O’YINLAR
Epchil bolalar
O’yin tasviri. Maydoncha kalta tomonlarining har biridan 3-4 qadam nariga shu
tomonlarga parallel qilib bittadan chiziq tortiladi. Onaboshidan boshqa hamma o’yinchilar shu
chiziqlardan birining orqa tomonida saflanib turadilar. Onaboshi maydonchaning o’rtasida –
chiziqlar orasida turadi.
Rahbar “Uch, to’rt!” degandan keyin o’quvchilar bir ovozdan shunday deydilar:
Biz quvnoq bolalarmiz,
O’yin-kulgini sevamiz.
Qani o’rtoq, quvib ko’r,
Bittamizga yetib ko’r.
Oxirgi so’z aytib bo’linishi bilanoq o’quvchilar qarama-qarshi tomonga yugurib o’tadilar.
Onaboshi yugurib o’tayotganlarni qo’l tegizib to’xtatishga harakat qiladi. Onaboshi qo’l tegizgan
o’yinchilar o’sha joyda to’xtab qoladilar. O’yin rahbari bu o’yinchilarni belgilab oladi va ularga
yana o’yinda qatnashishga ruxsat beradi. Qolgan o’ynovchilar maydonchaning ensiz tomonidagi
chiziq orasida to’planadilar va u yerdan yana maydonchaning qarshi tomoniga yugurib o’tadilar.
O’yin shu tartibda davom ettirilaveradi. Onaboshi uch va undan ko’p marta to’xtatgan o’yinchilar
yutqazgan hisoblanadi.
O’yin qoidalari. 1. Yugurib o’tish paytida bir-birini tutish mumkin emas. 2. Yugurib
chiqqan o’yinchilarning orqaga qochishlari mumkin emas.
E s l a t m a. Aytiladigan bandni 2-3 marta qaytarish va yod olish kerak. Shundan
keyingina o’yinga kirishish lozim.
O’quvchilarni band so’zlarini uncha shoshilmasdan, bir tekisda aytishga o’rgatish kerak.
O’yinning o’ziga xos harakatlari. Chap berib yugurib qochish.
Dostları ilə paylaş: |