O‘quv dasturi (X sinf) kimyo toshkent-2017
Yüklə 25,01 Kb.
|
- Bu səhifədəki naviqasiya:
- (X SINF) KIMYO Toshkent-2017 2 UQTIRISH XATI
- Kimyo fanini o‘qitishning maqsadi
- Kimyo fanini o‘qitishning vazifalari
|
Umumiy o‘rta ta’limning 1
XALQ TA’LIMI VAZIRLIGI RESPUBLIKA TA’LIM MARKAZI UMUMIY O‘RTA TA’LIMNING O‘QUV DASTURI (X SINF) KIMYO Toshkent-2017 2
Hozirgi ilm-fan, texnika va sanoat jadal rivojlanayotgan, ijtimoiy, ekologik holat munosabatlari muntazam o‘rganilayotgan vaqtda maktablarda kimyo fanini mazmun jihatdan yangicha o‘qitish ham zaruriyat, ham zamon talabidir. Umumiy o‘rta maktablarida kimyo fanidan ta’lim berish, uning fan-texnika taraqqiyotida, ishlab chiqarish sohalari va kundalik hayotda tutgan o‘rni bilan belgilanadi. Kimyo fanini o‘qitishning maqsadi: o‘quvchilarga eng muhim kimyoviy elementlar, moddalarning xossalari, tuzilishi, tarkibi, anorganik va organik moddalar orasidagi bog‘liqlik, ularning xilma-xilligi, tabiat va inson hayotidagi ahamiyati haqidagi bilimlarni berish, o‘quvchilarning ilmiy-amaliy dunyoqarashini oshirish, mantiqiy va ijodiy fikrlashini rivojlantirishdan iborat. Kimyo fanini o‘qitishning vazifalari: asosiy kimyoviy tushunchalar, nazariyalar va qonuniyatlar asosida moddalarning xossalari, tuzilishi, tarkibi, ular orasidagi bog‘liqlik, ularning amaliy ahamiyati haqidagi bilimlar berish; ta’lim-tarbiya jarayonida kimyo fani mazmunini hozirgi ijtimoiy hayot, fan- texnika va texnologiyalar taraqqiyoti bilan bog‘lash asosida o‘quvchilarni ongli ravishda kasb tanlashga yo‘naltirish; kimyoviy ishlab chiqarishning ekologiyaga ta’sirini bilish, tabiat va uning barcha boyliklariga oqilona munosabatda bo‘lish fazilatlarini yosh avlod ongiga singdirish; kimyoviy moddalardan kundalik turmushda foydalana olish hamda kimyo o‘quv xonasida ishlash xavfsizlik qoidalari bilan tanishtirish va amal qilishga o‘rgatish; qadimda yashab ijod etgan buyuk allomalar va hozirgi kimyogar olimlarning kimyo fani rivojiga oid ishlari bilan tanishtirish orqali o‘quvchilarni milliy istiqlol va vatanparvarlik ruhida tarbiyalash, kimyodan olgan bilimlarini hayotda qo‘llay olish kompetensiyalarini shakllantirishdan iborat. Ushbu o‘quv dasturida boblar kesimida mavzularga ajratilgan umumiy soatlar hajmi keltirilgan bo‘lib, ularning taqsimlanishi o‘qituvchi tomonidan ijodiy yondoshgan holda amalga oshiriladi. Jumladan, taqvim mavzuiy rejani tuzushda 3
chiqmagan holda taqsimlanishi zarur. Shuningdek, o‘quvchilarning Davlat ta’lim standartini o‘zlashtirish yuzasidan o‘tkazilgan monitoring natijalariga ko‘ra o‘quvchilar bilimida aniqlangan bo‘shliqlarni to‘ldirish maqsadida mavzularga ajratilgan soat hajmini 15% gacha o‘zgartirish va metodik kengash yig‘lishida kelishilgan holda maktab pedogogika kengashida muhokama qilinib tasdiqlanishi maqsadga muvofiqdir. Mazkur dasturda tavsiya etilayotgan adabiyotlar ro‘yxatidan fan o‘qituvchilari ijodiy yondoshgan holda mavzularni kengaytirib o‘qitishda foydalanishlari mumkin. O‘quv dasturining boshida har bir sinf o‘quvchilarining o‘quv faoliyati natijalariga qo‘yiladigan talablar keltirilgan. Bu o‘z o‘rnida o‘quv yili boshlanishida pedagoglarning harakat strategiyasini belgilab beradi. 2018-2019 o‘quv yillarida umumiy o‘rta ta’lim maktablarining 7,10,11-sinflarida O‘zbekiston Respublikasi Vazirlar Mahkamasining 2017-yil 6-apreldagi “Umumiy o‘rta va o‘rta maxsus, kasb-hunar ta’limining davlat ta’lim standartlarini tasdiqlash to‘g‘risida”gi 187-son qarori bilan tasdiqlangan malaka talablari asosida tuzilgan bo‘lib, Xalq ta’limi vazirining 2017-yil 3 iyundagi 190-sonli buyrug‘i bilan tasdiqlangan o‘quv dasturlaridan; 2018-2019 o‘quv yillarida umumiy o‘rta ta’lim maktablarining 8-9-sinflarida O‘zbekiston Respublikasi Oliy va o‘rta maxsus ta’lim vazirligi, O‘zbekiston Respublikasi Xalq ta’limi vazirligining 2010 yil 1 iyuldagi 62/2 /4/1 sonli qo‘shma hayat majlisi qarori “Umumiy o‘rta, o‘rta maxsus, kasb-hunar ta’limi muassasalarida o‘qitiladigan umumta’lim fanlari hamda oliy ta’limda davom ettiriladigan fanlar dasturlari uzviyligi va uzluksizligini ta’minlash to‘g‘risida”gi qo‘shma hayat majlisi qarori bilan tasdiqlangan optimallashtirilgan o‘quv dasturidan amaliyotda foydalaniladi. Mazkur o‘quv dastur KIMYO fanidan quyidagi o‘quv yillarda Yüklə 25,01 Kb. Dostları ilə paylaş:
|