O`zbekiston respublikasi maktabgacha ta`lim vazirligi maktabgacha ta`lim muassasalarida ta`lim jarayonini mavzuviy rejalashtirish (tayyorlov guruhi) Toshkent 2018 yil

Qo`shimcha qism: tarbiyachi bilan birgalikda tuproqning xususiyatlari xaqidagi bilimlarini mustahkamlashadi.
E`tiborga molik jihati: loy ishi tozalikni talab qiladi,shuning uchun bolalar orqasidan yig`ishtirib, qo`llarini yuvishni nazorat qilish.
Fan va tabiat markazi
Suyuqlik hajmini o`lchash
Maqsad: shartli belgi yordamida suyuqlikhajmini aniqlay oladi.
Kerakli Jihoz va materiallar: tor ko`za va keng grafin (shishali, 4 stakan suv sig`imiga ega bo`lgan grafin, ko`za - 3; suvli ko`za, 2 ta bir litrli bankalar, 4 stakan va boshqa turli idishlar, katta tog`ora.
Faoliyatning borishi:

1. Bolalar qaysi idishga ko`proq suv sig`ishini taxminan aniqlashadi.

   
   

2. Bolalar stakanlar yordamida idishga suv to`ldirishadi. Natijasini belgilashadi.

   
   

3. Hajm bir litrli bankalar yordamida o`lchanadi. Xulosa chiqarishadi.

   
   

4. Bolalar suyuqliq hajmini yana nimalar yordamida aniqlash mumkinligi taklifini berishadi.

   
   

Qo`shimcha qism: boshqa jismlarda suyuqlik miqdorini o`lchashadi va taqqoslashadi.
E`tiborga molik jihati: kuzatish, o`lchash va xulosa qilishni bilish, topshiriqlarni bajarishda bolalarni faolligi.
San`at markazi
Rassm chizish «Choy servizi»
Maqsad: rasm chizish uchun mustaqil material tanlaydi, rasmni berilishiga qarab varaqda tasvirni joylashtirishda kompzisiya o`ylaydi va bajaradi.Predmetlarni tegishli kattaligini tasvirlab idish chizadi.Chegarasini qora qalamda chizib rangli qalamlar yoki bo`yoklar yordamida bo`yash usulini qo`llaydi.
Kerakli Jihoz va materiallar: A4 formatdagi oq qog`oz, qora va rangli qalamlar, suv, bo`yoqlar va kistochkalar, salfetkalar. «Paxta» choy servizi.
Faoliyatning borishi:

1. «Paxta»servizini tomosha qilish.

   
   

2. Rasm chizish uchun material tanlash va ishga tayyorgarlik.

   
   

3. Bolalarning samarali faoliyati.