Oksidlar,asoslar, kislotalar va tuzlarning olinishi, xossalari ishlatilishi. Modda tuzilishi Reja

Oksidlarni struktura (grafik) formulalarini tuzish

Oksidlarning klassifikatsiyasi
Oksidlar 5 xil bo‘ladi.
1) Asosli oksidlar – asoslarga muvofiq keladigan oksidlar, ularga metallarning kichik valentli oksidlari misol bo‘ladi. Masalan: CuO – mis (II) oksidi, K₂O – kaliy oksidi va h.z.
2) Kislotali oksidlar – kislotalarga muvofiq keladigan oksidlar, ularga metalmaslarning barcha oksidlari va metallarning 5,6,7,8 valentli oksidlari misol bo‘ladi, ular kislota angidridlari ham deb yuritiladi. Masalan: SO₃ – oltingugurt (VI) oksidi (sulfat angidrid), Br₂O₇ – brom (VII) oksidi (perbromat angidrid), OsO₄ – osmiy (VIII) oksidi, KrO₂ – kripton (IV) oksidi, SO₂ – uglerod (IV) oksidi (karbonat angidrid), R₂O₅ – fosfor (V) oksidi (fasfat angidrid) va h.z.
3) Amfoter oksidlar – ham asoslarga ham kislotalarga muvofiq keladigan oksidlar. Masalan: Al₂O₃ – alyuminiy oksidi, BeO – berilliy oksidi, ZnO – rux oksidi, Fe₂O₃ – temir (III) oksidi, Cr₂O₃ – xrom (III) oksidi, Mn₂O₃ – marganets (III) oksidi, PbO₂ – qo‘rg‘oshin (IV) oksidi, V₂O₃ – vanadiy (III) oksidi va h.z.
4)Indefferent (befarq) oksidlar – tuz hosil qilmaydigan oksidlar. Masalan: NO – azot (II) oksidi, N₂O – azot (I) oksidi, CO – uglerod (II) oksidi va h.z.
5) Qo‘sh (aralash) oksidlar – ikki va undan ortiq oksidlarning aralashmasidan hosil bo‘lgan birikmalar. Masalan: Fe₃O₄ (FeO^.Fe₂O₃) – temir qo‘sh oksidi, Cr₃O₄ (CrO^.Cr₂O₃) – xrom qo‘sh oksidi, Mn₃O₄ (MnO^.Mn₂O₃) – marganets qo‘sh oksidi, Pb₂O₃ (PbO^.PbO₂) – qo‘rg‘oshin qo‘sh oksidi Co₃O₄(CoO ^. Co₂O₃) – kobalt qo‘sh oksidi va h.z. Ayrim hollarda har xil metallarning oksidlari aralash holda ham uchraydi, ular shpinellar deb aytiladi. Masalan: FeAl₂O₄ (FeO^.Al₂O₃), ZnAl₂O₄ (ZnO^.Al₂O₃), MgAl₂O₄ (MgO^.Al₂O₃) va h.z.