Orom og‘ushida dilrabo bu tun: Oydin zulumotda jilmayar bahor

Hayotdagi shiorim “Man-
zilga shoshganlar emas, to‘g‘ri 
yo‘ldan yurganlar yetadi”.
www.ziyouz.com kutubxonasi

---

55
adabiy-ijtimoiy jurnal
Siz shoshib yo‘ldan adashdingiz. 
Bu yo‘ldan baxt manziliga yetib 
borolmaysiz. Men shunday 
shoshqaloqlik qurboni bo‘lganman. 
Buning og‘riq, iztiroblarini bila 
turib yana qanday qilib sizning 
ayolingizga ham buni ravo ko‘rishim 
mumkin?
– Ajrashishimga sabab faqat siz 
emas. Biz baxtli emasdik avvaldan.
– Siz shunday hisoblaysiz. 
Undan so‘radingizmi hech? Ayol 
uchun erining ishdan qaytishi, 
u bilan ko‘cha aylanish, u uchun 
ovqat tayyorlash, u uchun pardoz 
qilishning o‘zi baxt! Afsuski, erkaklar 
buni tushunmaydi. Naqadar 
xudbinsizlar! Baxtni boshqa yerdan 
izlamang, oldingizdagi baxtni ko‘ra 
bilishingiz kerak... Yetib keldim, shu 
yerda tushib qolaman.
Mashina to‘xtadi, Farida 
eshikni ochib tushishi bilan kutib 
turgan o‘g‘li yugurgancha uning 
bag‘riga keldi. Shu tobda o‘g‘limni 
qanchalar sog‘inganimni his qildim. 
Qulog‘imda esa hamon Latofatning 
gapi jaranglab turardi. “Naqadar 
xudbinsizlar... Baxtni ko‘ra bilish 
kerak!” U haq edi. Baxtni uzoqlardan 
izlabman, ko‘z oldimdagi baxtni 
ilg‘amabman. O, Farida, qanchalar 
munis, qanchalar yaxshi edi u! 
Imkonidan ortiq baxt talab etdim 
undan. Ko‘z oldimga Farida... Faridam 
keldi-yu, unga bergan ozorim uchun 
o‘zimdan nafratlanib ketdim.
* * *
Shivalab yomg‘ir yog‘ardi. Men 
shoshar edim, o‘z yo‘limga, o‘z 
manzilimga, baxtim manziliga behad 
shoshar edim. Faqat bir savol... u 
meni kutayotganmikan?!
Ulug‘ kasb
Oftobga o‘xshar ustoz,
Olamga sochar ziyo,
U-la qilasiz parvoz,
Ochilar yangi dunyo.
Olam asli sinoat
Adolat yo‘l – ma’rifat,
Bunda sabr-u qanoat,
Va ilmda karomat.
Ustoz – bitmas shijoat,
Bor mehnati matonat.
Mehnati ham ibodat,
Ibodati – mashaqqat.
Ustoz – hayot chashmasi,
Daryolar quyilar yer.
Bir xulosam qisqasi –
Kelajakka qanot ber.