Ommaviy oferta («tbc bank» atb mobil ilovasidan foydalanish to‘g‘risida) Toshkent sh
Yüklə 0,51 Mb. Pdf görüntüsü
|
- Bu səhifədəki naviqasiya:
- INTELLEKTUAL (AQLIY) MULK
|
5.TOMONLARNING JAVOBGARLIGI
5.1. Tomonlar o‘z zimmalariga olgan majburiyatlarni bajarmaganligi yoki lozim darajada bajarmaganligi uchun O‘zbekiston Respublikasining amaldagi qonun hujjatlariga muvofiq javobgar bo‘ladilar. 5.2. Mijoz ushbu Shartnoma bo‘yicha o‘z majburiyatlarini bajarmagani yoki lozim darajada 4 bajarmagani oqibatida yuzaga kelgan har qanday ziyonlar yoki salbiy oqibatlar uchun shaxsan javobgar bo‘ladi. 5.3. Mijoz o‘z shaxsiy ma’lumotlarini himoyalanmagan ulanishlardan foydalanuvchi yoki zarar yetkazuvchi dasturlar va ilovalar xavfi bo‘lgan qurilmaga kiritishda ularning saqlanishi uchun to‘liq javobgar bo‘ladi. 5.4. Bank Shartnoma shartlarini lozim darajada bajarmagani uchun javobgar bo‘lmaydi, agar bu holat Mijoz tomonidan Shartnoma shartlarining bajarilmasligi oqibati bo‘lsa. 5.5. Bank Mijoz ushbu Oferta shartlari bilan, shuningdek kredit mahsulotlari va ularni Ilovada faollashtirish shartlari bilan tanishib chiqmagan va (yoki) o‘z vaqtida tanishib chiqmasligi bilan bog‘liq Mijozda yuzaga kelgan har qanday ziyonlar uchun javobgar bo‘lmaydi. 5.6. Bank Shartnoma shartlarining lozim darajada bajarilmagani uchun javobgar bo‘lmaydi, agar bunday holatlar Bank nazoratidan tashqarida bo‘lgan sabablar oqibatida kelib chiqqan bo‘lsa. Bankning nazorat doirasi aynan Ilovaning ish qobiliyati bilan cheklanadi va uchinchi shasxlarning aybi bilan, yoki davlat organlari yoki sud hokimiyati tomonidan qo‘yilgan taqiq va cheklovlar natijasida yuzaga kelgan uzilishlar uchun javobgar bo‘lmaydi. 5.7. Ilovaning barcha axborot oqimi, xususan talab bo‘yicha yoki Ilova orqali taqdim etiladigan, kirish mumkin bo‘lgan barcha kontent, dasturiy ta’minot, funksional, materiallar va axborotlar “boricha” ya’ni hech bir o‘zgartirishlarsiz, hech qanday olib tashlash va to‘ldirishlarsiz taqdim etiladi. 5.8. Bank Ilovadan foydalanish mumkin bo‘lgan xizmatlar yoki kontent, materiallar, axborotlar va funksional bo‘yicha yoki ushbu Shartnomada ko‘zda tutilmagan usullar bilan Ilovadan foydalanish yo‘li bilan maxfiy ma’lumotlarni uzatish orqali yuzaga kelgan har qanday himoya buzilishlari bo‘yicha hech qanday va'dalar yoki kafolatlarni bermaydi. 5.9. Bank Mijoz oldida yoki uchinchi taraf oldida qanday holatda ro‘y bermasin, har qanday ziyon va yo‘qotishlar uchun, xususan, biroq cheklanmagan holda, Mijoz tomonidan Ilova orqali Sotuvchidan tovarlar (ish, xizmatlar)ning sotib olinishi bilan bog‘liq holda yuzaga kelgan foydaning yo‘qotilishidan kelgan, obro‘siga putur yetkazilishi oqibatidagi yoki boshqa har qanday zararlar uchun, shuningdek, Ilova orqali olingan, sotib olingan yoki puli to‘langan istalgan tovar (ish, xizmat, axborot, kontent) uchun javobgar bo‘lmaydi. 5.10. Har bir Tomon ushbu Shartnomada belgilangan javobgarlik uchun cheklovlar mavjud ekanini ikkinchi Tomon tan olgan holda Shartnomani imzolashini tushunadi va bu cheklovlar tomonlar o‘rtasidagi kelishuvlarning muhim asosi ekanini, bunda har ikki Tomon bunday holatlar taraflarning ongli nazoratidan tashqarida bo‘lgan sharoitlar oqibatida, ya’ni hukumatning maxsus xatti-harakatlari yoki terroristik harakatlar, zilzila, yong‘in, suv toshqinlari yoki boshqa tabiiy ofatlar, yana mehnat sharoitlari bilan, ta’minotdagi uzilishlar va Internetga ulanishdagi buzilishlar kabi vaziyatlarga bog‘liq yuzaga kelishi tufayli majburiyatlarning bajarilmasligi yoki kechiktirilishi uchun hech bir Tomon javobgar bo‘lmasligini tan oladi. 6. INTELLEKTUAL (AQLIY) MULK 6.1. Ilova, uning tarkibi, tuzilmasi va dizayni Bankning mualliflik huquqi bilan to‘liq himoya qilinadi. Shuningdek, Bankning mutlaq huquqi Bank tomonidan yaratilgan va ro‘yxatga olingan har qanday Intellektual mulk, shuningdek, uning tovar belgilari uchun ham taalluqlidir. 6.2. Bankning mualliflik huquqi va boshqa intellektual mulki huquqlari mazkur Ilova uchun hamda uning to‘liq (mahsulotlar va xizmatlarni ham qo‘shgan holda) kontenti uchun ham taalluqli hisoblanadi. 6.3. Ushbu Shartnomadagi har qanday axborot/kontentlardan, Bank tomonidan yaratilgan logotip, znachok, grafik, surat, patent, xizmat/tovar belgisi, dizayn, vizual mediadan va boshqa intellektual mulkdan (ro‘yxatga olingan yoki ro‘yxatdan o‘tkazilmagan) ruxsatsiz foydalanish, qayta ishlash yoki chop etish (ijtimoiy tarmoqlarni ham qo‘shgan holda) Bankning oldindan yozma roziligisiz 5 man etiladi. 6.4. Ilovadagi Intellektual mulkka havola foydalanuvchi uchun uni qo‘llashga ruxsat taqdim etilganini anglatmaydi. Mijoz tomonidan tijorat maqsadlarida Ilovadan har qanday ma’lumotni yuklab olish (foydalanish) yoki ko‘chirib olish O‘zbekiston Respublikasi qonunchiligi talablarini buzish deb tushuniladi. 6.5. Ushbu Oferta qoidalarining birortasi ham Bankning ushbu bo‘limda ko‘rsatilgan intellektual mulkidan foydalanish uchun sizga huquq yoki ruxsatnoma bermaydi. Yüklə 0,51 Mb. Dostları ilə paylaş:
|