1
OMMAVIY OFERTA
(«TBC Bank» ATB mobil ilovasidan foydalanish to‘g‘risida)
Toshkent sh.
Ushbu hujjat «TBC Bank» ATB, bundan buyon matnda – “Bank”ning bank (O‘zbekiston
Respublikasining tijorat banklari tomonidan emissiyalangan) kartasiga ega bo‘lgan
yuridik
salohiyatli, bundan buyon matnda “Mijoz” deb ataluvchi istalgan jismoniy shaxsga «TBCBank»
ATB mobil ilovasidan foydalanish bo‘yicha O‘zbekiston Respublikasi fuqarolik kodeksining 367-
modda, 369-modda 2-qism va 370-moddasiga muvofiq xizmatlar ko‘rsatish to‘g‘risida shartnoma
(bundan buyon matnda – Shartnoma) tuzish bo‘yicha rasmiy taklifi hisoblanadi.
Mijoz tomonidan ushbu Shartnomada ko‘zda tutilgan
harakatlarning bajarilishi,
uning
quyida keltirilgan shartlarga so‘zsiz roziligi (Oferta aksepti)ni anglatadi.
Oferta qabul qilingan
vaqtdan boshlab Shartnoma tuzilgan sanaladi.
Shartnomada to‘g‘ridan-to‘g‘ri ko‘rsatilmagan barcha holatlarda tomonlar O‘zbekiston
Respublikasining amaldagi qonunchiligiga, hujjatlarning elektron almashinuvi va biznes oboroti
qoidalari to‘g‘risidagi qonun hujjatlariga asoslanib harakat qiladilar.
1. ASOSIY ATAMA VA TUSHUNCHALAR
«TBC Bank» ATB mobil ilovasi – mobil texnologiyalar negizida
yaratilgan maxsus dasturiy
ta’minot bo‘lib, onlayn rejimida bank operatsiyalarini
amalga oshirish,
hisobvaraqlar holati
to‘g‘risida ma’lumotlar olish va boshqa ma’lumotlarga ega bo‘lish hamda «TBC Bank» ATBning
funksional mobil ilovasida nazarda tutilgan boshqa harakatlarni bajarish uchun mo‘ljallanadi.
Mijoz – yuridik salohiyatli jismoniy shaxs, bank kartasining egasi.
Bank kartasi – operatsiyalarni o‘tkazish uchun mo‘ljallangan, onlayn rejimida ishlaydigan bank
to‘lov kartasi, O‘zbekiston Respublikasi banklari tomonidan emissiya qilinadi va «TBC Bank»
ATB mobil ilovasida ro‘yxatga olinadi.
