O'simliklar dunyosi va uning ahamiyati

O`ZBEKISTON RESPUBLIKASI
OLIY VA O`RTA MAXSUS TA`LIM VAZIRLIGI
ANDIJON DAVLAT UNIVERSITETI
Tabiiy fanlar fakulteti Biologiya yo’nalishi
2-bosqich 204-guruh talabasi
Akromjonova Fotimaxonning
“O'simliklar dunyosi va uning ahamiyati” mavzusida tayyorlagan


KURS ISHI


Kurs ishi rahbar: Ibrohimova G.
Andijon
REJA:
I. Kirish.
II. Asosiy qism
1. O'simliklar dunyosini ahamiyati. 
1. O’simliklardan foydalanishda yuzaga kelayotgan asosiy muammolar
2. O’simliklarni muhofaza qilish chora-tadbirlari
III.Xulosa
Foydalanilgan adabiyotlar

KIRISH.
Mavzuning dolzarbligi. O’simliklar dunyosi ham tabiat boyliklaridan biri hisoblanadi. O’z davrining mashhur shifokorlarn, vatandoshlarimpz Abu Ali ibn Sino, Abu Abdulloh Muhammad ibn Muso al-Xorazmny, Abu Bakr Muhammad ibn Zakariya ar-Roziy, Arabmuhammadxon o’g’li Abdulg’ozixon va boshqalar bemorlarni davolashda dorivor o’simlpklardan keng ko’lamda foydalanganlar. Yigirmanchi asr oxirlariga kelib ilm-fan - kimyo, fizika yutuqlari, umuman, texnika rivojlanishi insoniyatni juda kam xarakatlanadigan bo’lib, ma’lum ma’noda uni tabiatdan uzoqlashib borishiga sabab bo’ldi.

E’tiborni oziq-ovqatlar masalasiga qaratsak, ko’pgina tabiiy holatda iste’mol qilinadigan mahsulotlar o’rniga, turli xil fizikaviy, kimyoviy yoki genetik ishlov berilgan, ayrim holatlarda, umuman sun’iy ozuqa va ichimliklardan foydalana boshlandi. Undan tashqari, bugungi kunda global muammo hisoblangan atrof-muhitning, havoning, suvning ifloslanishi turli xil kasalliklarni keltirib chiqarmoqda.
Hozirgi kunda O zbekiston yoki uning boshqa xududlarida kamyob, yo'qolib borayotgan, endem va muhofaza chora-tadbirlariga muhtoj bo'lgan o'simlik turlarini saqlab qolishning yangi usullari va mexanizmlari ustida yangi zamonaviy tadqiqotlar olib borilmoqda. Tadiqiotlarning bir qismi ayrim tabiiy-geografik hududlaming floristik tarkibini o'rganish, floralaming yangi zamonaviy konspektini tuzishga qaratilgan bo'lsa, qolgan qismi flora tarkibidagi kamyob va yo'qolib borayotgan turlar populyatsiyalarining zamonaviy holatini aniqlashga va ularni muhofaza etish chora tadbirlarini ishlab chiqishga qaratilgan. Keyingi paytda rivojlanib borayotgan yo'nalishlardan biri Alohida ahamiyatga ega botanik hududlarni tanlash va ularda izlanishlar olib borish keng ko'lam yozib bormoqda. Bunday hududlar alohida muhofaza etiladigan tabiiy hududlar, ya'ni odiiy qilib aytganda qo'riqxonalardan farq qilishi mumkin. Ular ekologik balansni ushlab turishda, qo'riqxonalar qamrab olmagan hududlardagi kamyob, endem va yo'qolib borayotgan o'simlik va hayvon turlarini saqlab qolishda va shu orqali mahalliy bioxilma-xillikdagi yo'qolishlarni oldini olishga ham xizmat qiladi.
O'simliklar dunyosini ahamiyati. O'simliklar dunyosi Yerdagi hayotning birlamchi manbaidir. Ular yiliga 380 mlrd. t organik modda hosil qiladi, buning 325 mlrd. t dengiz va okean o'simliklaiga, 38 mlrd. t o'rmonlarga, 6 mlrd. t o'tloqlarga to'g'ri keladi. Bundan tashqari o'simliklar, ya'ni yashil o'simliklar tufayli fotosintez jarayoni ro'y beradi, Yerdagi hayotning yashashi uchun zarur bo'lgan kislorodni ishlab beradi. Agar fotosintez jarayoni bo'lmasa, havodagi karbonad angidridning miqdori ko'payib kishilar va hayvonlar nobud bo'lar edi. Biroq atmosferadan, suv yuzasidan va tuproqdan kelayotgan o'sha SO2 gazi o'simliklar tomonidan yutilib, fotosintez natijasida yashil o'simliklar atrofga kislorodni chiqarib turadi. Shunday qilib, fotosintez orqali Yer sharidagi suv 5,8 mln. yilda, atmosferadagi kislorod 5800 yilda, SO2 7 yilda bir marta yangilanib turadi.
Insonnig kundalik hayotida o'simliklarning ahamiyati juda katta. Chunki o'simliklar muhim tabiiy geografik omil sifatida er yuzasida suv oqimiga, bug'lanishga, tuproqda nam saqlashga, atmosferaning quyi qismidagi havo oqimiga, shamol kuchi va yo'nalishiga, hayvonlarning hayotiga ham ta'sir etadi.
O'simliklar shahar, qishloq mikroiqlimiga ta'sir etib, havosini tozalab, uni kislorod bilan boyitib turuvchi sanitarlik vazifasini bajaradi.
O'simliklardan har xil kiyim bosh, ichimliklar tayyorlashda keng foydalaniladi. O'simliklar chorva mollar uchun asosiy ozuqa manbai, insonlarsha estetik zavq beradi.
O'simliklar jamiyat uchun (agar undan oqilona foydalanib, muhofaza qilib, kayta tiklab turilsa) behisob oziq-ovqat manbai, texnika xom ashyosi, tibbiyotda dori-darmon tayyorlash, qurilish va boshqa sohalar uchun, qurilish va boshqa sohalar uchun hom ashyo resursidir.
O'simlklar – bu qayta tiklash mumkin bo'lgan tabiiy resurs hisoblanib, Yer shari geografik qobig'ida muhim rol o'ynaydi. Chunki o'simliklar sayyoramiz yuzsining guyoki bir «kimxob» sifatida qoplab olib, tuproq hosildorligini oshirishda, atmosferani toza saqlashda, daryolarning gidrologik rejimini tartibga solib turishda, inson va hayvonot dunyosi uchun ozuqa moddalar etkazib berishda va inson hyoti uchun normal gigienik sharoit yaratishda muhim vazifani bajaradi.
Yer sharida o'simliklar turi juda ko'p bo'lib, ularning juda oz qismidan kishilar xo'jalik faoliyatlarida foydalanmoqdalar. Yer sharidagi 300 ming o'simlik turidan faqat 6000 turini inson kundalik hayotida foydalansa, shuning 1500 turi esa dorivor o'simliklarga to'g'ri keladi.
2. Inson xo'jalik faoliyatida yangi o'rmonzorlar tashkil etish, madaniy o'simliklarni ko'paytirish, yaylov va o'tloqlar sifatida yaxshilash va territoriyasini kengaytirish hisobiga o'simliklar maydonini ko'paytirib boradi. Buning ustiga ilg'or agrotexnikani qo'llab ekilgan ekinlarda yashil masslar miqdoritabiiy o'simliklarga nisbatan yuqori bo'ladi, yashil o'simlik massalrining miqdori botqoqlik va zahkash erlarni quritish, tuproq sho'rini yuvish, erlarni sug'orish, o'simliklarga mineral va organik o'g'itlar solish, o'simlik kasalliklariga va zararkunandalariga qarshi kurashish, madaniy o'simliklarni yangi navlarini yaratish orqali ko'paytirib boriladi. Bularning hammasi insonning o'simliklar dunyosiga ko'rsatayotgan ijobiy ta'siridir.
Yog'och bizning asrimizda universal materialga aylanib, undan xalq xo'jaligini turli sohalarida, jumladan oziq-ovqat etishtirishda, kimyo va yoqilg'i sanoatida, mudofada, madaniy-oqartuv ishlarida, har xil dorilar tayyorlashda ham keng foydalanilmoqda. Agar bundan 30 yil ilgari yog'ochdan 4-5 ming xil narsa tayyorlangan bo'lsa, Hozir undan 20 ming xil narsalar ishlanmoqda.
Fan va texnika taraqqiy etgan sari hozirgi zamonda yog'och kimyo sanoatining xom ashyo resursiga aylanib qoldi. Kimyoviy yo'l bilan yog'ochdan qog'oz, sun'iy shoyi va jun, tutunsiz porox, sellyuloza, fotokinoplyonkalar, nitrolak, sun'iy charm, plastmassalar, etil va metil spirti, uksus kislotasi, glyukoza, yonuvchi gaz, sun'iy kauchuk va boshqa juda ko'p mahsulotlar olinmoqda. 1 m³ yog'ochni kimyoviy yo'l bilan qayta ishlaganda kuyidagi mahsulotlarni olish mumkin: 200 kg sellyuloza yoki 200 kg qog'oz, yoki 6000 m³ sellofan yoki 5-6 l yog'och spirti, yoki 20 l sirka kislotasi yoki 70 l vino spirti, yoki 160 km sun'iy tola.
O'rmonlar kishilik hayotida oziq-ovqat manbai hamdir. Chunki juda ko'p daraxtlar sifatli meva (kedr, grek va pekan yong'og'i, non daraxti, kakao daraxti, yovvoyi olma, olcha, do'lana, bodom, pista va boshqalar) beradi. So'nggi paytlarda o'rmondan kimyoviy yo'l bilan yog'ochdan qand moddasi ham ajratib olinmoqda. 1 t yog'ochdan gidrolizlash yo'li bilan 550-650 kg gacha qand olish mumkin. Shuningdek, yog'ochdan oqsil va vitaminlarga boy bo'lgan achitqilar ham olinmoqda.

O'zbekistonda dorivor o'simliklar juda ko'p bo'lib, eng muhimlari shalfey, etmak, ermon, itjumrut, gazanda, suvqalampir, qoqi o't, momaqaymoq, na'matak, itburun, bangidevona, rovach, yantoq, zira va boshqalar. Shuningdek O'zbekistonda yovvoyi holda o'suvchi foydali o'simliklardan pista, bodom, do'lana, olcha, yong'oq, shashir, tog'asiz, qamish kabilar ko'plab o'sadi. 
Markaziy Osiyo hududida hosil bo’ladigan mo’’tadil quruq havo oqimi va janub tomonidan harakatlanuvchi tropik havo oqimlari ishtirok etadi. Bu havo oqimlarini ko’pincha baland tog’ tizmalari to’sib qolsada, lekin 15-20 km balandlikdagi havo oqimlari Namangan viloyati hududiga bemalol kirib keladi hamda asosiy yog’inlarni hosil qiladi. Ayniqsa, kuz va qish oylarida Arktika havo massalarining kirib kelishi havo haroratining keskin pasayib ketishiga, yog’in miqdorining ortishiga sezilarli ta’sir ko’rsatadi. Yoz oylarida
mo’’tadil quruq va tropik havo oqimlari viloyat iqlimining quruq hamda issiq bo’lishini ta’minlaydi (2-jadval).
Namangan viloyatining janubiy, ya’ni tekislik mintaqasi - cho’l, suptropik iqlimga mansub. Vegetatsiya davri 230-240 kun. Vegetatsiya davrining ijobiy harorat yig’indisi 4600-5000⁰S. Havo haroratining o’rtacha yillik tebranishi 14,5­16⁰S. Yanvar oyining o’rtacha harorati - 0,2 - 2,4, absolyut minimum harorati esa
- 27-29⁰ S. Iyulb oyining o’rtacha havo harorati esa 20-28⁰ S, eng yuqori harorati 44⁰ S ga teng. Yillik yog’in miqdori 150-180 mm atrofida bo’lib, asosan yog’ ingarchilik qish va bahor oylariga to ’ g’ ri keladi.

Viloyat hududining relbef tuzilishi, iqlim va tuproq qatlamlarining o’ziga xos xususiyatlari tabiiy o’simliklarning tarqalishiga kuchli ta’sir ko’rsatadi. CHo’l o’simliklaridan (tekislik) to alpb o’tloqlariga (yuksak tog’lar - betagalik) qadar “tik” yo’nalishda tarqalgan o’simlik olami Namangan viloyati uchun ham xosdir. CHo’l o’simliklari Markaziy Farg’ona qismida tarqalgan. Tuproq-gruntning harakteriga ko’ra to’qay o’simliklari qamish, qo’g’a, tol, jingul kabilar sizot suvlari yer yuziga chiqib yotgan yerlarning o’simliklaridir. Galofitlar sho’rxok va sho’rlangan yerlarda keng tarqalgan bo’lib, ajriq, sho’ralarning turli vakillari, salsola (artemizi) kabilar keng tarqalgan. Psamofitlar - qum sezuvchilar: cherkez, qandim, turnag’i, saksovul kabilar bilan band.
1.2.Viloyat tabiatidan foydalanishning nazariy metodologik asoslari.
Tabiatdan foydalanish murakkab jarayon. Bu borada uning komponentlarini o’zaro bir-biri bilan bog’liqligi, ta’siri va majmualigini hamda shu jihatdan landshaft komplekslarining vujudga kelishida qatnashishini aniq hisobga olish zarur. Mutaxassislar tabiat va uning resurslarini xo’jalik muomalasiga kiritish jarayonini va umuman tabiatdan foydalanishni turli aspektlarda tahlil qilib, turlicha fikrlarga kelishgan. Farg’ona vodiysida tabiatdan foydalanish o’ziga xos hududiy, mahalliy, nuqtali xususiyatlarga egaki, darhaqiqat bu jarayon uning viloyatlari va turli
hududlarida farq qilishi aniqlangan, bu borada landshaft-balandlik mintaqalari xususiyatlarini e’tiborga olish ustuvor ahamiyatga ega. CHunki turli balandliklarda joylashgan hududlar tabiiy sharoitiga muvofiq ma’lum xo’jalik tarmoqlarini rivojlantirish uchun qulay.
V.P.Nalivkin (1886) ma’lumotlariga ko’ra: Navkent-Namangan, Navkent- CHortoq, Peshqo’rgon-CHortoq vodiylari oraliqlariga ko’chib kelgan “ko’chmanchi o’zbeklar”ning don, non mahsulotlariga bo’lgan talabi yanada ortib, ular o’z ekin maydonlarini kengaytirishga majbur bo’ladilar. Nanay, Oqtom, Safedbuloq, Qizilyozi, Mamay va boshqa tog’lik qishloqlarda ariqlar qazilib, suv chiqaradilar (Qosimov, 1988). V.M.Legostaev (1975) mavjud tarixiy ma’lumotlar asosida irrigatsiya va melioratsiyaning taraqqiyotini tarixiy manbalar asosida yoritgan.
V.A.Anuchin (1978) monografiyasida tabiatdan foydalanishning falsafiy- nazariy masalalari atroflicha tahlil qilishga uringan. Uning talqin qilishicha, tabiatdan foydalanish keng ma’noda qo’llaniladi. U resurslar va tabiiy sharoitdan majmuali foydalanishni qat’iyat bilan ilgari suradi va tabiiy resurslarni xo’jalik muomalasiga kiritishda iqtisodiy jihatdan samarali foydalanishga erishish muammosini eng muhim hisoblaydi. SHuningdek, tabiat muhofazasini amalga oshirish, ayrim hollarda qayta tiklash va qayta o’zgartirish kechiktirib bo’lmaydigan vazifadir, deb uqtiradi.
Yu.K.Efremov (1978) tabiatdan foydalanishga nazariy jihatdan yondashib muhitni qayta o’zgartirishda ikki turdagi o’zgarish mavjudligini esga soladi: 1) yo’l-yo’lakay, 2) oldindan o’ylab qilingan va maqsadga muvofiq. Birinchi yondashuv tabiatni kambag’allashuviga sababchi bo’ladi, ikkinchi yondashuvda esa tabiat reja asosida sifat jihatidan qayta o’zgartiriladi. Bu borada mualllif G.F.Xilbmi, D.L.Armand, I.P.Gerasimov va boshqalar-ning fikrlari asosida tabiatni qayta o’zgartirish kontseptsiyasini asoslaydi. Tabiatdan foydalanish tushunchasini u quyidagicha ta’riflaydi, ya’ni insoniyatning tabiatga bo’ladigan barcha ta’sirini qamrab olgan holda, shuningdek uni muhofaza etish, o’zlashtirish, qayta qurish
tomonlarini ham o’z ichiga oladi. Tabiatdan foydalanish tushunchasi ko’pgina mutaxasislar tomonidan (Preobrajenskiy va boshq., 1985, Reymers, 1990) ta’- riflangan bo’lib, ularning mazmuni bir-biriga juda yaqindir. A.I.Pecherin(1978) tabiatdan foydalanishda ikki: 1) oqilona va 2) nooqilona yo’nalish borligini ko’rsatib o’tgan. Ularni sifat jihatidan farqini misollar yordamida asoslagan.
1983 yili Toshkent Davlat Universitetida “O’zbekistonda tabiatdan foydalanishning geografik asoslari” mavzusida ilmiy konferentsiya bo’lib o’tdi. Unda tabiatdan foydalanishning umumiy masalalari, tabiiy resurslar va komplekslarni o’rganish masalalari va ulardan oqilona foydalanish, Orol muammosi, atrof-muhitni muhofaza qilish masalalari, tabiatdan foydalanishning ijtimoiy-iqtisodiy aspektlari, tabiiy sharoit va resurslarning o’rganish uslublari mavzularida mutaxassislar o’zaro ilmiy muloqatda bo’ldilar. Tabiatdan foydalanish mavzusiga P.G’ulomov (1985, 1990) bir necha marta murojaat qilgan. Uning yozishicha: “tabiatdan oqilona foydalanish bir-birlari bilan uzviy bog’lanib ketgan uch masalani o’z ichiga oladi: bular tabiatdan oqilona foydalanish ya’ni tabiiy sharoit va resurslardan to’g’ri foydalanish, atrof-muhitni muhofaza qilish hamda tabiatni o’zgartirishdan iboratdir”. Muallif O’zbekistonda tabiatdan foydalanishning geografik asoslari, ya’ni, sanoat va qishloq xo’jaligi ishlab chiqarishi bilan bog’liq bo’lgan tabiiy geografik va antropogen jarayonlar to’g’risida mulohaza yuritadi, ularni kelib chiqish sabablari, omillari, shakllanishi hamda boshqaruv masalalari yoritib beradi. 1990 yilda muallifning ikkinchi o’quv qo’lllanmasi nashr etildi. Buni birinchi kitobning mantiqiy davomi deb hisoblasa bo’ladi. Unda inson va jamiyat, tabiiy resurslar, tabiatdan foydalanish, atrof- muhitni muhofaza qilish, tabiatni muhofaza qilish bo’yicha xalqaro hamkorlik kabi masalalarni o’rganish natijalari berilgan.
T.G.Runova (1985, 1987) tabiatdan foydalanish bo’yicha Rossiyada ko’zga ko’ringan yirik mutaxassislardan biri. U o’zining bir qator maqolalarida tabiatdan foydalanishning nazariy asoslarini ishlab chiqishga harakat qilgan.
Yu.Ahmadaliev (2001)ning ta’kidlashicha, yer resurslarini o’rganishga tarixiy-geografik yondashuvni qo’llash bilan Farg’ona vodiysida yerdan foydalanishning o’tgan tarixiy davrlarda o’zgarishini tadqiq qilishga erishish mumkin. Uning yozishicha XIX asrda vodiy iqtisodiyoti negizini qishloq xo’jaligi, aniqrog’i yerdan foydalanish tashkil etgan. Ishlab chiqarishni hududiy tashkil etishda shunday yo’l tanlanganki, unda vodiyning tabiiy geografik sharoiti to’la hisobga olingan. Tog’, adir, tekislik, qayir landshaftlaridan foydalanishga alohida yondashilgan. Har bir landshaftning tabiiy sharoitidan to’la foydalanish imkoniyatini beruvchi ekin turlari aniqlangan. Mustamlakachilik davrlarida, deb davom etadi muallif, tovar xom ashyo beruvchi paxta oziq-ovqat ekinlariga nisbatan katta hududlarda yetishtirilganligi tufayli paxta yakkahokimligi siyosati o’sha paytlarda boshlanganligi, mehnatkash xalqni oziq-ovqat mahsulotlariga talabi to’la qondirilmaganligi, yerning ishdan chiqishini tezlashganligini bilib olish mumkin.
Keyingi vaqtlarda tabiatda turli tabiiy va antropogen jarayonlarning keng miqyosda rivojlanishi munosabati bilan tabiatdan foydalanish mexanizmi yanada chuqurroq va atroflicha tahlil qilina boshlandi. A.Qozoqov (1995) Namangan viloyatida tarkib topgan ekologik muammolarni o’rganib, quyidagilarni ta’kidlaydi: 50-yillarning boshlarida 1 ga sug’oriladigan maydonda 3-3,5 mlrd. atrofida mikroorganizmlar, 5-6 mln. dona chuvalchanglar yashagan bo’lsa, endilikda bu ko’rsatkich bir necha marta kamayib ketdi. CHunki yerga juda ko’plab mineral o’g’itlar va pestitsidlar solinganligi tufayli ular bu zaharli kimyoviy ashyolarga bardosh bera olmay, qirilib ketdilar.
Hozirda, tabiatdan nooqilona foydalanish natijasida viloyatda irrigatsiya eroziyasi, deflyatsiya va turli daraja tuproq sho’rlanishlari rivojlangan. Sug’oriladigan yerlarning aksariy qismi eroziyaga uchragan. Bu holda dehqonchilikni nihoyatda ustalik bilan boshqarish, har bir ekin maydonining nishabligini alohida e’tiborga olib sug’orishni tashkil qilish talab qilinadi (+ozoqov, 1995).
“Ekologik holatidan kelib chiqqan holda tabiiy tizimni takomillashtirish va boshqarish alohida o’rin tutadi. CHunki hozirgi sharoitda iqtisodiy mas’uliyatsizlik, tabiatga, atrof-muhitga katta zarar yetkazadi, ekologik resurslarni talon-taroj qilishga olib keladi. Bunday holatlarga barham berish uchun bozor munosabatlari sharoitida tabiatdan foydalanishni tartibga solish g’oyat muhimdir” (Abdulllaev, 2001).
Farg’ona vodiysining landshaft-ekologik muammolari va ularni yechimi ayni paytda dolzarb, ular tabiatdan to’g’ri foydalanish tamoyillarini buzilishi bilan bog’liq. K.Boymirzaev, A.Nazarov (2000) vodiy tabiiy boyliklarini xo’jalik muomalasiga kiritishda mavjud tabiiy mintaqalanishni hisobga olishni taklif qilgan holda, ularning mahalliy va hududiy tabiiy sharoitlariga alohida ahamiyat berishni uqtiradilar. Tarkib topgan landshaft-ekologik muammolar vodiyda landshaft- balandlik mintaqalanishi xususiyatlarini e’tiborga olmaslik tufayli shakllangan. Tabiatdan foydalanishning nazariy va metodologik masalalari A.Rafiqov (2000, 2002), P./ulomov, S.Abdullaev (2000), A.Rafiqov, A.Nazarov (2002) va boshqalar tomonidan ilgari surilgan. Ilmiy tadqiqotlar natijasida O’zbekiston hududi, ba’zan Farg’ona vodiysi misolida tabiiy boyliklarni xo’jalik muomalasiga kiritish, mavjud resurslardan foydalanish uslubini takomillashtirish, ularning iqtisodiy samaradorligini muttasil oshirib borish, isrofgarchilikka va resurslardan foydalanish chog’ida antropogen jarayonlarning tarkib topishiga yo’l qo’ymaslik, bu murakkab ishlab chiqarish jarayonida tabiat muhofazasi, qayta tiklash va o’zgartirish yumushlarini majmuali tarzda bir vaqtda amalga oshirish atroflicha asoslangan.
1.3.Namangan viloyati tabiiy resurslari salohiyati va ulardan oqilona foydalanish masalalari
Hozirgi davrda tabiatga inson ta’siri oqibatlarini o’rganish va bular qanday natijalarga olib kelishini oldindan bilish uchun tabiiy geografik tizimlarda inson
xo’jalik faoliyati bevosita vujudga keltirgan o’zgarishlar bilan birga komponentlarning o’zaro munosabatlarida ro’y bergan o’zgarish-larni tadqiq qilish katta ilmiy-amaliy ahamiyatga egadir.
Namangan viloyati geomorfologik tuzilishiga ko’ra tekislik, adir, adirorti tekisliklari, tog’oldi etaklari va tog’li hududlardan iborat. Relbef tuzilishiga ko’ra xilma-xillik viloyatning tabiiy resurslari salohiyati, ulardan foydalanish ahvoli hamda muhofaza qilish masalalarida ham turlicha holatlarni keltirib chiqaradi. Viloyatning +urama va CHotqol tog’ tizmalarining janubi va janubi-g’arbida joylashgan katta qismi ham hozirgi kunda sug’oriladigan hududlarga aylanib bormoqda. Yangi yerlarni o’zlashtirish va sug’orib dehqonchilik qilish uchun 70- yillardan boshlab 16 dan ortiq suv omborlari va selxonalar, 100 dan ortiq nasos stantsiyalari, Katta Namangan, CHust kanallari ishga tushirildi. Natijada sug’oriladigan yerlar maydoni ortib tog’oldi zonalarigacha yetib bordi. O’tgan davr (1970-2000 yillar) mobay-nida 100 ming gektardan ortiq yerlar o’zlashtirildi. 90- yillardan boshlab SHimoliy Farg’ona adirlari va ular orasida joylash-gan tekisliklarda yer osti suvlari sathining ko’tarilib borayot-ganligi aniqlandi. Buning oqibatida viloyatning bog’dorchilik, uzumchilik, meva va sabzavotchilikka ixtisoslashgan bir qator xo’jaliklarida hosildorlik kamayib, tuproq unumdorligi pasayib bormoqda. Bu esa yerlarga qo’shimcha meliorativ chora-tadbirlarni o’z vaqtida qo’llashni taqozo etadi. Namangan viloyatining joylashgan o’rni, relbef xususiyati va boshqa tabiiy omillari bahorda sodir bo’ladigan jala va sel hodisalarining intensiv rivojlanishiga ta’sir etadi. Har yili kuzatiladigan sel va toshqinlar viloyat qishloq xo’jaligi hamda aholisiga katta zarar yetkazmoqda. Bunday tabiiy ofatlarni oldini olish uchun sel o’zanlari yo’lini ochib qo’yish, mavjud selxonalarni ta’mirlash kabi tadbirlarni qo’llash zarur. Sirdaryo sohilida joylashgan (Mingbuloq va Pop tumanining ayrim xo’jaliklari) hududlarida deflyatsiya katta iqtisodiy zarar keltirmoqda. Ayniqsa, bahor faslida esadigan va tezligi sekundiga 20-30 m ga yetadigan shamollar ta’sirida qishloq xo’jalik ekinlarini, ariq-zovurlarni va yo’llarni qum bosishi kuzatilmoqda.
Bizningcha, Namangan viloyati tabiati va uning resurslaridan foydalanish davomida sodir bo’layotgan bunday noxush ekologik muammolar viloyatning tabiiy resurslari salohiyatidan foydalanishni rejali amalga oshirilmayotganligi natijasidir. Sanoat, qishloq xo’jaligi va umuman inson xo’jalik faoliyatining tabiatga tazyiqi oshib borishi “tabiat-xo’jalik-jamiyat” tizimida ma’lum nomutanosiblikni vujudga keltirmoqda. Bu nomutanosibliklar nafaqat tabiatga, balki ijtimoiy-iqtisodiy muhitga, aholi salomatligiga ham salbiy ta’sir qiladi.
Namangan viloyati iqlimi uning geografik o’rni va u bilan bog’liq holda quyosh radiatsiyasi, atmosfera tsirkulyatsiyasi, relbefi, yer yuzasining hamda o’simliklarning holati, iqlimga inson xo’jalik faoliyatining ma’lum sharoitdagi ta’siri natijasida vujudga kelgan. Viloyat iqlimini hosil qiluvchi omillar ichida eng muhimlaridan biri uning geografik o’rni va u bilan bog’liq quyosh radiatsiyasidir. Quyosh radiatsiyasi barcha tabiiy jarayonlarning energetik negizi hisoblanadi. U o’z navbatida joyning geografik kengligi, havoning ochiqligi va quyosh nur sochib turadigan davriga bog’liqdir.
Viloyat iqlimining o’ziga xos xususiyatlarining shakllanishida shimoldan keladigan Arktika havo oqimi va janubdan harakatlanuvchi tropik havo oqimlari ishtirok etadi. Bu havo oqimlarini ko’pincha baland tog’ tizmalari to’sib qolsada, lekin baland havo oqimlari Namangan viloyati hududiga bemalol kirib keladi hamda asosiy yog’inlarni hosil qiladi. Ayniqsa, kuz va qishda Arktika havo massalarining kirib kelishi havo haroratini keskin pasayib ketishiga Atlantika okeani nam havo massalari esa yog’ingarchilikni ortib borishiga ta’sir ko’rsatadi. Yozda mo’’tadil va tropik havo oqimlari viloyat iqlimining quruq va issiq bo’lishini ta’minlaydi.
Qishloq xo’jaligi sohalari ixtisoslashuvi va rivojlanishida relbef, iqlim, tuproq, suv va tabiiy yaylov resurslari muhim o’rin tutadi. Mavjud agroiqlimiy xususiyatlar va ijtimoiy-iqtisodiy omillar Namangan viloyatida paxta-sanoat majmuasini (paxtani yetishtirish, tayyorlash, qayta ishlash bosqichlarini o’z ichiga oladi), bog’dorchilik, uzumchilik, sabzavot-polizchilik, kartoshkachilik (relbef,
tuproq va iqlimiy xususiyatlar), chorvachilikning (paxta-beda almashlab ekish va tabiiy yaylovlar asosida) rivojlanishiga olib keladi.
Bugungi kunda viloyatning ochiq suv havzalariga qishloq xo’jalik, sanoat, transport va maishiy xizmat sohalaridan toza-lanmagan oqava suvlarning tushishi natijasida oqar suv manba-lari turli darajada ifloslanmoqda. Ochiq suv havzalariga tushayotgan oqava suvlarning ham ifloslanish darajasi bo’yicha ikki guruhga bo’lish mumkin: 1) mineral moddalar bilan iflos-langan oqava suvlar. Ular tarkibi tuzlar, kislotalar, ishqorlar, loy, qum va boshqa mineral moddalar bilan to’yingan bo’ladi. Bu moddalar sanoat oqava suvlarida 40%ni tashkil etadi; 2) organik moddalar bilan ifloslangan suvlar, ularning tarkibida hayvon va o’simlik yog’lari, sabzavotlarning qoldiqlari, teri va qog’oz tsellyuloza sanoati chiqindilari, go’sht- sut ishlab chiqarish korxonalari va konserva, konditer sanoati chiqindilari mavjud bo’ladi va ular suv havzalarini organik jihatdan ifloslaydi.
SHuningdek, viloyatning sug’oriladigan yerlari eroziya tufali ham zararlanadi. CHunki, viloyatning relbf xususiyati va joylashgan o’rni eroziyani keltirib chiqaruvchi omillarning rivojlanishiga olib keladi. F.Hikmatov va boshqalar (1999) tomonidan tasniflangan eroziyaning barcha turlari viloyat hududida ham keng tarqalgan. Jumladan, tog’ va tog’oldi hududlarida suv eroziyasining rivojlanganligini ko’rishimiz mumkin. Bunday jarayonlarni rivojlanishini keltirib chiqaruvchi asosiy omillarga: yog’inning ko’p yog’ishi, nishablikning kattaligi, vaqtincha oqar suvlarning mavjudligi, tuproqning chirindiga kambag’alligi, tuproq xossalarining yomonligi, yer yuzasining o’simliklar bilan kam qoplanganligi, ko’p yerlarning sug’orish ta’siriga tortilganligi, sug’orishning agrotexnika qoidalariga rioya qilinmasligi, yaylov, o’tloq va pichanzorlardan oqilona foydalanmaslik, almashlab ekishni to’g’ri tashkil etmaslik, oqava suvlarni noto’g’ri tashlash kabilar sabab bo’ladi. Yaylovlarda chorva hayvonlari noto’g’ri boqilishi oqibatida ularda o’simlik turlarining yo’qolib, tuproq yuzasi ochilib qolishi natijasida atmosfera yog’inlari, xususan, sel va jala hodisalari ta’sirida tuproqning yuvilishiga olib kelmoqda. O’simliklar
qoplami ham sel hodisalarini hosil bo’lishida asosiy omil hisoblanadi. Tog’ va tog’ oldi hududlarida o’simlik qoplamining ko’p bo’lishi yomg’ir suvini tuproqqa singishini kuchaytiradi, natijada sel va toshqinlar havfi kamayadi. O’sim-liklarning kamligi, qorning tez erishiga, yomg’ir suvlarining yerga singimasdan oqim hosil qilishiga yordam beradi, bu esa sel va toshqinlar havfini kuchaytiradi.
Ilmiy izlanishlar natijasiga ko’ra, bunday tabiiy jarayon-larning oldini olish uchun yonbag’irlarda daraxt ekish, o’tzorlar holatini yaxshilash, qadimgi sel o’zanlari va vodiylarini yo’l-larini ochib qo’yish, mavjud selxonalarni o’z vaqtida ta’mirlash va boshqa gidrologik tadbirlarni qo’llash zarur. Viloyatning adir mintaqasini intensiv o’zlashtirilishi va sug’orishning agrotexnika qoidalariga rioya qilmaslik oqibatida irrigatsiya eroziyasi rivojlangan. Bunga Kosonsoy, To’raqo’rg’on, CHust, Pop, CHortoq, Yangiqo’rg’on va Uchqo’rg’on tumanlarining dehqonchilik qilinayotgan adirlarida eroziya ta’sirida tuproqning ustki mayin jinsli qatlami yuvilib ketib, shag’alli qatlam ochilib, bu yerlar dehqonchilikka mutloqo yaroqsiz bo’lib qolmoqda.
II-BOB: VILOYATDA O’SIMLIKLARNING GEOGRAFIK TARQALISHINI GEOEKOLOGIK XUSUSIYATLARI
2.1. Namangan viloyati o’simliklarini o’rganilish tarixi va tadqiqot metodlari
O'zbekiston florasi yoki o'simliklar qoplamiga bag'ishlangan qator tadqiqotlar orasida o’simliklarga bag'ishlangan ilmiy izlanishlar juda ko’p uchraydi. Ular to'g'risidagi ma'lumotlarni Farg'ona vodiysi bo'ylab olib borilgan botanik tadqiqotlar orqali topish mumkin. Shuning uchun Farg'ona vodiysida xususan, Namangan viloyatida olib borilgan ayrim tadqiqotlarga to'htalmaiz. Bu erda turli yillarda qator olimlar tomonida ilmiy izlanishlar olib borilgan. Eng dastlabki izlanishlar 19 asrning oxirlaridan boshlangan. 1868 yilning o'rtalaridan B.A. Fedchenkoning turmush o'rtog'i O.A. Fedchenko Xo'jand uezdida floristik izlanishlar olib boradi. O.A. Fedchenko tomonidan yig'ilgan botanik ma'lumotlar
hajmi juda keng bo'lib, Farg'ona vodiysi tarkibida Namangan to'g'risida katta ma'lumotlar beradi. Ularning to'liq kollektsiyasi Sankt - Peterburgdagi Rossiya FA Botanika institutda gerbariysida saqlanmoqda. 1890 yilda V.I. Lipskiy o'zining ekspeditsiyalari Qo'qon-Pop atroflaridagi o'simliklari qoplamini o'rganadi va o'sha davr o'simliklar qoplami borasidagi qimmatli ma'lumotlarni qoldiradi. 1908 yilda dehqonchilik departamentining Ko'chma boshqarmasi tomonidan uyushtirilgan botanik - geografik tekshiruvlari O'rta Osiyodan boshlanadi. Bu ishga B.A. Fedchenko raxbarlik qiladi. Bu ekspeditsiya tarkibida Farg'ona vodiysi bo'yicha Z.A. Minkvits, O.E. Knorring, N.A. Desyatova, N.N. Titurinlar ish olib borishadi. Shu ekspeditsiya davomida hozirgi Pop tumani hududida ham dala tadqiqotlari olib borilgan. Jumladan o'simliklardan yig'ilgan gerbariy namunalari hozirgacha Toshkent, Moskva, Sankt-Peterburg shaharlaridagi gerbariylarda saqlanmoqda.
1920 yilda O'rta Osiyo universiteti tashkil etilishi munosabati bilan vodiysidagi botanik tadqiqotlar ham ancha kuchayadi. Universitetga taniqli botaniklar P.A. Baranov, E.P. Korovin, V.P. Drobov, I.A. Raykova, A.I. Vvedenskiy, M.M. Sovetkinalar tashrif buyurishadi. Bu universitetning tashkil etilishi Farg'ona vodiysi florasi va o'simliklar qoplamini o'rganishda muxim ahamiyatga ega bo'ldi. Unda Botanika kafedrasi tashkil etilib, unda bir qator yirik botanik olimlar ham pedagogik, ham ilmiy faoliyat olib borishadi. Ular bilan birga 1932-1933 yillar tashrif buyurishgan Leningradlik botaniklar P.N. Ovchinnikov, F.A. Zapryagaev, V.I. Zapryagaeva, Yu.S. Grigor'ev, A.S. Koroleva, K.S. Afanas'ev, V.N. Nikitinlar ham Farg'ona vodiysi florasini o'rganish va tahlil qilishda katta ishlar olib borishadi.
1956 yilda Toshkent Botanika institutining xodimasi O.N. Bondarenko Namangan viloyati o'simliklar qoplami mavzusidagi dissertatsiya ishini himoya qiladi. Aynan uning ishida birinchi bor viloyatning eng katta qismini egallagan Pop tumaning o'simliklar qoplami, uning tarkibi va tuzilishi borasidagi qimmatli ma'lumotlar keltiriladi. Jumladan, Namangan viloyatining tekislik qismidagi
o'simlik jamoalari haqida ma'lumlotlar keltirilib, ulardagi ma'lumotlarga qaraganda tekislik qismidagi o'simliklar jamoalari hozirga nisbatan ancha katta maydonlarni egallaganligini ko'rishimiz mumkin.
O'sha davrdagi yirik olimlardan ta'lim olgan mahalliy botanik olimlarning xizmatlari Farg'ona vodiysining o'simliklarini o'rganishga katta xissa qo'shadi 1967 yil M.M. Arifxonova Farg'ona vodiysi o'simliklari qoplamini o'rganishga bag'ishlangan tadqiqotlariga yakun yasab, "Rastitelnost Ferganskoy dolini" nomli monografiyasini chop etadi. Bu asarda bu hududda mavjud bo'lgan barcha o'simlik tiplari to'g'risida ba'tafsil ma'lumotlar berilgan. Bizning tadqiqotimiz obyekti bo'lgan to'qay o'simliklari borasidagi ilk to'laqonli ma'lumotlar ham aynan M.M. Arifxanovaning izlanishlarining natijasi hisoblanadi.
So'nggi yillar davomida Farg'ona vodiysining o'simliklar qoplamini o'rganish K.Sh. Tojibaev (2002, 2010), T. Maxkamov (2009), F. Karimov (2010) kabi olimlarning nomlari bilan bog'liq bo'lib kelmoqda. Xususan, K.SH. Tojibaev 1999-2002 yilar davomida Pop tumani hududidagi Chodaksoy havzasining o'simliklar qoplamini tadqiq qilgan va 50 yildan ortiq vaqt davomidagi antropogen ta'sirlar ostida ro'y bergan o'zgarishlarni tahlilini keltirgan. Uning 2010 yilda yakunlangan tadqiqotlari G'arbiy Tiyonshon tog'larining florasiga bag'ishlangan bo'lib, Farg'ona vodiysining shimoliy qismi bu tadqiqotlarda o'z aksini topgan. Bu izlanishlar davomida fan uchun yangi bo'lgan bitta turkum va oltita tur topilgan.
T. Maxkamov Farg'ona vodiysining ruderal o'simliklarining tur tarkibi va o'simliklar qoplamidagi o'rnini o'rgangan. Xozirgi kunda F.I. Karimov Farg'ona vodiysi florasidagi Piyozdoshlar, Loladoshlar kabi turlarning tarkibi va o'simliklar qoplamidagi o'rnini aniqlash borasida izlanishlar olib bormoqda. F.I. Karimov tomonidan olib borilayotgan tadqiqotlar hali o'z nihoyasiga yetgani yo'q. Shuni alohida e'tibor bilan aytish lozimki, Karimov F.I. Namangan davlat universtiteti Biologiya fakul'tetining bitiruvchisi hisoblanadi. Hozirda O'zR FA O'simliklar va hayvonot olami genofondi instituti qoshidagi Markaziy gerbariy laboratoriyasining ilmiy xodimi sifatida ilmiy faoliyat olib bormoqda. Uning izlanshlarini mavzusi
Farg'ona vodiysi florasida mavjud bo'lgan bir urug'pallali geofitlarning tarkibini aniqlash va zamonaviy konspektini tuzishga bag'ishlangan va uning izlanishlarida Namangan viloyati Pop tumani hududi katta ahamiyatga ega bo'lib kelmoqda. Farg'ona vodiysi florasining geofitlarini konspekti muallifning dala tadqiqotlari va adabiyot ma'lumotlari, gerbariy namunalarini o'rganish asosida tuzilgan. To'plangan ma'lumotlarni umumlashtirish bu hudud florasida 12 oila, 28 turkumga mansub bo'lgan 200 turdagi bir urug'pallali geofitlarning mavjudligini aniqlangan. Konspektda har bir tur uchun birlamchi ma'lumot manbaiga ko'rsatma "Flora Uzbekistana", "Flora Kirgizii", "Flora Tadjikistana", "Opredelitel rasteniy Sredney Azii", "Rod Allium L. vo flore Sredney Azii" [Xasanov, 2008] asosiy manbalar sifatida qabul qilingan. Konspektda geofit o'simlik turlarining oilalari A.L. Taxtadjyan (1995) tizimi asosida joylashtirilgan. Oila ichida turkumlar va turlar esa alfavit tartibida joylashtirilgan.
Farg'ona vodiysi hududi yovvoyi piyozlarga mansub bo'lgan gerbariy namunalarining yig'ilgan nuqtalari (o'tgan 100 yil davomidagi ma'lumotlar asosida tayyorlangan). Nuqtalar 2000 dan ortiq bo'lib, 87 turga tegishli. Xaritada tabiiy populyatsiyalarning saqlanib qolinishini uch hil darajasi keltirilgan: Qizil maydonlar - tabiiy populyatsiyalar yo'q bo'lib ketgan; ko'k maydonlar - yo'qolib ketish havfi ostida; yashil maydonlar - tabiiy populyatsiyalar saqlanib qolgan. Farg'ona vodiysi geofitlarining konspektida oila, turkum va turlarning lotincha nomlari S.K. Cherepanov bo'yicha keltirilgan. Shuningdek, Alliaceae uchun yetakchi monograflarning ilmiy asarlaridan foydalanildi. Konspektda har bir turning ekologiyasi, tarqalgan balandlik mintaqasi, florotsenotipi hamda botanik- geografik okrugi, rayoni keltirild i.
AABH larni ajratish va ularda botanik tadqiqotlarni olib borishning umum qabul qilingan metodlari Farg'ona vodiysida olib borilgan tadqiqotlar uchun ham manba sifatida qabul qilingan. Farg'ona vodiysida ham shu holat asos sifatida qabul qilingan. Bu ro'yxat tarkibiga kirishi mumkn bo'lgan o'simlik turlarini tanlashda avvalo O'zbekiston Respublikasi Qizil kitobiga (2009) kiritilgan va
Farg'ona vodiysida tarqalgan turlar tanlangan. Shuningdek, O'zbekiston florasining endemlari, Farg'ona vodiysi endemlari yoki Farg'ona vodiysi florasi uchun kamyob hisoblangan turlar ham hisobga olingan.
2.2. Namangan viloyatida o’simliklarining geografik tarqalishi xususiyatlari
Viloyat hududining relbef tuzilishi, iqlim va tuproq qatlamlarining o’ziga xos xususiyatlari tabiiy o’simliklarning tarqalishiga kuchli ta’sir ko’rsatadi. CHo’l o’simliklaridan (tekislik) to alpb o’tloqlariga (yuksak tog’lar - betagalik) qadar —tik” yo’nalishda tarqalgan o’simlik olami Namangan viloyati uchun ham xosdir. CHo’l o’simliklari Markaziy Farg’ona qismida tarqalgan. Tuproq-gruntning harakteriga ko’ra to’qay o’simliklari qamish, qo’g’a, tol, jingul kabilar sizot suvlari yer yuziga chiqib yotgan yerlarning o’simliklaridir. Galofitlar sho’rxok va sho’rlangan yerlarda keng tarqalgan bo’lib, ajriq, sho’ralarning turli vakillari, salsola (artemizi) kabilar keng tarqalgan. Psamofitlar - qum sezuvchilar: cherkez, qandim, turnag’i, saksovul kabilar bilan band.
Namangan viloyati hududi kuchli sur’atlar bilan o’zlashtirilgan va paxta, sholi, beda, makkajo’xori kabilar asosiy madaniy ekinlar sifatida ekiladi. Ular oralab begona o’tlar - kurmak, qamish, qo’g’a, ituzum, burgan, ajriq ariq bo’ylarida yalpiz o’sib yotadi. Adirlarning katta qismi o’zlashtirilganligi oqibatida ayrim o’simliklar yo’q qilib yuborilgan. O’zlashtirish qiyin bo’lgan joylarda shuvoq, sho’ra va efimer o’simliklar o’sib yotadi. Relbefning ko’tarilishi bilan sho’ra-boshoqlilar katta maydonlarni egallaydi. Bu o’simliklar qish va bahorda yog’inning ko’p bo’lishi hisobiga o’sadi. Ayniqsa, bahordagi yog’inlar efimerlarning qalin va ko’p o’sishiga olib keladi. Yoz boshlanishi bilan yog’ingarchilik to’xtaydi, havo harorati ko’tariladi, tuproq namsizlanadi, shag’al qizib ketadi va efimerlar gullab, mevalab, o’z hayotini tugatadi. Ko’p yillik shuvoq va sho’ralar esa to kech kuzgacha o’sib yotadi. Adirlarning yuqori qismlarida shuvoq-boshoqli va efimer o’simliklar o’sadi. Bu joylarda sho’ralar o’smaydi yoki juda kam, landshaftning asosini boshoqlilar tashkil etadi.
Tog’oldi va yuksak tog’lar (Betagalik) o’simlik olamiga nisbatan boyligi bilan ajralib turadi. Tog’oldi hududlari asosan bahor va kuz oylarida, yuksak tog’ massivlari esa (Betagalik, O’rtali va boshq.) yozgi yaylovlar sifatida foydalaniladi. Namangan viloyatida o’simliklarning balandlik mintaqalari bo’yicha tarqalishi K.Zokirov va P.Zokirovning ishlarida yoritib berilgan. Jumladan, viloyatning markaziy tekislik va adir oldi tekisliklarining quyi qismlarida yer osti suvlari sathi yaqin bo’lganligi uchun bu yerda to’qay, galofit va gipsofit o’simliklar tarqalgan. To’qayda qamish, qo’g’a, tol, jingil kabi o’simliklar o’sadi. Viloyatning qumli sho’rxok massivlarida esa galofit o’simliklar va psammofil butalar keng tarqalgan bo’lib, ularga oq saksovul, qora saksovul, qum akatsiyasi, qorabosh, qamish, yantoq-ajriq, yantoq-sho’ra formatsiyalari kiradi. Bu hudud o’zlashtiril-gan bo’lib, sholi, beda, makkajo’xori va g’o’za kabi madaniy ekinlar yetishtiriladi, ular orasida begona o’t sifatida kurmak, qamish, qo’g’a, ituzum, burgan, ajriq va ariq bo’ylarida yalpiz uchraydi.
Viloyatning o’simliklar dunyosini o’rganish jarayonida adirlarning kuchli o’zlashtirilishi hisobiga joylarda tabiiy o’simliklar yo’q qilib yuborilgan. O’zlashtirish qiyin bo’lgan joylarda esa sho’ra, shuvoq va efemer o’simliklar o’sadi. Relyef balandligi oshishi bilan ularning o’rnini sho’ra-boshoqlilar egallaydi. Bu o’simliklar qish va bahorning yog’inlari hisobiga yashaydi. Ayniqsa, bahordagi yog’inlar efemerlarning zich va ko’p o’sishiga olib keladi. Yozda esa yog’ingarchilikning to’xtashi hisobiga efemer o’simliklarning vegetatsiya davri tugaydi. Adirlarning shag’al-toshli yonbag’irlarda o’simliklar bilan qoplanganlik darajasi 30-44% ni tashkil etadi. Tog’larga ko’tarilgan sari shuvoq kamayib, o’rniga boshoqli o’simliklar paydo bo’ladi. CHunonchi, tipik boshoqlilar Ho’jaota daryosi vodiysidagi Aflotun qishlog’i atrofida ko’p uchraydi. Tog’li hududlar o’rmon o’simliklaridan iborat bo’lib CHodaksoy, G'ovasoy, Kosonsoylarning yuqori qism-larida archazorlar hosil bo’lgan, ammo archazorlar juda siyrak, 1 ga yerda 250-300 tupni tashkil etadi. Archazorlar 3000 metrgacha bo’lgan balandliklarda ham tarqalgan (Rastitelbno’y pokrov Uzbekistana i puti yego
ratsionalbnogo ispolbzovaniya, 1976, 1984).
Tog’, adir, adiroldi zonalaridan oqib tushadigan daryolarning cho’kindi yotqiziqlari to’planadigan yoyilmalarida hamda quyi adiroldi tekisliklarida kserofil va gipsofil turlarga mansub o’simliklar qoplami shakllangan. Bu turlarni burgan, oqshuvoq, oqboyalag’ich formatsiyalari tashkil qiladi. Adir va tog’oldi hududlarida subarid turiga mansub o’simliklar guruhlari tarqalgan bo’lib, ular ikki turdan quruq cho’l o’simliklari va kserofil butalardan iborat. Bu turlar bug’doyik, tog’ arpa, ajriq, ko’kat, bodom, pista formatsiyalarini tashkil etadi.
Farg’ona vodiysi, jumladan Namangan viloyatining hozirgi o’simlik qoplami kishilarning ko’p asrlik xo’jalik faoliyati ta’sirida o’zining dastlabki holatini yo’qotgan. Viloyatning tog’oldi prolyuvial tekislik va adir gryadalarining chala cho’l o’simliklari, Sirdaryo, Norin va +oradaryo qayirlaridagi to’qay-zorlar tamomila degadratsiyalashgan. Bir necha ming yillar davo-mida barpo etilgan voha landshaftlarida va yangi o’zlashtirilgan antropogen landshaftlarda madaniy o’simliklar tarkib topgan.
Viloyat hududi mevali bog’larga va terakzorlarga ham boy. Viloyatda mevali o’simlik navlarining ko’p bo’lishiga sabab, birinchidan viloyat hududining tog’ tizmalari yoki yonbag’irlarida juda katta maydonlarda mevali daraxtlarining keng tarqalishi bo’lsa, ikkinchidan bu yerga xorijiy mamlakatlardan ko’plab navlarni olib kelib mahalliy iqlim sharoitiga moslashtiril-ganligidir. Masalan, Xitoydan shaftoli va nashvatilarning bir nechta navlari, Old Osiyo va O’rta dengiz mamlakatlaridan anor, anjir, behi, gilos, olcha, xurmo va boshqa turli o’simliklar keltirilgan. Bu madaniy o’simliklar viloyatdagi voha landshaft-larining o’ziga xos agrofitotsenozlarini tashkil etadi.
Atrof-muhit musaffoligini tabminlashda o’rmonlarning ahamiyati katta, shunga ko’ra viloyatda o’rmon xo’jaliklarini yaratishga jiddiy e’tibor berilmoqda.. Jumladan, Namangan o’rmon xo’jaligining umumiy maydoni 2222,1 ga ni tashkil etib, shundan 1000 ga qumlik, 454,7 ga madaniy o’rmonzor, 40 ga mevali va manzarali ko’chatzor, 124,5 ga mevali bog’lar, 208 ga da terakzorlar barpo etilgan.
Ibn Sino nomli shifobaxsh o’tlarga ixtisoslashgan o’rmon xo’jaligining umumiy yer maydoni 118881 ga ni tashkil etib, shundan 22 ga ekiladigan, 84000 ga yaylov, o’rmon bilan qoplangan maydon 15346 ga, ko’chatxona 2 ga, boshqa yerlar 19450 ga, tutashmagan o’rmonlar 61 ga, 359 ga madaniy o’rmonzorlardan iborat. Daryo bo’ylarida 1,5 ming ga maydonda to’qayzorlar, tog’li hududlarda 3,5 ming ga maydonda archazorlar mavjud. Sirdaryoning sohil mintaqalarida ham to’qayzorlar tashkil etilgan bo’lib, qirg’oqni eroziyadan saqlaydi. Tashkil etilayotgan o’rmonlar maydoni yildan-yilga ortib bormoqda. Masalan, 1995 yilga nisbatan 2012 yilda o’rmonzorlar maydoni 36% ga kengaygan. Bunday o’rmonlar qumloq daryo bo’ylari, tog’oldi tekisliklarida joylashgan.
CHo’l hududlari va ulardagi qum ko’chishlarining oldini olish maqsadida ekilgan saksovulzor va yulg’unzorlar keyingi yillarda yerlarni o’zlashtirish va fuqarolarga qo’shimcha tomorqalar ajratilishi natijasida nobud bo’lishi bilan birga, shu hududdagi hayvon va parrandalarning ham yo’qolib borishiga sabab bo’lmoqda. — Davlat qo’riqxonalari va davlat milliy tabiat bog’lari, davlat buyurtmalari va davlat tabiat yodgorliklarining alohida muhofazasini ta’minlash zarur” (O’zbekiston Respublikasi —Alohida muhofaza etiladigan tabiiy hududlar to’g’risida”gi +onuni, VI bo’lim). 1991 yil viloyat ijroiya qo’mitas ining qaroriga asosan cho’llarni saqlab qolish maqsadida, Mingbuloq tuman hududida, 1000 ga maydonni tabiiy yodgorlik sifatida saqlash va undagi o’simlik dunyosini muhofaza qilish uchun o’rmon xo’jaligiga ajratib berildi. Buning natijasida cho’l hayvonlari va parran-dalarining soni ko’paymoqda. Sirdaryoning qirg’oq mintaqa-laridagi 1,5 ming ga yerdagi to’qayzorlar turang’il, yovvoyi jiyda, terak daraxtlari bilan qoplangan bo’lib, asosan himoya zonasi hisoblanadi. SHu bilan birga o’sha yerdagi turli hayvon va qushlarning ko’payishi uchun xizmat qiladi.
Viloyatdagi Ibn Sino nomidagi dorivor o’simliklar yetishtirishga ixtisoslashgan davlat xo’jaligi SHimoliy Farg’onaning shifobaxsh o’tlari ko’p tarqalgan tog’oldi hududida tashkil etilgan. Hozirgi kunda bu o’rmon xo’jaligida shifobaxsh giyohlar inson xo’jalik faoliyati ta’sirida madaniylashtirilib ko’paytiril-
moqda. Mazkur xo’jalikda 21 xil dorivor o’simliklar asosiy o’simlik sifatida parvarish qilinmoqda. O’zbekiston Respubli-kasi Vazirlar Mahkamasining 1995 yil 27 iyuldagi 293-sonli qarorida manzarali daraxt va yovvoyi o’simliklarni nobud qilgan tashkilot, jamoa xo’jaligi va fuqarolarga katta miqdorda jarima solish, manzarali, mevali hamda dorivor o’simliklarga boy bo’lgan hududlarni saqlash kabilar ko’zda tutilgan bo’lib viloyatdagi ekologik muammolarni yechimiga yordam bermoqda. 1997 yil 27 dekabrda qobul qilingan O’zbekiston Respublikasining “O’sim-liklarni muhofaza qilish xaqida qonuni”da ham nodir endemik, relikt va dorivor o’simliklarni muhofaza qilish va ko’paytirish muhim ilmiy hamda amaliy ahamiyatga ega ekanligi bejiz ko’r-satib o’tilmagan. CHunki, ulardan faqat oqilona foydalanganda hamda ularning tiklanish sharti ta’minlangandagina o’simliklar jamiyat talabini qondiradi.
2.3. Viloyat o’simliklari qoplamining asosiy xususiyatlari Namangan viloyati hududini yer sirti xususiyatlari va xo'jalik jihatdan foydalanish imkoniyatlariga qarab bir necha mintaqalarga bo'linadi .
1.Tekislik mintaqasi vodiyning markazidan adir mintaqasigacha bo'lgan hududni ishg'ol qiladi. Birinchisi, vodiyning markaziy botiq qismi bo'lib, Qoraqalpoq va Yozyovon qumloq cho'llaridan iborat. Bu maydonlarda dengiz yotqiziqlari ustida akkumulyativ jinslar, keyingi davrlarning cho'l yotqiziqlari, shamol olib kelgan jinslar keng tarqalgan bo'lib, sho'rxoklar, ko'llarning o'rni va qum tepaliklari uchraydi.Tekislik mintaqasining ikkinchi qismi daryo hamda soylarning keng yoyilmalaridan iborat bo'lib, Mingbuloq va Pop tumanining xo'jalik jihatdan yaxshi o'zlashtirilgan qismidir. Mintaqaning bu qismi unumdor allyuvial yotqiziqlar bilan to'lgan bo'lib 4% gacha chirindili turli xil bo'z tuproqlardan tashkil topgan.
2. Adir mintaqasi (600-1200 metr balandlikda) viloyatda turlicha bo'lib, undan foydalanishda ham hududiy farqlar bor. Adirlar sirti shudgor va dehqonchilik qilish uchun qulay va noqulayliklar mavjud.
3. Tog'li mintaqa 1100-1200 metrdan boshlab balandlashib, tog' oldi va tog'li tumanlarga o'tib boradi. Mintaqada daryo va soylarning vodiylarida dehqonchilik uchun yaroqli maydonlar uchraydi.
Namangan viloyati adirlarning hammasi deyarli to'rtlamchi davr allyuvial yotqiziqlaridan hosil bo'lganligi uchun ham ularning toshlari silliqlangan oqiziq toshlardan va qum tuproqlardan tashkil topgan. Tog'lardagi 3500 m dan yuqori bo'lgan qor va muzliklar vodiyning asosiy suv manbaini tashkil qiladi.
Namangan viloyati hududida yer osti suvlariga ham boy, uning sathi kuzda (oktyabr-noyabr) ko'tarilib, yozda (may-iyun) pasayadi. Tekislik qismida yer osti suvi 1,5-2,0 m chuqurlikda, ba'zan yer yuziga chiqib qoladi. Vodiyda kanallar va suv omborlari ham anchagina. Katta Farg'ona, Katta Namangan kanali, Janubiy Farg'ona, Katta Andijon kanallari, Kampirobod, qayroqqum suv omborlari shular jumlasidandir.
M.M. Arifxonova (1967) Farg'ona vodiysida 2625 turga yaqin yuksak o'simliklarning uchrashini qayd etgan. R.S.Vernik, T.T.Raximova (1984) Chust- Pop adirlarida 246 ta, Chortoq adirlarida 267 ta tur o'simliklarni keltirgan. K.SH. Tojiboev (2002) Chodaksoy havzasida olib borgan geobotanik, floristik tadqiqotlari davomida 663 ta turdagi o'simliklar uchrashini qayd qilgan. Hozirgi kunda Pop tumanining katta qismi o'zlashtirilib, qishloq xo'jaligida foydalaniladi. Tabiiy holdagi cho'llar Markaziy Farg'onaning shimoliy qismi hamda Qoraqalpoq cho'llarida saqlanib qolgan. Bu mintaqaning botqoq va botqoq o'tli tuproqlarida Phragmites australis, Bolboshoenus maritimus, quruq joydagi o'tloqli sho'rhok tuproqlarda Calamagrostis pseudophragmites, Cirsium arvense, sho'rxok tuproqlarda Suaeda arcuata, S. microphylla, Zygophyllum oxianum ko'p o'sadi. Tipik sho'r yerlarda Salsola dendroides, Halocnemum strobilaceum, Artemisia maritima va boshqa sho'rga chidamli o'simliklar o'sadi. Qumli cho'llarda ko'chma qumlarga moslashgan psammofit buta o'simliklar chakalakzorlarni hosil qilgan. Adir mintaqasida yozgi haroratning yuqoriligi, nisbiy namlikning pastligi va tuproq mexanik tarkibining dag'alligi, yog'in miqdorining fasllar bo'yicha bir
xilda taqsimlanganligi va boshqa tabiiy omillar ta'sirida qurg'oqchil hususiyatli o'simliklar qoplami vujudga kelgan.R.S. Vernik va bosh. (1984). viloyat adirlari o'simliklari to'g'risida batafsil ma'lumotlar berganlar. So'g'di shuvog'i tashkil etgan formatsiya 500-800 m balandliklaridagi quyi adirlarni egallagan Celtis caucasica, Crataegus turkestanica kabi daraxtlar faqat yuqori adirlarda uchraydi. Buta va butachalardan Ephedra equisetina, Ataphaxis pyrifolia, Amyqdalis spinosissima, Cerasus erythrocarpa, Rosa canina, R.ecae, Zyqophyllium atriplicoides o'sadi. Artemisia ferganensis, A.sogdiana, Kochia prostrata, Perovskia angustifolia, P. scrophulariifolia lar ham keng tarqalgan. Bu mintaqada ko'plab bir yillik va ko'p yillik o't o'simliklar uchraydi (173 tur yoki mintaqa florasining 46,5%). Efemerlar 93 turdan iborat bo'lib, ular orasida Astragalus campylotrichus, A.commixtus, Arenaria leptoclada, Bromus danthoniae, Eremopyrum buonapartis, Lolium temulentum; efemeroidlar guruhidan Poa bulbosa, Gaqea ova, G. stipitata, Ixioliron tataricum va boshqalar ko'p uchraydi.Pop tumanining shimoliy qismida Quramaning janubi-sharqiy qismi bilan tutashgan. Bu mintaqaning 1500-1800 m balandlikdagi toshli-qirrali chaqir toshli quruq yonbag'irliklarni mezofil butazorlar tsenotipi egallagan bo'lib, har xil sistematik guruhlarga mansub turlardan Rosa fedtshenkoana, R.ecea, Spiraea hypericifolia, Lonicera nummularifolia, Cotoneaster suavis, Berbris oblonga lardan tashkil topgan.Daraxtlardan Salix alba, Populus alba tog' soylari yoqalarida keng tarqalgan. Mintaqaning archazorlari dengiz sathidan 1600-1700 m dan boshlanadi. Bu yerda qora archazorlar (Juniperus zeravschana) sof holda hukmronlik qiladi.