O'rta maxsus, kasb-hunar ta'limi markazi o'zbekiston respublikasi sog'liqni saqlash vazirligi oliy va o'rta tibbiy ta'lim bo'yicha o'quv-uslubiy idorasi

Limfatrob yo'l bilan limfa tomiri ichiga dorilar yuborish. Bu

maqsadda oyoqning birinchi va ikkinchi barmoqlari orasiga novokainga qo'shilgan rangli eritma yuboriladi. Yuz qismidan sekin limfa tomiri topiladi va unga katetr qo'yiladi. Shu katetr orqali hamma antibiotiklar yoki kerakli muolajalar o'tkaziladi, natijasi juda yaxshi.

Gemodializ yoki sun'iy buyrak. Bu yo'l bilan qondagi zaharli moddalar — metabolitlarni tozalash mumkin. Xususan, o'tkir buyrak yetishmovchiligi va zaharlanishlarda keng qo'llaniladi. Apparat maxsus tayyorlangan mutaxassislar tomonidan ishlatiladi.

Plazmofarez. Bu maqsadda bemordan qon olinadi va qonni katta tezlikda aylantirib, plazma qismi ajratiladi. Natijada qonning asosiy oqsillari: albumin, protein, fibrinogen, trombin va kriopretsitatlar, gammaglobulinlar ajratib olinib, kerakli maqsadda ishlatiladi. Qonning quyuq qismi esa donorga qaytib quyilishi yoki shunday usul bilan bemordan qon olinib, ajratilgan plazmasi, sorbentlar bilan tozalanib, kasalga quyilishi mumkin. Bu usul o'tkir zaharlanishlar, o'tkir buyrak yetishmovchiligi va o'tkir buyrak-jigar yetishmovchiliklarida, terminal holatlarda keng qoilanib kelmoqda.