O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

2. Bilishi lozim:
–
ta’limga oid va bolalar huquqlarini tartibga soluvchi amaldagi normativ-huquqiy
hujjatlarni;
–
psixologiya-pedagogika fani yutuqlarini va uni hayotga tatbiq etish yo‘llarini;
–
metodik ishlarni tashkil etish va samaradorligini oshirish usullarini;
–
kadrlarni tanlash va joy-joyiga qo‘yish usullarini, ularning malakasini oshirish va
qayta tayyorlash tartibini;
–
maktabgacha ta’limga qo‘yiladigan davlat talablari, o‘quv reja, o‘quv dasturi va
boshqa o‘quv-metodik hujjatlarning mazmuni hamda o‘quv jarayoniga tatbiq etish yo‘llarini;
–
mashg‘ulot va darslarni tahlil qilish, ularni to‘g‘ri tashkil etish bo‘yicha amaliy
yordam berish shakllarini;
–
pedagog xodimlarni qayta tayyorlash va ularning malakasini oshirishga qo‘yiladigan
davlat talablarini;
–
jamoada sog‘lom ma’naviy muhitni shakllantirish usullarini;
–
sanitariya-gigiyena talablari, mehnatni muhofaza qilish, texnika va yong‘in xavfsizligi
qoidalarini.
3. Malaka talablari
:
–
o‘z yo‘nalishi bo‘yicha kamida magistr darajasidagi oliy ma’lumot;

---

–
xorijiy tillardan birining boshlang‘ich bosqichini va axborot-kommunikatsiya
texnologiyalaridan foydalanishni bilishi;
–
kamida mutaxassislik bo‘yicha besh yillik ish staji.
–
ta’lim muassasasining tegishli boshqaruv bo‘g‘inlarida bo‘lim boshlig‘i, yoki
o‘rinbosari kabi rahbarlik lavozimlarida kamida uch yillik samarali ish stajiga ega bo‘lishi zarur.
Shuningdek, O‘zbekiston Respublikasining “Maktabgacha ta’lim va tarbiya to‘g‘risida”gi
Qonunining 44-moddasiga muvofiq Maktabgacha ta’lim va tarbiya tizimida mehnat faoliyatini
amalga oshirishga quyidagi cheklovlar belgilab berilgan:
Muomalaga layoqatsiz yoki muomala layoqati cheklangan deb topilgan, pedagogik
faoliyatni amalga oshirishga to‘sqinlik qiladigan kasalliklari yoki jismoniy nuqsonlari bo‘lgan
shaxslar, shuningdek qasddan jinoyatlar sodir etganligi uchun ilgari hukm qilingan shaxslar
maktabgacha ta’lim tashkilotlarida pedagogik faoliyat bilan shug‘ullanishi mumkin emas.
Ilgari o‘zining aybli harakatlari sababli mehnat shartnomasi tugatilgan shaxslar,
shuningdek qo‘llanilgan jazo chorasidan, sudlanganligi holati tugatilganligidan yoki olib
tashlanganligidan hamda o‘ziga nisbatan amnistiya yoki afv etish akti qo‘llanilganligidan qat’i
nazar, qasddan sodir etilgan jinoyatlar uchun ilgari hukm qilingan shaxslar, jinoyat ishlari
aybdorligi to‘g‘risidagi masala hal etilmagan holda tugatilgan jinoyatlar sodir etgan shaxslar
maktabgacha ta’lim va tarbiya tizimi organlari va tashkilotlarining rahbarlik lavozimlariga
tayinlanishi mumkin emas.