2-bob. Karantin ruxsatnomasini berishga doir talablar va shartlar 9. Quyidagilar ruxsatnoma berish uchun rioya etilishi majburiy talablar va shartlar hisoblanadi:
yuridik va jismoniy shaxslar tomonidan o‘simliklar karantini to‘g‘risidagi qonun hujjatlariga,
jumladan karantin qoidalariga, shuningdek fitosanitar talablarga rioya etilishi;
o‘simliklar karantini davlat inspektori tomonidan o‘z vakolati doirasida yuborilgan zarur
fitosanitar talablar bajarilishi bo‘yicha taqdimnomalarni bajarish, o‘simliklar karantini obyektlari
aniqlanganda o‘simliklar karantini qoidalariga muvofiq o‘rnatilgan cheklashlar va ko‘rsatmalarga
rioya qilish;
O‘zbekiston Respublikasiga olib kirilayotgan o‘simliklar karantini nazoratidagi mahsulotlar
xalqaro fitosanitar talablarga, savdo shartnomalarida (bitimlarida) nazarda tutilgan fitosanitar
shartlarga javob berishi va O‘zbekiston Respublikasi hududiga chetdan kiritilishi mumkin
bo‘lmagan o‘simliklarning ekish materiallari, o‘simliklar karantini nazoratidagi mahsulotlar va
ularning hududlari ro‘yxatiga kirmagan bo‘lishi;
O‘zbekiston Respublikasiga olib kirilayotgan o‘simliklar karantini nazoratidagi mahsulotlarni
eksport qiluvchi mamlakat hududida karantin holati e’lon qilinmagan bo‘lishi;
O‘zbekiston Respublikasiga olib kirilayotgan o‘simliklar karantini nazoratidagi mahsulotlarni
eksport qiluvchi mamlakat hududidan O‘zbekiston Respublikasi hududiga karantindagi zararli
organizmlar kirib kelish xavfi mavjud bo‘lmasligi;
karantin ruxsatnomasini berish natijasida harakatlarni bajarish va (yoki) muayyan faoliyatni
amalga oshirish, fuqarolarning hayoti va sog‘lig‘iga yoki o‘simlik dunyosi obyektlariga hamda
ularning yashash muhitiga haqiqatda xavf solmasligi;
Oldingi tahrirga qarang. karantin ruxsatnomasini olish uchun yuridik va jismoniy shaxslar arizani o‘simliklar karantini
nazoratidagi mahsulotlarni O‘zbekiston Respublikasiga olib kirish rejalashtirilgan kundan kamida
30 kun avval Agentlikka taqdim qilishi.
(9-bandning sakkizinchi xatboshisi O‘zbekiston Respublikasi Vazirlar Mahkamasining 2021-yil 15- dekabrdagi 752-sonli qarori tahririda — Qonunchilik ma’lumotlari milliy bazasi, 16.12.2021-y., 09/21/752/1166- son) 10. O‘zbekiston Respublikasiga olib kirilayotgan o‘simliklar karantini nazoratidagi
mahsulotlarni fumigatsiya qilish talab etilgan hollarda yuridik va jismoniy shaxslar fumigatsiya
ishlarini o‘tkazish uchun zarur bino va inshootlar bilan ta’minlaydilar.
