Nutq o`stirish nazariyasi va metodikasi fanining asosiy nazariy matni

Tayanch so’z va iboralar: tarbiya, Ye.N.Vodovozova, nutqni rivojlantirish, farzand tarbiyasi, xalq pedagogikasi,oila,jamiyat, maktabgacha tarbiya masalalari.
Vodovozova maktabgacha yoshdagi bolalarni oilada va jamiyatda tarbiyalash tizimining asosiga xalqonalikni kiritdi. U bolalarni ilk yoshidan boshlab tarbiyalash tizimi xalq nutqi, xalq qo’shiqlari, topishmoqlari, ertaklari va o’yinlaridan foydalanish asosiga qurilishi lozim, deb hisoblagan. Bu tizim bolalarda xalqiga, vataniga muhabbat tuyg’ularini tarbiyalashni ta’minlashi lozim.
Yelizaveta Nikolayevna Vodovozova (1844-1923) K.D.Ushinskiyning shogirdi va izdoshi bo’lib, u maktabgacha tarbiya masalalarini nazariy ishlab chiqishga sezilarli hissa qo’shgan. Ayni paytda ye.N.Vodovozova taniqli bolalar yozuvchisi bo’lib, o’z davrida Rossiya tabiati hamda g’arbiy yevropa davlatlari xalqlari hayotidan hikoya qiluvchi ajoyib ocherklar va hikoyalar yozgan.
1871 yilda uning maktabgacha pedagogikaga oid asosiy asari - “Bolalarda ong paydo bo’lgan paytdan boshlab to 8 yoshgacha ularni aqlan rivojlantirish” nomli kitobi chop etildi. Vodovozova tarbiyaning bosh maqsadi - “Insonni - insoniylik g’oyalarini o’zida jo qilgan bo’lajak ijtimoiy arbob va o’z vatani fuqarosini tarbiyalashdan iborat⁵”, deb hisoblagan.
Vodovozova maktabgacha yoshdagi bolalarni oilada va jamiyatda tarbiyalash tizimining asosiga xalqonalikni kiritdi. U bolalarni ilk yoshidan boshlab tarbiyalash tizimi xalq nutqi, xalq qo’shiqlari, topishmoqlari, ertaklari va o’yinlaridan foydalanish asosiga qurilishi lozim, deb hisoblagan. Bu tizim bolalarda xalqiga, vataniga muhabbat tuyg’ularini tarbiyalashni ta’minlashi lozim.
E.N.Vodovozovaning ulkan xizmatlari shundaki, u bolalarda ona tilini rivojlantirish dasturini va bolalarni tarbiyalashda rus folkloridan foydalanish metodikasini ishlab chiqdi. Vodovozova ham xuddi K.D.Ushinskiy kabi ertaklarni, ayniqsa xalq ertaklarini himoya qilib chiqqan. ye.N.Vodovozovaning fikriga ko’ra ertak bolalarning boy kuzatishlari va bilimlariga tayanadi, u bolalar xayolini rivojlantiradi, bolalar nutqining boyishiga ko’maklashadi, ularga xalq iboralarini, nutq oborotlarini oddiy va jonli obrazlarni yod saqlab qolishga yordam beradi, ma’naviy jihatdan tarbiyalashda ko’maklashadi.
Biz «til» so’zini qo’llaganimizda ikki narsani - til va nutqni nazarda tutamiz. Bu farqlashlarni lingvistika faniga birinchi bo’lib shveysariyalik olim Ferdinand de Sossyur kiritdi va u tilni nutqqa qarshi qo’ydi, bu lingvistika fanining keyingi rivoji uchun juda muhim ahamiyatga ega bo’ldi, chunki «biz til va nutqni ajratish orqali ijtimoiyatni individuallikdan
о
ajratamiz» . Boshqacha qilib aytganda, bu aloxida bir odam tomonidan aloxida holatda amalga

9
oshirish bilan biron-bir tilda so’zlayotgan barcha odamlar tomonidan birgalikda amalga oshirish o’rtasidagi farqlashdir.
Biz uchun bu farqlashlar juda muhimdir, chunki biz til xaqida xam (bola nutqi tildan tashqaridagi tizim bilan belgilangan) va nutq xaqida xam (bola nutqiy faoliyatni, ya’ni til tizimining mavjud bo’lish qoidalari va usullari) so’z yuritamiz. O’tgan davr mobaynida boshqacha tushunchalar tizimini joriy etishga bir necha bor harakat qilingan. Bulardan biri sovet davrining taniqli tilshunosi L.V.SHerbaga tegishlidir. U nutqiy uyushishni (individning psixofiziologik uyushuvi), til tizimini («barchalar asosida» chiqariladigan qoidalarni umumlashtirish) nazariyada («muayyan davrda u yoki bu ijtimoiy gurux hayotida ro’y bergan so’zlash va tushunish hodisalari»⁶) xamda til materialini (nutqiy faoliyatni) ajratdi. So’nggi holatni L.V.SHerba «so’zlash va tushunish hodisalarining umumiyligi» deb ataydi. L.V.SHerbaning ushbu uch a’zoli tizimi sovet davri lingvisti A.A.Leontev tomonidan takomillashtirilgan.
A.A.Leontev «tilga qobiliyat»ni - til tizimining ushbu tilda so’zlayotgan inson ongida aks etishini, «til jarayoni»ni, ya’ni tilga qobiliyatni amalga oshirish vositasi bo’lgan nutqning o’zini, va «til standarti»ni - tilni individdan tashqarida mavjud bo’ladigan tizim sifatida ajratgan⁷.
Shunday qilib, u tomonidan til va nutqni farqlashdan tashqari odam ongida mavjud bo’lgan xamda unga tildan foydalanish, so’zlash va aytilgan so’zlarni tushunish (tilga qobiliyat) imkonini beruvchi bir narsani xam ajratib ko’rsatgan. Bu - nutqiy faoliyatni ta’minlash mexanizmidir.
Odatda nutqiy faoliyat to’rtga ajratiladi: o’qish, yozish, tinglash, so’zlash. Ular o’zaro juft holatda bog’lanadi va til tizimini amalga oshirishning ikki shakli - og’zaki va yozma shakli orqali belgilanadi.
Tildan foydalanish insonning psixologik faoliyati bilan mos ravishda uyg’unlashadi. Til uning faoliyatiga «qo’shimcha» emas.
Til eng bevosita tarzda fikrlash bilan bog’liqdir. Aslida tilning o’zi fikrlash qurolidir. Fikrlash jarayoni doimo tilda kuzatib boriladi, ammo uning natijasi til shakliga o’tkazilishi va shu tufayli kelgusi avlodlarga yetib borishi mumkin.
Til aqliy faoliyatni rejalashtirish imkonini beradi. Rejalashtirish jarayonida tilning yana bir muhim vazifasi - insonning xulq-atvorini boshqarish vazifasi paydo bo’ladi. Til insoniyatning o’tmishi mobaynidagi butun tajribasini to’plash va bir joyga jamlash, insonni ushbu tajriba natijasida ishlab chiqilgan me’yorlarga bo’ysundirishga yordam beradi. Biz o’z o’tmishimizda, bugungi kunimizda ko’rgan, va xattoki kelgusida ko’rishimiz mumkin bo’lgan narsalarning barchasi bizga til orqali keladi. Insonning xulq-atvorini boshqaradigan narsalarning barchasiga, jumladan dunyoqarash, axloqiy va estetik ideallar, madaniy me’yorlarga til va nutqiy muloqot orqali erishiladi.
Inson butun hayoti mobaynida borliqni anglash jarayonida ishtirok etadi. Bilishga bo’lgan extiyoj ko’p jixatdan til orqali qondiriladi.
Bola atrofni o’rab turgan borliqni qabul qilish va anglash uchun tarqoq predmetlardan foydalana olmaydi, u ahamiyatga molik jixatlarni (kublar, mashinalar va x.k.) ajratib ko’rsatgan holda ob’ektlar, toifalarni birlashtira boshlaydi va oxir-oqibatda belgilarni umumlashtirish natijasida so’z bilan ifodalanadigan tushunchalar paydo bo’ladi. Biron-bir tushunchaning, xox u maishiy bulsin, xox ilmiy bo’lsin, uning so’z qobig’isiz yashashi qiyin. SHu tufayli biz o’z bilimlarimizni tilimizda qayd etishimiz, ularni boshqa odamlarga yetkazishimiz va til orqali yangi bilimlarga ega bo’lishimiz mumkin. Amerikalik olim CH. Pirs shunday qayd etadi, «til shunday bir narsaki, biz uni bilish orqali yanada ko’proq narsalarni bilib olamiz». SHunday
qilib, tilning boshqa yana bir muhim vazifasi ko’zga tashlanmoqda, ya’ni: til insonning bilish qurolidir.
Insonning yana bir o’ziga xos xususiyati, o’ziga xos insoniy extiyoji mavjud, bu - boshqa odamlar bilan muloqotga extiyojmandlik, «emotsional muloqotga extiyojmandlik»dir (K.Obuxovskiy). Aynan shu extiyoj tufayli dastlab til paydo bo’lgan. Muloqotga extiyojmandlik doimo tilni egallashga olib keladi. Bolaning so’zlashni o’rganishining sababi shuki, unga kattalar bilan birgalikdagi faoliyatda ishtirok etishga to’g’ri keladi, buning uchun esa bolaning unga nimalar deyishayotganini tushunishi va o’zi xam so’zlashi lozim. Bu o’rinda «tilning uch sifati» (tajribani jamlash va sintez qilish - fikrga jamlash - muloqotni amalga oshirish) xaqida so’z yuritish mumkin (V.A.Zveginsev). Tilni tadqiq qilish mustaqil, umumilmiy qiziqishdan tashqari ko’plab dolzarb amaliy vazifalarni xal etishda ulkan ahamiyatga egadir. Ushbu vazifalarning ayrimlari bevosita tilning yuqorida sanab o’tilgan vazifalaridan kelib chiqadi - til yordamida insoniy tajribani aniqroq qayd etish, til yordamida ifoda etilgan madaniy me’yorlar insonning xulq-atvoriga yanada kuchliroq va mustahkamroq tartibga soluvchi ta’sir ko’rsatishi uchun, kishilarning o’zaro muloqoti (masalan, ijtimoiy munosabatlar sohasida) yanada muvaffaqiyatli amalga oshishi uchun tilni tadqiq qilish zarur.
Bundan tashqari, xal etilishi til muammolarini tadqiq qilish bilan bevosita bog’liq bo’lgan boshqa amaliy vazifalar xam mavjud. Psixologiya, boshqaruv nazariyasi, ijtimoiy fanlar sohasida ish olib borayotgan olimlar qator lingvistik vazifalarga duch keladilar. Xususan, psixologik jarayonlarni tadqiq qilish dastlabki nutqiy jarayonlarni xam tadqiq qilishni ko’zda tutadi. Tushunchalarni rivojlantirish, aqliy va amaliy vazifalarni xal etish qay tarzda davom etmoqda, bola tashqi muxitga (moddiy va ijtimoiy) muxitga qanday moslashmoqda - bu savollarga javoblar nafaqat predmetli harakatlarni, balki nutqning o’zini xam o’rganishni ko’zda tutadi.
Muloqot va boshqaruv - lingvistikaning boshqa bir ulkan sohasi hisoblanadi. Targ’ibot va tashviqot (u bevosita muloqot tarzida yoki ommaviy axborot vositalari orqali amalga oshirilishidan qat’iy nazar) moxiyatan insonning psixologik olamiga ta’sir ko’rsatish uchun tildan foydalanish shaklidir. Til orqali ta’sir ko’rsatish samarali bo’lishi uchun ushbu ta’sirning mexanizmlarini, o’ziga xos nutqiy mexanizmlarni bilish zarur.
Sof lingvistik vazifalar masalan samolyot, kosmik kema va xokazolar bilan so’z orqali aloqa qilishni amalga oshirayotgan operator faoliyatini oqilona tashkil etish paytida yuzaga keladi.
Lingvistikani qo’llashning yana bir sohasi - tibbiyotning miyaning yaralanishi, jaroxat olishi yoki unga shikast yetishi natijasida nutqdagi buzilishlarni o’rganuvchi soha bo’lmish afaziologiyadir. Bu nuqsonlarni aniqlash va davolash ko’p jixatdan bemorning nutqida aynan qanday o’zgarishlar yuz berganiga bog’liq bo’ladi. Bu anomal nutq uchun maxsus til xususiyatlarini shakllantirish zarurati paydo bo’ladi, o’z-o’zidan ushbu o’rinda vrach-afaziolog lingvistning yordamiga muxtoj bo’ladi.
Nutqdagi buzilishlar - inson axvolini baxolashda til parametrlari yordam berishi mumkin bo’lgan yagona holat emas. Ayrim vaziyatlarda (psixologik zo’riqish, siqilish paytida) yaxshi tayyorgarlikdan o’tgan odamlarda fiziologik parametrlar bo’yicha ayrim nuqsonlar sezilmaydi. Ammo ularning nutqi mutaxassis bo’lmagan odam tushunishi qiyin bo’lgan darajada o’zgaradi. Ko’pincha faqat til mezonlarigina bunday holat yuz berishidan dalolat berishi mumkin.
YUqorida qayd etilganidek, til bevosita bilish jarayonlari bilan bog’liq va bundan tashqari tilning rivojlanish darajasi umumiy aqliy rivojlanish darajasiga bevosita bog’liq bo’ladi. SHuning uchun bola nutqini maxsus tadqiq qilish psixologik rivojlanishdagi nuqsonlarni yoki rivojlanish sekinlashganini aniqlashda yordam berishi mumkin, xattoki bu usul boshqa tekshiruv turlari bunday nuqsonlarni aniqlamagan taqdirda xam qo’l kelishi mumkin.
Lingvistika kriminalistga xam katta yordam berishi mumkin. Masalan, jinoyatchini uning nutqining bir parchasi (yozma yoki og’zaki) bo’yicha topish, ko’rsatmalarining yolg’onligini fosh qilish (ataylab yolg’on so’zlaganda inson nutqi mutuxassis bo’lmagan odam sezmaydigan darajada o’zgaradi) mumkin.
Va nixoyat, lingvistikaning an’anaviy amaliy vazifasi - chet tillarga o’qitishdir. Tilni batafsil tavsiflamasdan turib undagi nutqni o’rganish mumkin emas.
Zamonaviy lingvistika - bu nafaqat mavjud tillarni bayon qilish, balki tilga faoliyat sifatida yondashish, so’zlayotgan odamni o’rganish xamdir.
«Tilda insonni va uni o’rab turgan olamni bilish uchun bitmas-tuganmas xamda xali qo’l tegmagan imkoniyatlar mavjud, biroq unga tilni tavsiflash orqali emas, balki uni o’rganish vositasida erishish mumkin» (V.A.Zveginsev).
Tilni faoliyat sifatida tadqiq qilish bilan tez rivojlanib borayotgan fan - psixolingvistika shug’ullanmoqda, u xozirda muxandislik, aviatsiya va kosmik psixologiyaning ajralmas qismiga aylandi, undan turli nutqiy nuqsonlarni aniqlash va davolashda foydalaniladi, u bolalar nutqidagi muammolarni o’rganishda, sud psixologiyasi va kriminalistikada katta ahamiyatga egadir.
Maktabgacha yoshdagi bolalar nutqini rivojlantirish - bu murakkab psixologik jarayon bo’lib, u faqat bolaning eshitgan nutqiga taqlid qilishdan iborat emas. Bu jarayon bolalarda umuman muloqot faoliyatini rivojlantirish va birinchi navbatda, muloqotga extiyoj mavjudligi bilan bog’liqdir.
Bolaning borliqning yangi tomonlariga yo’naltirilganligi: amaliy faoliyatdan olamni, so’ngra odamlarni, ularning munosabatlarini o’rganishga o’tish yangi maqsadlarga xizmat qiluvchi yangi muloqot vositalari zaruratini keltirib chiqaradi.
Bola leksikasini kengaytirish, uning o’z kechinmalarini yanada keng va xilma-xil ifodalashni o’zlashtirishi uchun imkoniyat yaratadi.
Nutqni zamonaviy va to’laqonli rivojlantirish uchun atrofdagi odamlar bilan o’zaro xamkorlik bolaning muloqotga bo’lgan extiyoji tarkibini boyitishi zarur. Bolalarning nutqni egallab olishlarining sabablari ularning muloqot faoliyatlarining asosini extiyoj-motivatsiya tashkil qilishi, uning tarkibi o’zgarganligidadir.
Verbal bosqichda bolada sust nutq shakllanadi. Ushbu bosqichga bo’lgan davrning asosiy ahamiyati shundan iboratki, uning ichida navbatdagi bosqich - faol nutq paydo bo’lishi bosqichiga o’tish uchun zarur bo’lgan sharoit vujudga keladi.
Bolaning faol nutqni o’zlashtirishining ikkinchi bosqichida uchta asosiy jixat ajralib chiqadi: emotsional munosabatlar; birgalikda faoliyat (xamkorlik) davomidagi munosabatlar; tovushli munosabatlar.
Bolaning kattalar bilan muloqot qilishining ko’rib chiqilayotgan har bir jixati uning oldiga kattalar tomonidan qo’yilayotgan va so’zdan jamiyatda o’zaro bir-birini tushunish uchun shartli ravishda qabul qilingan vosita sifatida foydalanishni talab qilishdan iborat bo’lgan kommunikativ vazifani qabul qilishiga yordam beradi. Bundan tashqari, kommunikativ omilning ko’rib chiqilayotgan har bir jixati u yoki bu darajada va o’z xolicha bolalarning kommunikativ vazifani xal etishlariga, ya’ni nutqdan foydalanishlariga yordam beradi.
Nutqni rivojlantirishning uchinchi bosqichida - uning materiyasi (leksika va grammatika) bolaning muloqot vazifasini o’zgartirgan holda kattalar bilan muloqotga bo’lgan extiyojiga va uning tarkibiga uzviy bog’liq bo’ladi. Bu bola nutqning yangi, yanada murakkab va keng qamrovli jixatlarini o’zlashtirishiga olib keladi.
Bolaning psixologik shakllanishida nutqning xal qiluvchi o’rinni egallashi uning turli bosqichlarda rivojlanishiga yordam beruvchi shart-sharoitlar va omillarning ahamiyatini yanada oshiradi. Nutq rivojini harakatlantiruvchi kuchlar xaqidagi masala ular shiddat bilan va to’satdan amalga oshirilishi tufayli xam aloxida ahamiyat kasb etadi. Bolalar nutqini rivojlantirishni rag’batlantiruvchi yoki uni sekinlashtiruvchi kuchlarni aniqlash ushbu jarayonda aniq maqsadni ko’zlagan holda pedagogik sa’y-harakatlarni uyushtirish kalitidir.
Vodovozovaning “Aqliy rivqjlanish” nomli asarida maktabgacha yoshdagi bolalarni rivojlantirish uchun imkon doirasidagi va foydali bo’lgan xalq ertaklari turkumi bayon qilingan.
Mavzu yuzasidan savol va topshiriqlar:

1.