On savollari 191-193 fizika, 195 matematika

Shartli reflekslar hosil bo'lishi uchun m a’lum sharoit bo'lishi shart.

Shartsiz reflekslar bosh miya katta yarim sharlari ishtirokisiz ham hosil bo'lishi mumkin, lekin shartli reflekslarning hosil bo'lishi uchun orqa miya va bosh miyaning sop qismi bilan birga ko'proq bosh miya katta yarim sharlari ishtirok etadi. Shartli reflekslar organizmning tashqi muhitga moslashishida muhim ahamiyatga ega, ular hayot mobaynida tormozlanib, yangilari hosil bo'lib turadi.

Shartli reflekslarning biologik ahamiyati. Bola tug'ilgandayoq unda ma’lum shartsiz reflekslar vujudga kelgan bo'ladi. Masalan, so'rish, yutish, so'lak ajralishi, himoya reflekslari (issiq narsadan qo'lni tortib olish, yo'talish, aksa urish va hokazo), jinsiy reflekslar, mavjud bo'ladi.

Shartli reflekslar organizmni tashqi muhit sharoitiga ancha murakkab moslashtiradi. Odam ovqatni hididan topadi, vaqtni chamalaydi va hokazo. Ovqatning hidiga so'lak, me’da shirasi ajrala boshlaydi. Shartli ta’sirlovchilar signallarni bosh miya katta yarim sharlari po‘stlog ‘ida analiz va sintez qilib, ta ’sirotga javob berishga tayyorgarlik ko‘radi.

15.Oliy nerv faoliyati.

Miya yarim sharlarini po`stloq qismi bosh miyaning boshqa qismlariga nisbatan yuqori darajada rivojlangan, o`zining tuzilishi va funktsiyasi bilan juda murakkabdir. Miya yarim sharlarining po`stloq qismi hosil bo`lishi bilan funktsiyalar kortikalizatsiyasi boshlanadi, ya`ni barcha funktsional holatlar ustidan eng yuqori kontrol po`stloq orqali olib borila boshlaydi. Po`stloq odam psixik faoliyatining materialistik asosidir. Po`stloq faoliyatiga tegishli bo`lgan oliy nerv faoliyati turli metodlar yordamida o`rganilgan. Po`stloq faoliyatini o`rganishda I. P. Pavlov yaratgan shartli reflekslar nazariyasi katta ahamiyatga ega. 1863 yilda I. M. Sechenov bosh miyaning reflektor faoliyati haqida ajoyib fikrlar aytgan. I. P. Pavlovning asosiy xizmatlari shundan iboratki, shartli reflektor metodi yordamida oliy nerv faoliyatining juda murakkab sirlarini o`rganish imkoniyati tug`ildi.

 I. P. Pavlovning aniqlashicha markaziy nerv tizimi reflektor faoliyati asosida 3 printsip yotadi. A) Determinizm-har bir holatning o`zgarishini ma`lum sababi bo`ladi, ta`sirot bo`lmasa refleks yuzaga kelmaydi. B) Analiz va sintez printsipiga asosan retseptor yuzadan qabul qilingan ta`sirni miya po`stlog`i mayda bo`lakchalarga  bo`lib, analiz qiladi va zurur bo`lganda ularni yana qaytadan tez birlashtiradi. V) Struktura printsipiga muvofiq har bir reflektor faoliyat yarim sharlar po`stlog`ining ma`lum struktura qismi bilan bog`liq.

Yuqorida aytilganidek reflekslar shartli va shartsiz bo`ladi.

Instinkt murakkab shartsiz refleksga kiradi. Hayvonlarda quyidagi instinktlar mavjud: ovqatlanish, jinsiy, himoya, otalik, onalik instinktlari va boshqalar. Barcha shartsiz reflekslarda instinkt o`zining ba`zi bir xususiyatlari bilan farq qilib gormonlar bilan boshqarilib boriladi.

Organizmning o`sishi va rivojlanishida shartli reflekslar sharoitga to`liq moslanishini ta`minlamaydi, vazifani bajaruvchi asosiy vosita shartli reflektor faoliyatidir. Shartli reflekslar tug`ma bo`lmasdan, hayot sharoiti davomida orttiriladi. Shartli reflekslar shartsiz reflekslar kabi turg`un bo`lmasdan, mustahkamlagich (shartsiz qitiqlagich) bo`lmasa so`nib, yo`qolib ketishi ham mumkin.

16.Ko’rish analizatori tuzilishi.

Ko‘rish a'zosi - ko‘z yordamida odam tevarak-atrofdagi buyumlarning rangi, tuzilishi, hajmi, bir-biridan farqini ajratadi; o‘simlik va hayvonot olamini o‘rganadi; rassomlik, me'morlik, haykaltaroshlik san'atlarining mahsulotlaridan bahramand bo‘ladi; tabiat go‘zalliklaridan zavqlanadi. Ko‘rish odamning mehnat faoliyatida muhim rol o‘ynaydi. Ko‘rish orqali odam o‘qishni, yozishni va mehnatning boshqa xilma-xil turlarini o‘rganadi, bilim oladi, hunar egallaydi. Binobarin, ko‘rish orqali odamning ichki dunyosi boyiydi, uning tevarak - atrof, tabiat, san'at haqidagi tushunchasi ortadi, fikrlash qobilyati, aql-idroki, ongi rivojlanadi.

Ko‘z bosh suyagining maxsus chuqurchasida - ko‘z kosasida joylashgan. U ko‘z soqqasi, ko‘rish nervi va yordamchi qismlaridan iborat. Ko‘zning yordamchi qismlariga ko‘z soqqasini harakatlantiruvchi oltita muskul va ularning nervlari, ko‘z yosh bezlari va ularning kanalchalari, ko‘z yosh qopchasi hamda qovoq va kipriklar kiradi. Muskullar ko‘z soqqasini harakatlantirib, ko‘rish doirasini kengaytiradi. Ko‘z yosh bezlaridan ajraladigan suyuqlik ko‘zning shox pardasini namlab, uni changdan yuvib turadi. Qovoqlar va kipriklar ko‘z soqqasini tashqi muhitning noqulay ta'sirlaridan himoya qiladi.

Ko‘z soqqasi yumaloq tuzilgan bo‘lib, oldingi va orqa qutblariga ega bo‘ladi. U tashqi va ichki qismlardan iborat. Tashqi qismi uch qavat: tashqi fibroz, o‘rta - qon tomir va ichki to‘rsimon pardadan tashkil topgan. Ichki qismiga ko‘z ichi suyuqligi, ko‘z gavhari va shishasimon tana kiradi. Ko‘z soqqasining tashqi -fibroz pardasi ikki qismga bo‘linadi. Uning oldingi qismi shox parda deb atalib, u shishadek tiniq, yorug‘lik nurlarini sindirish xususyayatiga ega. Tashqi fibroz pardaning yon va orqa qismi ko‘zning oq pardasi (sklera) deb ataladi. Ko‘z soqqasining qon tomir qavati nomiga monand, qon tomirlariga boy bo‘lib, ko‘z to‘qimalarini oziq - moddalar va kislorod bilan ta'minlaydi. Bu qavatning oldingi qismi rangli parda deb atalib, uning rangi hammada har xil (qora, ko‘k, sarg‘imtir va hokazo) bo‘ladi. Bu pardaning o‘rtasida yumaloq tetikcha bo‘lib, u ko‘z qorachig‘idir. Teshikcha atrofida ko‘z qorachig‘ini kengaytiruvchi va toraytiruvchi muskullar bo‘ladi. Ko‘z soqqasining‘ ichki - to‘rsimon pardasi, ayniqsa muhim ahamiyatga ega, chunki uning orqa qismida yorug‘likni, ranglarni qabul qiluvchi retseptorlar joylashgan. Ular maxsus nerv hujayralari bo‘lib, tayoqcha va kolba shaklidadir. To‘rsimon pardaning orqa qismida ko‘rish nervining tolasi kiradigan teshikcha bo‘lib, u orqali ko‘rish nervi to‘rsimon pardaga o‘tadi va mayda tolachalarga bo‘linib, tayoqchasimon va kolbachasimon retseptorlarga tutashadi.

Ko‘z soqqasining ichki qismi ko‘z gavhari, ko‘z ichi suyuqligi va shishasimon tanadan iborat. Bularning hammasi tiniq, shishasimon bo‘lib, ko‘zga tutashadigan yorug‘lik nurini sindirish xususiyatiga ega. Ko‘rish nervining mayda tolachalari ko‘z soqqasi ichki to‘rsimon pardasining orqa yuzasida joylashgan tayoqchasimon va kolbachasimon retseptorlar (hujayralar) bilan tutashgan bo‘lib, ulardagi qo‘zg‘alishni qabul qiladi. Nerv tolachalari birlashib, ko‘rish nervini hosil qiladi va u to‘rsimon pardaning orqa qismida joylashgan maxsus teshikcha orqali bosh miyaga kiradi. U oldin o‘rta miyaga va oraliq miyaning ko‘rish do‘mbog‘iga boradi. So‘ngra bosh miyaning o‘tkazuvchi yo‘llariga birlashib, bosh miya po‘stlog‘ining ensa qismida joylashgan ko‘rish markazi nerv hujayralariga tutashadi. Ko‘zning funksiyasi. Ko‘z bajaradigan funksiyasiga ko‘ra ikki qismdan: ko‘zning optik sistemasi va retseptor qismidan iborat.

Ko‘zning optik sistemasiga uning shox pardasi, ko‘z ichi suyuqligi, gavhar va shishasimon tana kiradi. Bular ko‘zga tushadigan yorug‘lik nurini sindirib o‘tkazadi va uni ko‘zning ichki to‘r pardasida joylashgan retseptorlarga to‘plab beradi. Yorug‘lik nurini sindirib o‘tkazishda, ayniqsa, ko‘z gavhari muhim rol o‘ynaydi. Yaqindagi buyumlarga qaraganimizda gavhar qalinlashadi. Uzoqdagi buyumlarga qaraganimizda esa yassilashadi. Gavhar shaklining bunday o‘zgarishini akkomodatsiya deb atalib, u gavhar atrofini o‘rab turgan kipriksimon muskul tolalarining qisqarishi va bo‘shashi orqali amalga oshadi. Demak, akkomodatsiya ko‘zning uzoqni va yaqinni ko‘rish qobiliyatini ta'minlaydi.

Ko‘z qorachig‘i - ko‘zning rangli pardasi o‘rtasida joylashgan teshikcha bo‘lib, uning atrofi aylana va to‘g‘ri yo‘nalgan muskullar bilan o‘ralgan. Ular parasimpatik va simpatik nerv tolalari bilan ta'minlangan. Ko‘z qorachig‘i gavharga va to‘r pardaga yorug‘likning, faqat markaz qismdagi nurlarni o‘tkazadi, atrofdagi nurlarni esa o‘tkazmaydi. Qorachiqning ana shu funksiyasi tufayli buyumlarning shakli, rangi, ko‘rinishi va boshqa xususiyatlari ko‘zning to‘r pardasiga aniq o‘tkaziladi. Yorug‘lik ko‘p bo‘lganda ko‘z qorachig‘i torayadi va to‘r pardaga o‘tkaziladigan nur oqimi kamayadi, yorug‘lik kam bo‘lganda esa qorachiq kengayadi va to‘r pardadagi retseptorlarga o‘tkaziladigan nur oqimi ko‘payadi. Bundan tashqari, odam hayajonlanganda, qo‘rqqanda, og‘riq sezganda ko‘z qorachig‘i kengayadi. Bu simpatik nervning qo‘zg‘alishi va buyrak usti bezining mag‘iz qismidan ajraladigan adrenalin, noradrenalin gormonlari ko‘payish tufayli yuz beradi.

Odamga yaqinda qaraganda (o‘qiganda, yozganda) ko‘z qorachig‘i kengayadi va ko‘z ichidagi bosim ortadi, bu holat uzoq davom etsa, ko‘z toliqadi. Uzoqdagi buyumlarga qaraganda esa qorachiq torayadi, ko‘z ichidagi bosim pasayadi va ko‘z dam oladi.

Ko‘zning ichki to‘r pardasida joylashgan tayoqchasimon retseptorlar tashqi muhitda yorug‘lik kam bo‘lgan vaqtda qo‘zg‘olib, qorong‘ulikda ko‘rishni ta'minlaydi. Kolbachasimon retseptorlar esa tashqi muhitda yo‘rug‘lik yetarli bo‘lganda qo‘zg‘alib, ko‘zning "kunduzi" ko‘rish xususiyatini ta'minlaydi. Bundan tashqari, kolbachasimon retseptorlar rang bilish xususiyatiga ega. To‘r pardada 100 mln dan ko‘proq tayoqchasimon va 5 mln ga yaqin kolbachasimon hujayralar joylashgan.

Tayoqchasimon retseptorlar tarkibida rodopsin moddasi bo‘lib, u oqsil va A vitamindan tashkil topgan. Kolbachasimon retseptorlar funksiyasiga ko‘ra uch xil: ko‘k, yashil va qizil ranglarni qabul qiluvchi bo‘ladi. Ular uchalasining turli kombinatsiyada qo‘zg‘alishi boshqa ranglarni, uchalasining baravar qo‘zg‘alishi esa oq rangni ko‘rishga imkon beradi.

Tayoqchasimon va kolbachasimon retseptorlardagi qo‘zg‘alish ko‘rish nervining tolalariga o‘tib, u orqali bosh miyada joylashgan ko‘rish markaziga boradi va nurni, ranglarni ko‘rish - sezgi hosil bo‘ladi.

17.Eshitish analizatori tuzilishi

Odamning umri uzluksiz tovushlar dunyosining ta'siri ostida o‘tadi: qushlar, hayvonlar, odamlar ovozi, musiqa ohanglari, texnika vositalarining tovushi - bularning barchasi odamning eshitish a'zosiga ta'sir qiladi va tovush sifatida qabul qilinadi. Eshitish va nutq bir-biri bilan chambarchas bog‘liqdir, chunki bola nutqining rivojlanishi uchun uning eshitish qobiliyati normal bo‘lishi kerak, ya'ni u eshitgan so‘zlarini takrorlaydi, natijada uning nutqi rivojlanadi. Bola tug‘ilishidanoq eshitish a'zosining faoliyati buzilgan bo‘lsa, u tovushni eshitmaydi, natijada aytilgan so‘zlarni takrorlay olmaydi, ya'ni uning nutqi rivojlanmaydi. Shuning uchun ham tug‘ma karlar gung ham bo‘ladi. Shuningdek, eshitish qobiliyati past bo‘lgan odamning nutqi ham yaxshi rivojlanmaydi. Eshitishning ahamiyati shundan iboratki, odam hayotidagi ba'zi voqyealarni ko‘rgandagiga nisbatan, ularning mazmunini eshitganida to‘liqroq tushunha oladi. Masalan, odam biror spektaklni televizordan ovozsiz tomosha qilganda olgan tushunchasiga nisbatan shu spektaklning mazmunini radio orqali eshitganda to‘liqroq tushunadi. Binobarin, eshitish a'zosining faoliyati normal bo‘lishi avvalo har bir odamda bolaligidan boshlab nutq paydo bo‘lishi va rivojlanishiga imkon beradi. Bolaning keyingi hayoti davrida esa eshitish va nutqning birgalikda rivojlanishi uning tarbiyalanishida, bilim olishida, hunar o‘rganishida, musiqa san'atini tushunishi va barcha ruhiy faoliyatining shakllanishida muhim o‘rin tutadi.

Eshitish a'zosi - quloqning tuzilishi. Eshitish a'zosi bo‘lgan quloq bosh suyagining chakka qismida joylashgan. U uch qismga bo‘lib o‘rganiladi: tashqi, o‘rta va ichki quloq.

Tashqi quloq - quloq suprasi va tashqi eshitish yo‘lidan iborat. Quloq suprasi elastik xususiyatga ega bo‘lgan tog‘aydan tashkil topgan, ustidan teri bilan qoplangan. Tashqi quloq yo‘lining oxirida biriktiruvchi to‘qimadan tashkil topgan 0, 1 mm qalinlikdagi nog‘ora parda bo‘lib, u tashqi quloq yo‘lini o‘rta quloq bo‘shlig‘idan ajratib turadi.

Tashqi quloq yo‘lini qoplab turuvchi terida juda ko‘p mayda bezlar bo‘lib, ulardan yog‘simon suyuqlik ajraladi. Ba'zan shu suyuqlik to‘planib qolishi tufayli quloq bitadi. Bunday hollarda paxtadan yasalgan pilik yoki gugurt cho‘pi uchiga o‘raglan bint (paxta ) yordamida tashqi quloq yo‘lini artib tozalash lozim. Yuvinish paytida quloqqa suv kirganda ham shunday qilinadi. Tashqi quloq yo‘li kirlanishining oldfini olish uchun haftada bir-ikki marta yumshoq sochiq uchini iliq suv bilan namlab, quloq yo‘lini artib turish maqsadga muvofiqdir.

O‘rta quloq bo‘shlig‘i Yevstaxiy naychasi yordamida burun halqumiga tutashgan. O‘rta quloqda bir-biri bilan ketma-ket birikkan uchta eshitish suyakchalari (bolg‘acha, sandon, uzangi) tovush to‘lqinlari ta'sirida nog‘ora pardada hosil bo‘lgan tebranishni ichki quloqqa o‘tkazadi.

Ichki quloq - bo‘shliq va ilonizi kanalchalar tizimidan, ya'ni suyak labirintdan iborat. Suyak labirintning ichida parda labirint joylashgan, ular orasidagi torgina bo‘shliqda perilimfa suyuqligi bo‘ladi. Suyak labirintda chig‘anoq bo‘lib, uning ichida tovushni sezuvchi hujayralar, ya'ni eshitish retseptorlari joylashgan.

Suyak labirintning dahliz va yarim doira kanalchalar deb ataluvchi qismidagi xaltasimon tuzilmalarda odam tanasining fazodagi muvozanatini ta'minlovchi vestibulyar analizatorning retseptorlari joylashgan.

Eshitish a'zosining funksiyasi. Tashqi, o‘rta va ichki quloqning har biri o‘ziga xos funksiyani bajaradi. Quloq suprasi tovush to‘lqinlarini to‘plash va uni quloqning tashqi yo‘liga yo‘naltirish vazifasini o‘taydi. Ayrim sut emizuvchi hayvonlarda (it, ot, quyon, qo‘y va boshqalarda) quloq suprasining muskullari yaxshi rivojlangan bo‘lib, ular tovush kelgan tomonga quloqlarini harakatlantira oladilar. Odamda quloq suprasini harakatlantirish imkoni bo‘lmasa-da, u tovushni to‘plash va uni eshitish yo‘li tomon yo‘naltirish imkoniyatiga ega.

Tashqi eshitish yo‘li tovush to‘lqinlarini nog‘ora parda tomon o‘tkazadi. Tovush nog‘ora pardani tebrantiradi, uning tebranishi eshitish suyakchalari orqali ichki quloqning chig‘anog‘i hamda yarim doira kanalchalardagi perilimfa va endolimfa suyuqliklarini to‘lqinlantiradi. Ularning to‘lqinlanishi chig‘anoq ichidagi eshitish retseptorlarini qo‘zg‘atadi. Bu retseptorlar juda mayda sezuvchi nerv tolalari bo‘lib, endolimfa to‘lqinlanganda ular silkinadi va qo‘zg‘aladi. Tolalarning soni 24 mingdan ko‘proq bo‘lib, ularning ayrim to‘plamlari maxsus tovushlarni qabul qilish xususiyatiga ega.

Ma'lum tovushni qabul qiladigan sezuvchi tolalar yaxshi rivojlanmasa yoki kasallansa, odam mazkur tovushni aniqlash qobiliyatini yo‘qotadi. Bolalarni yoshlikdan har xil musiqa ohanglarini tinglash va chalishga o‘rgatish ana shu sezuvchi tolalar yaxshi rivojlanishiga imkon beradi.

Retseptorlarning qo‘zg‘alishi eshitish nervi orqali miya ko‘prigi, o‘rta miyada joylashgan po‘stloq osti eshitish markaziga, undan esa bosh miya yarim sharlari po‘stlog‘ining chakka qismida joylashgan oliy eshitish markaziga borib, uni qo‘zg‘atadi. Bu markazda joylashgan nerv hujayralarida tovush ta'siri analiz va sintez qilinib, uning mazmuni aniqlanadi.

Odam sekundiga 16-20 ming marta tezlikda tebranuvchi tovush to‘lqinlarini qabul qilish imkoniga ega. Yuksak rivojlangan hayvonlarda, ayniqsa, itlarda tovush to‘lqinlarini qabul qilish xususiyati, odamga nisbatan ancha yaxshi rivojlangan bo‘lib, ular odam eshitmaydigan kuchsiz tovushlarni ham eshita oladi. Shuni ham aytish kerakki, yoshlarning kuchsiz tovushlarni eshita olish qobiliyati yaxshi bo‘lib, yosh kattalashgan sari bu qobiliyat pasaya boradi. Agar odamga kuchli tovush har kuni uzoq muddat davomida ta'sir qilib tursa, u shovqinga moslashib qoladi. Shuning uchun ham sershovqin korxonalarda ishlaydigan odamlar kuchli tovushga o‘rganib qolib, kuchsiz tovushni yaxshi eshitmaydigan bo‘lib qolishi mumkin. Kuchli tovush ta'siriga moslashmagan odam esa sershovqin korxonalarda bo‘lganida o‘zini yomon sezadi.

18.Quloq. Tashqi va ichki quloq.

19.Ko’z soqqasining tuzilishi.

20.Endokrin tizim.

21.Ichki sеkrеtsiya bеzlari.

22.Gipofiz, qalqonsimon va ayrisimon bezlar

23.Me’da osti bezining ichki sekretor faoliyati, buyrak usti bezlari.

24.Qon tizimi. Qon funksiyalari.

25.Qonning miqdor va tarkibi. Qon plazmasi.

26.Qizil qon tanachalari, eritrotsitlar. Gemoglobin.

27.Qon guruhlari va qon quyish. Qon ivishi.

28. Qоn aylanishining ahamiyati. Yurak, uning kameralari,

29.Yurak ishi. Yurak sikli. Yurak ishini boshqaruvi.

30.Qonning katta va kichik qоn aylanish dоiralari bo’yicha xarakati.