin ki, zövcələriniz də zinaya yol verməsin. Hər kəs başqasının namusuna təcavüz etsə, onun namusuna təcavüz olunacaq. Başqaları ilə rəftar etdiyiniz kimi sizinlə rəftar olunacaq.¹

Əməl cəzasından qəflətdə qalma,

Dənizdən ləl çıxar, arpadan arpa.

–Dörd şeydən biri hansı evdə olsa həmin ev viran qalar, bərəkətdən düşər: xəyanət, oğurluq, şərabxorluq, zina.”²

–Zina ən böyük kəbirə günahlardandır.³

–İmam Sadiq (ə) buyurmuşdur: “Dörd günah xalqa dörd bəla gətirər: Zina rəvac tapdıqda zəlzələ baş verər, zəkat ödənmədikdə dördayaqlılar məhv olar, hakimlərin mühakiməsi zülmə əsaslandıqda yağış yağmaz, əhdə vəfa qılınmadıqda müşriklər müsəlmanlara qələbə çalar.⁴