xossalar kiradi. Bir xil muhim xossalarga ega obyektlar to'plami tushuncha hajmini tashkil etadi. Masalan, «son» tushunchasi hajmini natural, nomanfiy, butun, kasr, ratsional, irratsional, haqiqiy, mavhum va kompleks sonlar tashkil etadi. Demak, tushuncha hajmi bitta tushuncha bilan nomlanishi mumkin bo'lgan obyektlar to'plami ham ekan. Tushuncha mazmuni uning hajmini aniqlaydi va aksincha. Tushunchaning hajmi qancha «katta» bo'lsa, mazmuni shuncha «kichik» va aksincha bo'ladi. Tushunchaga ta’rif berishning bir necha usuli bor. Shulardan biri oshkor ta ’rif boiib, unda, ta’riflanayotgan tushunchaga nisbatan umumiyroq tushunchani ko'rsatib, shu umumiy tushuncha bilan nomlangan obyektlardan ta’riflanayotgan tushuncha qanday xossalari bilan ajralib turishi ko'rsatiladi. Masalan, «barcha tomonlari teng parallelogramm — romb deyiladi», ta’rifida parallelogramm umumiy tushuncha bo'lib , romb qolgan parallelogrammlardan tomonlarining tengligi bilan ajralib turadi. Bunday ta’rif odatda jins va tur orqali ta ’riflash deyiladi. Jins: parallelogramm Tur: romb Tushunchaning ta'rifiga qo'yiladigan talablar Tushuncha ta’rifiga qo'yiladigan talablar quyidagilardan iborat. Tushuncha ta’rifi: 1) ta’riflanayotgan tushunchani bir qiymatli aniqlashga imkon berishi; 2) avval ma’lum bo'lgan tushunchalarga asoslanishi; 3) yolg'on doiraga, ya’ni tushunchaning o'zi yoki shu tushuncha bilan ta’riflangan tushuncha orqali ta’riflashga yo'l qo'ymasligi; 4) ortiqcha xossalarni (qolganlaridan keltirib chiqarish mumkin bo'lganlarni) ko'rsatmasligi kerak. Demak, ta’rifda qisqa va ixcham shaklda ta’riflanayotgan tushuncha haqida aniq m aium ot berilishi kerak. Mulohaza Rost yoki yolg‘onligi bir qiymatli aniqlanadigan darak gaplar mulohazadeyiladi. So'roq yoki his-hayajon gaplar mulohaza bo'la olmaydi. Noma’lum qatnashgan gaplar ham mulohazaga kirmaydi.
