Она тили 5 синф indd

da olgan bilimlaringizni matn orqali namoyon qiling.
124-dars. SO‘ROQ BELGISINING ISHLATILISHI
 
Aqlli bolaning javobi
Podshohlardan biri o‘z vazirinikiga mehmonga boribdi. Vazir-
ning odobli, so‘zi chiroyli o‘g‘li bor ekan. Podshoh o‘sha bolani 
yoniga o‘tqazib, undan so‘rabdi:
– Mening uyim chiroylimi yoki otangnikimi?
– Qachon podshoh otamning uyida bo‘lsa, albatta, otamning 
uyi chiroyli! – deb javob beribdi bola.
Keyin podshoh barmog‘idagi qimmatbaho uzukni ko‘rsatib un-
dan so‘rabdi:
– Bu uzukdan ham chiroylisini ko‘rganmisan?
– Ha! Uzuk taqilgan qo‘l uzukdan chiroyli, – debdi bola.
Podshoh uning hozirjavobligidan taajjublanib, yana so‘rabdi:
– Mendan keyin podshoh bo‘lishni istaysanmi?
– Podshohning o‘g‘li mendan ko‘ra podshohlikka haqliroq, – 
debdi bola.
Bu javobdan podshohning shodligi yanada oshib, vazirning 
o‘g‘liga bergan tarbiyasidan mamnun bo‘libdi.
(“
Bola odobi bilan aziz” kitobidan
)
 Topshiriq.
 
Matnni o‘qing.
Aziz tengdoshlar! 
Bu belgining qaysi 
o‘rin larda 
ishlatilishini 
bilasizmi?
http://eduportal.uz

---

177
ONA TILI 5-sinf
 
426-mashq.
 
Matnda ishlatilgan so‘roq mazmunidagi gaplarni ko‘chi-
ring. Agar siz vazirning o‘g‘li o‘rnida bo‘lganingizda shu savollarga qan-
day javob bergan bo‘lar edingiz? O‘z javobingizni yozing.
1. Mening uyim chiroylimi yoki otangnikimi?
2. Bu uzukdan ham chiroylisini ko‘rganmisan?
3. Mendan keyin podshoh bo‘lishni istaysanmi?
427-mashq. 
Quyidagi so‘zlarga savol berib, jadvalga joylang. Yozi-
lishiga va ma’nosiga diqqat qiling.
Batafsil, ancha-muncha, voyvoylamoq, krossvord, diyonat, 
repetitsiya, ta’mirlamoq, zalvarli, jilov 
lamoq, ibtidoiy, birmuncha, 
yigirmata, ilg‘or, shu’lalanmoq, yarim, saranjom-sarishta, ozgina, 
adib, shug‘ullanmoq.
Kim?, Nima?
Qanday?
Qancha?
Nima qilmoq?
repetitsiya
batafsil
birmuncha
voyvoylamoq