O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida
-§. O‘zbekiston Respublikasi Maktabgacha ta’lim vazirligi
Yüklə 1,69 Mb. Pdf görüntüsü
|
|
104-§. O‘zbekiston Respublikasi Maktabgacha ta’lim vazirligi
Yuridik boshqarmasi boshlig‘i o‘rinbosarining malaka tavsiflari 1. Lavozim vazifalari: – O‘zbekiston Respublikasi qonunlari, O‘zbekiston Respublikasi Prezidentining farmonlari va qarorlari, Hukumat qaror va farmoyishlarini, vazirlik qarorlari, buyruqlari va boshqa hujjatlar ijrosini ta’minlash hamda ular yuzasidan tegishli takliflar kiritish; – vazirlikning huquqni qo‘llash faoliyatida qonun ustuvorligi va qonuniylikni ta’minlashni tashkil etish; – vazirlik tomonidan ishlab chiqilayotgan (qabul qilinayotgan) normativ-huquqiy va boshqa hujjatlar loyihalarining qonunchilikka muvofiqligini ta’minlashi; – vazirlikning qonun ijodkorligi faoliyatida ishtirok etish, qonunchilikni takomillashtirish yuzasidan takliflarni tayyorlash masalalarida vazirlik tarkibiy bo‘linmalari va idoraviy mansub tashkilotlari bilan hamkorlik qilishi; – vazirlikning, idoraviy mansub tashkilotlarning va hududiy boshqarmalar xodimlarining huquqiy madaniyati va huquqiy savodxonligini oshirish, ularga qabul qilinayotgan normativ-huquqiy hujjatlarning mazmun va ahamiyatini, shu jumladan zamonaviy axborot- kommunikatsiya texnologiyalari orqali yetkazishda ishtirok etish; – shartnomaviy-huquqiy va talabnoma da’vo ishlarini yuritish, vazirlikning mulkiy va boshqa manfaatlarini ishonchli himoya qilinishini ta’minlash; – vazirlikka kelib tushayotgan normativ-huquqiy hujjatlarni tanishish, xizmatda foydalanish va ularning tizimlashtirilgan hisobini yuritish uchun birinchi navbatda olish; – vazirlik markaziy apparati tarkibiy bo‘linmalari, idoraviy mansub tashkilotlari va hududiy boshqarmalarning mansabdor shaxslaridan yuridik xizmatga yuklangan vazifalar va funksiyalarni bajarish uchun zarur bo‘lgan hujjatlar va ma’lumotlarni olish; – rahbariyat tomonidan chaqiriladigan huquqiy masalalarga tegishli yig‘ilishlar, kengashlar va majlislarda ishtirok etish; – rahbariyat topshirig‘iga ko‘ra yoki tegishli tarkibiy bo‘linma rahbarining roziligi bilan ularning xodimlarini normativ-huquqiy hujjatlar va boshqa hujjatlar loyihalarini tayyorlash uchun, huquqiy ishlarni amalga oshirish bilan bog‘liq boshqa tadbirlarga jalb qilish; – qonunchilikka zid bo‘lgan, qonunchilik texnikasi talablariga javob bermaydigan normativ-huquqiy hujjatlar va boshqa hujjatlar loyihalarini ijrochilariga puxta ishlash uchun qaytarish, o‘z e’tirozlarini asoslagan holda, aniqlangan kamchiliklarni bartaraf etish to‘g‘risida huquqiy xulosalar berish, rahbariyat topshirig‘iga ko‘ra yoki o‘z tashabbusi bilan boshqa tuzilmalar bilan birgalikda ushbu loyihalarni puxta ishlanishida ishtirok etish; – vazirlik markaziy apparati tarkibiy bo‘linmalari, idoraviy mansub tashkilotlari va hududiy boshqarmalarda vazirlik vakolatiga kiradigan masalalar bo‘yicha qonun hujjatlariga rioya qilinishi masalalarini o‘rganish; – vazirlik markaziy apparati tarkibiy bo‘linmalari, idoraviy mansub tashkilotlari va hududiy boshqarmalarning qonun hujjatlari bajarilishini ta’minlamayotgan yoxud ularni buzayotgan rahbarlari va xodimlarini javobgarlikka tortish haqida rahbariyatga takliflar kiritish; – vazirlik markaziy apparati tarkibiy bo‘linmalari, idoraviy mansub tashkilotlari va hududiy boshqarmalarda yoki vazirlik yohud huquqni muhofaza qiluvchi organlar tomonidan Tartib raqami 1190/1672 Kasblarning milliy standart klassifikatori bo‘yicha kodi 1321/1324 Xodimlar toifasi Boshqaruv o‘tkaziladigan tekshirishlar, taftishlar va xatlovlarda, shuningdek ularning yakunlari bo‘yicha hujjatlarni ko‘rib chiqishda ishtirok etish hamda aniqlangan huquqbuzarliklar yuzasidan huquqiy xulosalar berish; – vazirlik markaziy apparati tarkibiy bo‘linmalari, idoraviy mansub tashkilotlari va hududiy boshqarmalarda qonun buzilishi holatlari aniqlanganligi to‘g‘risida zudlik bilan to‘g‘ridan-to‘g‘ri Yuridik boshqarma boshlig‘iga, O‘zbekiston Respublikasi Adliya vazirligiga va boshqa huquqni muhofaza qiluvchi organlarga xabar berishi; – “Korrupsiyaga qarshi kurashish to‘g‘risida”gi O‘zbekiston Respublikasi Qonuni talablariga muvofiq tizimda korrupsiya va boshqa huquqbuzarliklarning oldini olish choralarini ko‘rish, shuningdek, huquqni qo‘llash amaliyotini va qonun hujjatlarini takomillashtirishga doir chora-tadbirlarni ishlab chiqish va amalga oshirish orqali ularning sodir etilishiga ko‘maklashuvchi sabablar va shart-sharoitlarni aniqlash, tahlil qilish hamda bartaraf etish bo‘yicha rahbariyatga chora-tadbirlar dasturini ishlab chiqib kiritish. Yüklə 1,69 Mb. Dostları ilə paylaş:
|